Udalen Aniztasun Zerbitzuak

“Urretxun Bizi Gara” Harrera Eskolaren bitartez, lurraldean eskuragarri dauden funtsezko baliabide ezberdinak ezagutzeko aukera izango dute herrira etorri berri direnek: osasun, gizarte eta hezkuntza zerbitzuak, euskara, kultura, atzerritartasun tramiteak, birziklapena, etxebizitza eta lan bilaketa, etab.

Oinarrizko euskara ikastaroak dira.
60 ordukoak
Doakoak (Udalak diruz lagunduta)
Urtean zehar taldea osatzean ematen dira.

Eskualdean elkar bizi garen pertsona ororen Aniztasuna balorean jartzen duen topaketa eta ospakizunerako jardunaldia da hau. Jaia, Aniztasun eta Bizikidetza Mahaiak kudeatzen duen bizpahiru hilabeteko parte hartze prozesu baten ondoren ospatzen da. Hau da, jaiaren aurretik 6-8 aste bitartean, astero agente ezberdinak elkartzen dira jaiaren nondik norakoak elkarrekin antolatu eta elkar ezagutzarako. Jardunaldian zehar hiru espazio bereizten dira: munduko jakien erakusketa eta dastatzea, aniztasuna ardatz duten ikuskizunak eta gai ezberdinen inguruko tailerrak. Ekintza guzti hauetan urtero kolektibo eta erakunde ezberdinek parte hartzen dute.

Aniztasun Kontseilua 2022urtean sortu zen. Hamabost bat herritarrek ostatzen dute. Bertan norbanako moduan dabiltzan kideak daude batetik eta bestetik elkarte edo eragile moduan dabiltzanak. Jatorriz usurbildarrak diren pertsonek osatzen dute eta baita beste herrialdetatik etorritako pertsonak. Hemen jatorriak: Nikaragua, Venezuela, Sahara, Argentina, Kolonbia...Urtean 3 edo 4 aldiz biltzen gara eta aniztasun gaietan ditugun lan-ildoen jarraipena egiten dugu. Baita kideen beharrak entzun eta ahal den neurrian erantzun bat eman udaletik behar den zerbitzua aktibatuz edo bideraketak eginez.

Urretxuko udalean hilero bilerak egin ohi dira, Aniztasun eta Bizikidetza arloan garatzen denaren inguruko hausnarketa egin eta erabakiak hartzeko. Aniztasuna bere osotasunean, parte hartzea, adostasuna eta diskriminazio eza dira espazio honen ardatzak. Espazio honetan Urretxu eta Zumarragako herritarrek, udalak, ordezkari politikoek eta erakunde ezberdinen ordezkariek parte hartzen dute. 

Atzerritartasun gaietan laguntzeko doako zerbitzua. 

Eskolaz kanpoko laguntza komunitarioko programa, Eusko Jaurlaritzak finantzatua. Boluntarioen arabera artatzen dira ikasleak. 

Zarauzko Udalak sortutako ekimena da herrian bizi dugun kultura aniztasuna erakutsi eta batez ere azken urteotan Zarautza etorri diren bizilagunen integrazioa bultzatzeko.

Herriko elkarte gastronomikoetan, mahai baten inguruan jatorri ezberdineko zarauztarrok elkartzen gara elkar-ezagutu eta herriko parte diren kulturetako gastronomiak dastatzeko.

Irunen bizi eta bertako komunitatera eta kulturara egokitzeko prozesuan sartuta dauden etorkinentzako proiektu bat da. Proiektu honen bidez, prestakuntza globala eskaintzen zaie gizarte honen ezaugarrien inguruan, integratzeko hain garrantzitsuak diren esparruak kontuan hartuta, hala nola osasun-arloa, arlo juridikoa, administrazio-arloa, lan-arloa, etab.

Gunea zabalik dago bertara hurbildu nahi duten emakume guztientzat, eta aukera ematen du jatorriz askotariko Emakumeen taldeko kideek eta Pasaian bizi diren beste batzuek elkar ezagutzeko eta sareak sortzeko. Izan ere, elkar ezagutzeko, eztabaidatzeko eta bizikidetza indartzeko gune bat da.

Saioak izaten dira hilabetean behin (Hilabete bakoitzaren azkeneko asteazkenean), 17:00etatik- 20:00ak arte), urtarriletik ekainera; eta urritik abendura.

Donostian bizi diren hainbat jatorritako emakume migratzaileen behar ugariei erantzuteko gune bat.

Horretarako, astero biltzen da taldea Emakumeen Etxean, errealitateak eta bizipenak partekatzeko eta irtenbide kolektiboak bilatzeko gune seguru moduan, zailtasun eta lorpen indibidual eta taldekoetatik ikasiz.

Kultura Aniztasunaren Sailak, Udaleko Berdintasun Sailaren laguntzarekin, bultzatutako ekimena da.

2015. urtean, Elkarrizketarako eta Garapenerako Kultur Aniztasunaren Nazioarteko Eguna hasi ginen ospatzen Errenterian.

Izan ere, UNESCOren deklarazio unibertsala aintzat haturik, kultur aniztasunaren balioa, hau da, horrek dakarren aberastasuna ospatzea zein aitortzea ezinbestekoa dela uste baitugu, bereziki, ELKARBIZITZA sustatzeko.
Maiatzaren 21ean ospatzen den nazioarteko egunaren harira, aste osoko programazioa sortzen dugu herritarrentzat eta herritarrekin. Bereziki, hezkuntza komunitatearekin, herriko elkarteekin eta ostalari nahiz artistekin. Hori dela-eta, Errenterian 11 Zapore, Errenteria Munduan edota herriko ikastetxeekin batera sortzen dugun sentsibilizazio proiektua urteroko ekimenak bilakatu dira.

Gurasoentzako euskara ikastaro praktikoak dira. Umeak eskolan dauden bitartean euskara ikasteko doako aukera dute.

60 orduko ikastaro trinkoa eskaintzen dugu euskararekin eta euskal kulturarekin harremanik izan ez dutenak euskarara hurbiltzeko.

Familien banakako esku-hartze psiko-hezitzailea emateko zerbitzua eskaintzen dugu (laguntza terapeutikoa eta esku-hartze hezitzailea: laguntza hezitzailerako programa) familia berriro biltzeko prozesua pasa duten eta berriro elkartu diren familientzat.

Berriz biltze horren ondorioz, maiz familia barruko krisia sortzen da, aurre egin beharreko egoerek zuzenean eragindakoa: migrazio-prozesuak eta berriz familiara egokitzeko prozesuak eraginda, alegia. Urteak bananduta eman ondoren, familia biltzeko ardura dutenek berriro aurkitu behar izaten dituzte familiartekoak, eta familian berriro dagokien rola hartu behar izaten dute.

Horrez gain, bere(n) bizitza(k) familia-unitate bezala antolatu behar dituzte, eta ez orain arte bezala; eta egokitzapen horri aurre egin behar diote.

Ildo horretan berean, beste gizarte- eta ekonomia-egoera batera egokitu behar dute eta, horretarako, laguntza eta informazioa beharko dute.

Bestalde, berriz elkartzen denak ingurune berrian laguntza eta orientazioa beharko ditu, migrazio-prozesuan izandako galerak berregiteko laguntza beharko du, eta haren bizileku izango den gizarte-inguru berria ezagutzeko eta ulertzeko laguntza eta informazioa beharko ditu.

Noiz egiten den: urtearen buruan (urtarriletik abendura).

Onuradunak: Pasaiako familiak.

Gizarte langileek bideratuko dituzte programa honetara.

Migrazio-prozesuak berak eta familia beraren berregokitze prozesuen ondorioz sortutako arazoei aurre egiteko laguntza izateko asmoa du proiektu honek.

Maiz familia barruko krisia sortzen da, aurre egin beharreko egoerek zuzenean eragindakoa: migrazio-prozesuak eta berriz familiara egokitzeko prozesuak eraginda, alegia. Urteak bananduta eman ondoren, familia biltzeko ardura dutenek berriro aurkitu behar izaten dituzte familiartekoak, eta familian berriro dagokien rola hartu behar izaten dute. Horrez gain, bere(n) bizitza(k) familia-unitate bezala antolatu behar dituzte, eta ez orain arte bezala; eta egokitzapen horri aurre egin behar diote. Ildo horretan berean, beste gizarte- eta ekonomia-egoera batera egokitu behar dute eta, horretarako, laguntza eta informazioa beharko dute. Bestalde, berriz elkartzen denak ingurune berrian laguntza eta orientazioa beharko ditu, migrazio-prozesuan izandako galerak berregiteko laguntza beharko du, eta haren bizileku izango den gizarte-inguru berria ezagutzeko eta ulertzeko laguntza eta informazioa beharko ditu.

XXI. mendeko gizarteetako gatazkak konplexuak dira eta erakundeen funtzionamendu-ereduak ez dira oso azkarrak, departamentuka funtzionatzen dutelako. Bi aldagai horien eraginez, batzuetan herritarren eskaerei ez zaie behar besteko arintasunez erantzuten, eta erantzunak ez dira oso eraginkorrak izaten.

Horren ondorioz, erakundeen utzikeria sentsazioa zabaltzen da. Horregatik guztiagatik, eta Pasaiako gizarteak bizi duen unea aintzat hartuta, bizikidetza sustatzeko ekintzekin batera, ezinbestekotzat jotzen da gizarte-alarma sortzen duten egoerei erantzuna bideratzea ahalbidetuko duen sistema bat egituratzea, bizikidetzaren aldeko jardunbide egokiak eta ekintzak eragingo dituena.

Aztoramendu soziala sortzen duten gatazken ezaugarria da hainbat pertsona-talderi eragiten dietela, eta, aldeek salaketak jarri edo esku-hartze judizialak egin arren, haiek konpontzea zaila dela, bertan eragiten duten hainbat aldagairengatik.

Gainera, denboran zehar irauten duten gatazkak dira, Udalaren zenbait arlo ukitzen dituzte, eta haietako bakoitzak, berak bakarrik, ezin dio egoerari aurre egin.

Gaztaka horiek modu integralean jorratzeko, egokia da udal-arloetako teknikariek adostutako jarduketa-protokolo bat lantzea.

Oinarrizko helburua da gatazkak betirako ez izatea eta, ahal den neurrian, esku-hartze arinak, prebentziozkoak eta integratzaileak egitea.

Beraz, Gatazkak Kudeatzeko Taldeak sortzen dira udal-arloen eta udalaz gaindikoen batasunetik, aztoramendu soziala sortu dezaketen egoerak jorratzeko eta gatazkak kudeatzeko diziplinaren ikuspegitik. Erabakiak hartzeko gaitasuna duten langile teknikoak izango dira parte-hartzaileak.

Giza Eskubideen nazioarteko eguna abenduaren 10an ospatzen da Nazio Batuen batzarrak Giza Eskubideen deklarazio unibertsala aldarrikatu baitzuen.

Egunaren harira, astebeteko programa zabala sortzen du Udalak kolektibo eta herriko nahiz inguruetako eragile desberdinekin Giza Eskubideen inguruan hausnartzeko. Zehazki, 2015 urterik aurrera Giza Eskubideen Astea deituriko egitarau eskaintzen da herritarrek parte har dezaten. Urtero gai zentral bat jartzen da erdigunean eta urraketa edota eskubide horren inguruan sortzen da diziplina desberdinez osaturik agenda.

Emakume etorkinen asteroko topaketak. Bi ordukoak izaten dira, eta kulturarteko bitartekotza-taldeak koordinatzen ditu. Bertan, emakumeek beren bizitzako esperientziak trukatzen dituzte, eta hortik abiatuta, beren egungo beharrak aztertu eta gune seguru bat eraiki ahal izango dute elkarrekin.

Mentoria soziala esku hartze sozialeko tresna bat da, eta zaurgarritasun egoeran dagoen pertsona baten (mentorizatua) eta beste pertsona bati laguntza boluntarioki eskaini nahi dion pertsonaren (mentorea) arteko harremana sustatzea du xede.