2015eko abenduan, Nazio Batuen Erakundeak Garapen Jasangarriaren Helburuak (GJH) onartu zituen. Helburuok lehendik onartuta zeuden Milurtekorako Helburuak ordeztu zituzten, eta 2030 arteko mundu agenda berri bat abiarazi zuten.
GJHan iparrorratz bat bezalakoak dira: 17 helburu nagusitara begira daude, eta helburu horiek injustizia ezabatzera, giza eskubideak defendatzera eta Planeta babestera zuzenduta daude. GJHak modu globalean uztartuta ulertu behar dira: ez da posible justiziarik bakerik ez bada, ezta bakea ere giza eskubiderik gabe, berdintasunik gabe, ingurumenarekiko errespeturik gabe. Hauek dira 17 helburuok:
Lehendik zeuden Milurtekorako Helburuen aldean, GJH hauek errotiko aldaketa dakarte Garapenerako Lankidetza ulertzeko moduan. Aldaketa nagusietako bat da aplikazio unibertsaleko helburuak direla. Dagoeneko ez dira bakarrik garapen bidean dauden herrialdeen arazoa. Enplegu duinari buruz ari bagara, ezin diegu eskakizun hori garapen bidean dauden herrialdeei bakarrik eskatu; ez, gure herrialdeei ere eskatu behar diegu, agenda honek injustizien eta desberdintasunen kausei heldu nahi baitie errotik.
Garapenerako Helburu Jasangarriak ez dira derrigorrezkoak Lankidetza Deszentralizaturako (estatu mailatik behera gauzatzen den lankidetzarako, alegia: aldundi, udal, autonomia erkidego eta abarrek bultzatua), konpromisoa Espainiako Gobernuari dagokiolako. Baina, hala ere, Gipuzkoako Foru Aldundiak bere egiten ditu GJHak eta horiek lortzeko borondatea adierazten du, GFAren 2015-2019 Marko Estrategikoan jasota dagoen bezalaxe.
GJHei buruz gehiago jakin nahi baduzu: http://www.un.org/sustainabledevelopment/es/
Mónica Pedreira eta Ana Priede Trantsizio Ekologikoko eta Lankidetzako zuzendariek Sheroes Hangout proiektuaren sustatzaile den Bekoz Beko Gipuzkoako elkartea hartu dute Aldundian.
"Irakurri, hitz egin, abestu eta jolastu" lelopean, Bookstart Euskadi-Gipuzkoa programaren laugarren edizioa aurkezten da. Irakurzaletasuna sustatzeko doako programa da, eta urtero euskarazko, gaztelaniazko eta ingelesezko liburuak ematen dizkie 0 eta 3 urte bitarteko haurrei, eta 5 urtera artekoei, biztanle gutxiko eremuetan. Hala, aurten, Ataunek, Idiazabalek eta Legorretak bat egingo dute Alkiza, Larraul, Lasarte-Oria, Ordizia, Orio eta Urnietako udalerriekin, non dagoeneko abian dagoen ekimena.
Ana Priede Lankidetzako zuzendariak eta Isaac Palencia Gazteriako zuzendariak Gipuzkoak giza eskubideen defentsarekin duen konpromisoaren berri eman diete.
