​​​​​​​

 

GURE LURRA kongresua

Baserria, gure orekaren giltzarria

 

 

Berriz ere, GURE LURRA 5 Sembrando Futuro Kongresuak, lehen sektoreari ikusgarritasuna eman nahi dio eta baserritarren eta herritarren arteko topagunea izaten jarraitu nahi du.

Bosgarren edizio honetan, baserritarren lana eta euskal baserriek etorkizun iraunkorragoa lortzeko duten garrantzia nabarmendu nahi ditugu. Nekazaritza eta elikadura-sistema funtsezkoak dira klima-aldaketari globalki erantzuteko. Haiek dira gure orekaren giltzarria.

Euskal baserriak Kongresuaren ardatz nagusia izanik, gaur egun oihartzun handiena duten eta askotan eskutik helduta doazen gai batzuk eztabaidatuko ditugu. Iraunkortasunaren kontzeptua pisu handia hartzen ari da Gipuzkoan, sasoiko eta hurbileko produktuen eskaria eta nekazaritza ekologikoa areagotuz. Hau dela eta, gure ingurunea eta ingurumena zaintzea, klima-aldaketaren aurkako borrokan inplikazioa eta jarrera aktiboa garatzea eta elikadura jasangarria bezalako gai garrantzitsuak eztabaidatuko ditugu.

Datorren urriaren 26an Kursaalean izango gaituzu zain. Parte hartu nahi baduzu, gorde data eta eman izena. Laster bidaliko dizugu ekitaldiaren edukiari buruzko informazio gehiago.

 

 

Kursaal Kongresu Jauregia
2022ko urriak 26
 

Antzerki didaktikoa

Etxeko txikienek lehenengo sektorea ezagutzeko aukera ezin hobea!

Haurrek lehen sektoreak ematen dizkigun onurak ezagutu ahal izango dituzte Eneko eta Ixabel antzezlanaren bidez. Horren helburua da gure baserritarrek kalitatezko eta sasoiko produktu jasangarriak lortzeko egiten duten lanaren balioa azpimarratzea.

Egitaraua

AKREDITAZIOAK 08:30-09:15
 

IREKIERA-BIDEOA 09:15
 

KONGRESUAREN HASIERA 09:30
 

 

MARKEL OLANO ARRESE

Gipuzkoako Diputatu Nagusia

  

1.BLOKEA: BASERRIA, GURE OREKAREN GILTZARRIA 09:45 - 11:15
 

9:45 -- PEPE MUJICA

 

PEPE MUJICA

Uruguaiko presidente ohia

Uruguaiko presidente ohiak, ingurumenaren babesaren aldeko munduko ahots nagusietako batek, bere ideiei eta ibilbideari buruz hitz egingo digu, lehen sektoreko eragileek etorkizun jasangarriago bat lortzeko egiten duten lanaren balioa nabarmentzeko. Uruguairaino joango gara, gaur egun oihartzun handiena duten gaietako batzuei buruz zer iritzi duen jakiteko: ingurune eta ingurumen zainduak izatearen, kontsumo arduratsu eta jasangarria egitearen eta klima aldaketaren aurkako borrokaren garrantzia, besteak beste.

10:30 -- Elkarrizketa. Baserriaren modeloa

 

Nerea Lazkano

Basa-Lore Txakolindegia

Baserria Gipuzkoako paisaiaren nortasunaren parte da. Eta gure landa-ekonomiaren zutabe horrek irautea nahi badugu, gure baserritarren eguneroko lana ezinbestekoa da. Bada, omendu egin nahi diogu horri. Haiek dira gure orekaren gakoa; ezin dugu ahaztu hori. Baserrien egitura eta etorkizun jasangarriago bat lortzeko egiten duten lanaren dibertsifikazioa sakonago ezagutu nahi ditugu.

10:45 -- Solasaldia. Lehen Sektoreko eragileak eta gazteak

 

Solasaldi honetan, lehen sektoreko hainbat eragilek eta baserri-mundua maite duten gazteek zuzenean kontatuko digute baserriko esperientzia eta eguneroko bizitza. Haien eta baserritar guztien lanaren balioa nabarmendu nahi dugu; izan ere, egunero-egunero lan egiten dute kalitatezko eta hurbileko produktuak izan ditzagun, ingurune zaindu eta jasangarri batean.

 

Solaskideak:

Itxaso Agirre – Premietxeberri baserria

Xabier Arnaiz – Gaztenek Berri

Esther Bada – Gaztenek Berri

Kevin Brian – Gaztenek Berri

Nerea Lazkano – Basa-Lore txakolindegia

 

ATSEDENA ETA KAFEA 11:15-11:45
 

2.BLOKEA: INGURUNE JASANGARRI BATEN BILA 11:45-13:30
 

11:45 -- Eneko eta Ixabel antzezlanaren ikaskuntzak

 

  

12:00 -- MARIO PICAZO

 

MARIO PICAZO

Meteorologoa

Meteorologoa, irakaslea eta telebistako aurkezlea. Pueblon (Colorado, Estatu Batuak) jaio zen 1965ean. Zientzia Fisikoak ikasi zituen Bartzelonako Unibertsitatean. 1993an, Espainiara iritsi, eta ingurumen-ingeniari lanetan hasi zen. 1995ean, Telecinco kateko albistegiko taldean sartu zen, meteorologiako buru gisa. 15 urtez egin zuen lan hori. Oso gustuko ditu fenomeno meteorologikoak eta herriaren jakinduria, eta hori oso nabarmena da Climas extremos telebista-saioan. Gainera, klima-aldaketari buruzko hiru liburu argitaratu ditu.

12:45 -- Elkarrizketa. Basotik fundazioa

 

Basotik fundazioaren gerentea

 

Arantxa Ariztimuño

Mendiak eta natura ingurune zuzendaria, GFA

Basotik: Gipuzkoako basoen etorkizunaren aldeko apustu bat. Aldundiaren partaidetza osoa duela, Gipuzkoako basoen kudeaketa aurreratua egiten du, eta hiru helburu nagusi ditu: basoak zatitzeari eta abandonatzeari aurre egitea, klima-aldaketaren kontrako borrokan laguntzea eta sektorea indartzea.

13:00 -- Solasaldia. Fundazioaren onurak eta ezaugarriak

 

Gipuzkoako basoen azaleraren % 16 abandonatuta dago. Banda marroiaren gaixotasuna, jabetzaren tamaina, jabeen adina eta belaunaldi-erreleborik eza dira, beste batzuen artean, fundazioa sortzeko beharra eragin duten alderdi garrantzitsu batzuk. Inguruaren errentagarritasun eta segurtasun handiagoa eta lagatako basoen kudeaketa integrala dira fundazioari esker lortuko diren onuretako batzuk.

 

Solaskideak:

Ane Amondarain – Baso jabea

Gorka Altuna Fernandez – HAZI

Jalel Labidi Bouchrika – EHU

Ibon Antero Intxausti Mondragon Korporazioa

Basotik Fundazioko gerentea

​​​​​​​Arantxa Ariztimuño - Mendiak eta natura ingurune zuzendaria, GFA

BERTAKO PRODUKTUEN DASTAKETA 13:30 - 14:45
 

3. BLOKEA: ELIKADURA JASANGARRIA 14:45-16:30
 

14:45 -- XEVI VERDAGUER

 

XEVI VERDAGUER

Psikoneuroinmunologoa

Psikoneuroinmunologoa, zientzia-dibulgatzailea, nutrizionista eta fisioterapeuta. Cuídate eta Transforma tu salud liburuen egilea. Xevi, osasunari buruz duen ikuspuntua dela-eta, lehen mailako profesional bihurtu da ohiko medikuntzaz bestelako aukerak bilatzen dituzten pazienteentzako. Besteak beste, elikadura jasangarriaren garrantziaz jabetzen eta jaten dugunaren eta horrek gure osasunean duen eraginaren arteko erlazioa ezagutzen lagunduko digu.

15:30 -- Elkarrizketa. Misioa: Elikadura Jasangarria Gipuzkoan 2030ean

 

Olatz Errazkin

Gipuzkoako Foru Aldundia

Elikadura Jasangarriaren Misioaren helburua da 2030ean Gipuzkoako lurralde historikoa elikadura jasangarriaren abangoardian jartzea, eta, horretarako, ekoizteko, eraldatzeko eta banatzeko modu berri eraginkorragoak bultzatzea eta ingurumenean, ekonomian eta gizartean eragin positiboa izango duen kontsumo arduratsuago bat sustatzea.

15:45 -- Solasaldia. Elikadura jasangarriaren misioan inplikatutako eragileak

 

2040an, Gipuzkoak elikadura-sistema jasangarri eta osasungarri bat izango du, eta horrek tokiko ekoizpenaren potentziala maximizatuko du, kontsumo arduratsua sustatuko du eta lurraldearen tokiko kultura eta nortasuna proiektatuko ditu. Elikadura Jasangarriaren Misioaren prestaketan inplikatutako eragile batzuk izango ditugu.

 

Solaskideak:

Olatz Unamunzaga – NEIKER

Olatz Errazkin – Gipuzkoako Foru Aldundia

Saioa Ramos – AZTI

Imanol Zubelzu – ELIKER

Xevi Verdaguer - Psikoneuroimmunologoa

EGUNAREN LABURPENA ETA AMAIERA 16:15
 

 

JABIER LARRAÑAGA

Gipuzkoako Foru Aldundiko Ekonomia Sustapen, Turismo eta Landa Inguruneko Departamentuko diputatua.

   

 

Izena eman nahi dut!

Izena emateko aukera, epez kanpo dago. Barkatu eragozpenak.