Jaitzubia berreskuratu dugu

2025/11/14

Euskadiko balio ekologiko handieneko hezeguneetako batean egin dira Jaitzubiako paduraren leheneratze-lanak; mehatxatutako flora- eta fauna-espezieak daude bertan, eta uretako hegaztiak migratzeko gune estrategikoa da. 2,5 hektarea garbitu eta leheneratu dira, espezie inbaditzaileak kenduz eta uraren fluxua askatuz. 

Iñurritzako bihotza babesten: Ixpilla aintzira

2025/11/21

Gipuzkoako Foru Aldundiak datozen egunetan ekingo die Iñurritzako (Zarautz) Kontserbazio Bereziko Eremuan (KBE) dagoen Ixpillako aintzira mantentzeko eta egokitzeko lanei. Zonalde horretan dagoen ur gezako gune bakarra da, eta funtsezkoa da hegazti migratzaileek eta bertan negua igarotzen duten beste espezie batzuek atseden hartzeko, ugaltzeko eta elikatzeko.

Irakurri gehiago

Lurrama Euskal Herriko nekazaritzaren topaleku

2025/11/07

Eusko Jaurlaritza, Foru Aldundiak, Nafarroako Gobernua eta Iparraldeko erakundeak Biarritzen elkartu ziren, sektorearekin batera, mugez gaindiko lankidetza sendotzeko. Aurtengoa 20. edizioa izan da.  'Bihar ere laborari' leloarekin, belaunaldi berriei bidea irekitzeko ezinbesteko erronka azpimarratu da bertan.

Joseba Aramburu, Nekazaritza zuzendari berria

2025/11/19

Joseba Aramburu izango da Nekazaritzako zuzendari berria. Arantza Ariztimuño Mendietako eta Natura Ondareko zuzendaritzara pasatuko da eta Lurralde Oreka berdeko zuzendari eta koordinazio lanak egiten jarraituko du. Aldaketa hau Koldobike Olabide Mendietako zuzendariaren bajaren ondorioz egin da, arrazoi pertsonalak direla eta.

Aramburu Nekazaritzan ingeniaria da eta ezagutza dauka sektorean. Arantza Ariztimuño, aldiz, 2015-2023 urte bitartean zuzendaria izana da Mendi eta Natura ondare arloan.