Gipuzkoako Foru Aldundiak Baserritar Misto Profesionala programaren deialdia zabaldu berri du! Programak baserriko lana eta beste jarduera profesional bat uztartu nahi duten pertsonei laguntzeko aukera eskaintzen du.
60.000 €-ko diru-laguntza baserritarrentzat
30.000 € enpresentzat
6 urteko iraupena
Lanaldia %50era murrizteko aukera
Belaunaldi-erreleboa sustatzeko eta lehen sektorea indartzeko urrats berritzailea da! Gipuzkoako enpresa-sarea ere ekimen honekin bat egitera animatzen dugu.
Deialdia gaur zabaldu da eta hilabetez egongo da zabalik.
Hilabeteetako lan gogorraren ondoren, Gipuzkoako Foru Aldundiak Gipuzkoako Ehiza Federazioarekin adostu du larrialdiko neurri berriak ematen dituen Agindu berria, lurraldean ehiza modu seguruagoan egingo dela bermatzeko. Agindu horrek kuadrillen beraien eskaerari erantzuten dio, 2024ko abenduan Deban emakume bat hil ondoren.
Elikagaien segurtasunerako prestakuntza-plataforma berria aurkeztu dute
2025/01/23
Eusko Jaurlaritzak eta foru-aldundiek nekazaritzako elikagaien kateko elikagaien segurtasunari eta kontrol ofizialari buruzko prestakuntza-plataforma bat jarri dute martxan. Plataforma honek sektoreko profesionalek higiene- eta fitosanitarioen erabilerari buruzko ezagutzak eskuratzeko aukera emango die, bideo laburren eta prestakuntza-pilulen bidez. Helburua da kontrol ofizialaren gardentasuna hobetzea eta nekazaritzako elikagaien segurtasuna bermatzea Euskal Autonomia Erkidegoan.
Gipuzkoan 2.400 artalde eta 140.000 ardi daude, eta sektore honek funtsezko zeregina du lurralde-orekan eta jasangarritasunean.
Azkoitia eta Urretxu arteko bidegorria egonkortzeko lanak
2025/01/29
Gobernu Kontseiluak Aizpurutxoko parean gertatutako luiziaren egonkortze-lanak onartu ditu! Proiektuaren lizitazio-aurrekontua 269.438,61 € da, eta obrak egiteko epea hiru hilabete izango da.
ULMA Agrícolaren ekoizpen planta berria martxan
2025/01/27
10,5 milioi euroko inbertsioarekin, instalazio berriak berrikuntza eta efizientzia sustatzeko urrats garrantzitsua dira, baserritarren lana errazteko eta elikadura jasangarria bultzatzeko.
