Albisteak

Proiektuak Fundiciones del Estandako labeen hondar-beroa aprobetxatzen du Antzizar kiroldegia girotzeko, eta, horrela, energiaren % 60 aurreztea eta urtean 43 tona CO2 murriztea lortzen da.

Gipuzkoako Foru Aldundiko Jasangarritasun Departamentuak Blue Ambassadors sarearen sorrera bultzatzen du, itsas plastikoen inbasioa geldiarazteko eta ozeanoen etorkizun jasangarria sendotzeko helburuarekin.

Lurraldeko 145 eragile ekonomiko baino gehiago sarean ari dira lanean GK Recycling klusterraren bidez, ekonomia zirkular lehiakorra eta berritzailea bultzatzeko.

Blue Expedition ekimenak geldialdia egingo du Pasaian, Santanderren eta Avilesen, herritarrak sentsibilizatzeko eta itsas eragileak itsasoaren defentsan aktibatzeko jarduera-programa komun batekin.

Gipuzkoako Foru Aldundiko Jasangarritasun Departamentuak medikuntzan, psikologian, elikaduran, haurtzaroan, landa-komunitateetan eta artean adituak diren dozena bat pertsona bildu ditu krisi klimatikoaren inpaktu emozionalei nola aurre egin eztabaidatzeko.

Jarduketa 133.500 euroko inbertsioarekin finantzatu du Jasangarritasun Departamentuak, eta jarraipena ematen dio Alegia – Ikaztegieta tarteari. Bidegorri-sare gero eta konektatuagoa, seguruagoa eta irisgarriagoa da eskualdean.

40 gizarte-, enpresa-, zientzia- eta erakunde-eragilek baino gehiagok bat egin dute Kantauriko Aliantza Urdin handiarekin, Gipuzkoatik Arku Atlantikoaren trantsizio ekologikoaren buru izateko.

Ataunen, Jasangarritasun Departamentuak sendotu egin du Gipuzkoako trantsizio energetikoan duen lidergoa, udalerrian energia-komunitate bat sortzea sustatuz, energia demokratizatzeko, faktura merkatzeko eta gizarte-kohesioa indartzeko funtsezko tresna gisa.

Gipuzkoako Foru Aldundiko Jasangarraitasun Departamentuak ezinbesteko eztabaida ireki nahi du: nola eraldatu ekotantsietatea eta beldur klimatikoa konpromiso eta ekintza positibo.

Jasangarritasun Departamentuak aurrera egiten du Gipuzkoako hondartzetan: gaikako bilketa handiagoa, ingurumen-intzidentzia txikiagoa eta herritarrak gero eta kontzientziatuagoak.

Zinemaldiaren 73. edizioan, 1.840 m² alfonbra gorri jasangarri estreinatu dira. Gipuzkoako Foru Aldundiko Jasangarritasun Departamentuak eman du, eta material birziklatu eta birziklagarriekin egin da osorik.

Aurten, tailerrak Luberri BHIn (Donostia) eta Arrasate BHIn (Arrasate) egingo dira, bizikletaren kultura lurraldeko geletara eramateko apustua sendotuz.

Hitzarmenak aukera emango du prebentzio-estrategien eraginkortasuna ebaluatzeko eta lurraldean elikagai-hondakinak kudeatzeko eredua hobetzeko. Aldundiak 10.000 euro bideratuko ditu hitzarmen horretara.

Instalazioa Gipuzkoako babesleku klimatikoen sarean sartzen da, bero-boladen aurrean babesteko, aisialdirako eta osasunerako gune gisa.

Labore Txingudi, Naturtzaindia eta Aranzadi elkarteek guztira 18.428 euro jaso dituzte ingurumenean eragina duten proiektuak garatzeko.

Tarte berriak 4,15 kilometro izango ditu, horretarako Foru Aldundiak 2,8 milioi euroko inbertsioa egingo du eta Eusko Jaurlaritzak 4 milioi euro inguruko, eta Gipuzkoan mugikortasun eredu bidezkoago, osasungarriago eta jasangarriago baterantz aurrera egitea ahalbidetuko du.

Gipuzkoako Foru Aldundiaren Jasangarritasun departamentuak abian jarritako 80.000 euroko dirulaguntzari esker, Irungo Udalak 6.765 euro jasoko ditu hiriko babesleku klimatikoen sarea abian jartzeko. Udalaren babesleku klimatikoen sareak askotariko 30 espazio biltzen ditu dagoeneko: irisgarriak dira, eta herritarrei erosotasun termikoa eskaintzen diete, muturreko tenperaturei aurre egiteko.

Metal 78 enpresako instalazioa Espainan lehenengoa izango da prozesu hidrometalurgikoak % 100 aplikatzen platinoa, paladioa edo errodioa bezalako material kritiko preziatuak berreskuratzeko, material horiek funtsezkoak baitira Europar Batasunaren garapen industrial eta teknologikorako.

Gipuzkoako Foru Aldundiko Jasangarritasun Departamentuak lurraldeko enpresak, zentro teknologikoak eta erakundeak bildu ditu RENOCICLA programaren aukerak aztertzeko, eta Espainiako Gobernuko Ekonomia Zirkularreko ordezkari Alejandro Doradoren partaidetza nabarmena izan du.

José Ignacio Asensio Jasangarritasuneko diputatuak Gipuzkoako Ingeniaritza Eskolako Ekonomia Zirkularreko Gela bisitatu du. Bertan, bi akordio estrategiko sinatu ditu EHUrekin, 46.000 euroko zenbatekoarekin.

Gipuzkoako Foru Aldundiko Jasangarritasun Departamentuak 350.000 euro bideratuko ditu CIDETECen Naturklima laborategiaren ekipamendura, bateriak birziklatzetik datozen materialak karakterizatzeko.

Gipuzkoako Foru Aldundiak eta Andade GKEak urtebete baino gehiago daramate elkarlanean material sozio-sanitarioari bigarren bizitza bat emateko.

Birziklatze-tasa % 52,77koa da 2024an, eta gaikako bilketa % 59,22koa da. Hondakinen sorrera % 8 murriztu da 2010. urtearekin alderatuta.

Autokontsumo kolektiboari esker, Getariako 253 familiak eta saltokik zero kilometroko eguzki-energia jaso ahal izango dute, beren faktura energetikoa % 30 murriztuz eta klima-aldaketaren aurkako borrokan lagunduz.

Naturklimak lehen mailako adituak biltzen dituen nazioarteko topaketa bat hartu du, baterien sektoreko ekonomia zirkularraren erronkak eta aukerak aztertzeko, trantsizio energetikorako funtsezko esparrua baita.

Gipuzkoako Foru Aldundiak Gloria Vázquez izendatu du Ingurumen Administrazioko zuzendari berri, José Ignacio Asensiok zuzentzen duen Jasangarritasun Departamentuaren barruan.

Donostia eta Zarautz izango dira kongresuaren egoitzak. Penintsula osoko eta Europako agenteak bilduko ditu, bizikleta bidezko mugikortasun jasangarriaren inguruan.

Japan Community Power Association erakundeak Naturklima bisitatu du, energia komunitateen Gipuzkoako eredua ezagutzeko, ezagutzen trukea indartzeko eta energia trantsizio globalean aurrera egiteko.

Jasangarritasun Departamentuak 72.500 euro inbertitu ditu etxebizitzak, enpresa txikiak eta udalerriko elkarte bat hornituko dituen energia-komunitate berritzaile batean.

Klima-aldaketa ez da etorkizuneko mehatxua, egungo errealitatea baizik. Egoera horren aurrean, Gipuzkoak ahots adituak bildu ditu Miramar Jauregian, informazio-sistemek arriskuak aurreikusteko, bizitzak salbatzeko eta lurraldea babesteko modua aztertzeko.

Gipuzkoako Foru Aldundiak iragarri du 2030era arte kudeatuko dituela instalazioak, eta 2027an 88 udalerrietara iristeko helburua ezarri du.

Gipuzkoako Foru Aldundiak hitzarmena sinatu du lurraldeko hamar garapen agentziekin, energia berriztagarriak, eraginkortasun energetikoa eta pobrezia energetikoaren aurkako borroka tokiko eta partaidetzazko ikuspegitik sustatuko dituzten energia planak bultzatzen jarraitzeko.

Gipuzkoako Foru Aldundiko Jasangarritasun Departamentuak 3,35 milioi euro bideratuko ditu aurten itsasertzaren kudeaketa integralerako.

Aldundiak bere eraikin eta instalazioen energia-kontsumoa % 25 murriztea lortu du 2015 eta 2024 artean. Aurrerapen horien ondorioz, lurraldea bide egokian dago 2030erako ezarritako kontsumoaren % 35eko murrizketaren helburua lortzeko.

Jasangarritasun Departamentuak 28.500 euro bideratuko ditu jasangarritasunaren eta ekonomia zirkularraren arloko prestakuntza sustatzeko.

Hondakinen materiategi bat da, lurraldeko enpresetatik berreskuratutako materialak biltzen, katalogatzen eta erakusten dituena, eta balio erantsi handiko baliabide bihurtzen dituena, beste sektore batzuetan berrerabiltzeko, hala nola diseinuan, arkitekturan, hezkuntzan edo industrian.

José Antonio Asensio Jasangarritasuneko foru diputatuak eman dio hasiera bizikleten lapurretaren fenomenoa aztertu eta konponbideak proposatzeko asmoz adituak, arduradun instituzionalak eta tokiko eragileak batu dituen jardunaldiari.

Ibai Ikastolak 36.000 euroko dirulaguntza jaso du Jasangarritasun Departamentuaren laguntza-programaren barruan. 2025ean Aldundia guztira 200.000 euro bideratu ditu lurraldeko ikastetxeetan ingurumena hobetzeko proiektuetara.

Jasangarritasun Departamentuak 12 milioi euro bideratuko ditu hemendik 2027 urtera, hondartzen funtsezko zerbitzuak finantzatzeko, udalerrien eskaerei erantzuteko, batez ere udalerri txikienei. Horrek 4 milioi eurotik gorako inbertsio gehigarria dakar.

Gipuzkoako Foru Aldundiko Jasangarritasun Departamentuak berriro ekin die Recycling Top topaketei, sektoreko enpresen arteko lankidetza indartzeko eta Gipuzkoako ekoizpen-sare jasangarria ikusarazteko.