Gipuzkoako gizartea, GFAren bitartez, aspalditik dago konprometitua Garapenerako Lankidetzarekin. Lankidetza honen oinarriak ezartzeko egin da Garapenerako Lankidetzaren 2015-2019 Jarduketa Marko Estrategikoa.
Marko estrategiko honek jartzen ditu, hain zuzen ere, GFAak lideratutako politikak eta proiektuak eraikitzeko oinarriak. Ikusi dugun bezala, GJHek ibilbide orri zabal eta transbertsal bat marrazten dute lankidetzaren arlorako, baina ezin dugu egin denetik eta leku guztietan. Horregatik, GFAk erabaki du batik bat ardatz hauek hartzea langai nagusi gisa:
Pobreziaren aurkako eta lan duinaren aldeko lana.
Giza eskubideen aldeko borroka, batez ere kolektibo zaurgarrien (emakumezko, ume, LGTBI, errefuxiatu edo desgaituen) eskubide zibil eta askatasunen alde.
Genero berdintasunaren defentsa eta sustapena.
Kultura aniztasunaren defentsa, gizartea eraldatzeko lanabes gisa.
Ingurumen jasangarritasunaren defentsa.
Tokiko garapen eta gobernagarritasunaren sustapena eta lurralde erakundeen sendotzea.
Euskal Fondoa, Euskal Toki Entitate Kooperatzaileen Elkartea; elkarte honek euskal udal eta toki erakundeen lankidetzarako ekintzak koordinatzen eta bultzatzen ditu.
(H)ABIAN 2030: gizarte eraldaketarako Hezkuntzaren euskal Estrategiaz arduratzen dena.