"Higienea eta fitosanitarioen erabilera Euskadiko nekazaritza-ustiategietan" ikastaro berria abian

Gipuzkoako Foru Aldundiak, Eusko Jaurlaritzak, Araba eta Bizkaiko Foru Aldundiek, ELIKA Fundazioarekin batera, elikagaien segurtasunari eta nekazaritzako elikakateko Euskadiko kontrol ofizialari buruzko prestakuntza-plataforma sortu dute.

Plataforman abian jarritako lehenengo ikastaroa Euskadiko nekazaritza-ustiategietan higienea eta fitosanitarioen erabilerari buruzkoa da. Helburua nagusia da nekazariei erraztasunak eta laguntza ematea, modu erraz eta klik bakar batean eskura izan dezaten bete behar dituzten arau-betekizunen eta beren ustiategiak araudi horietara egokitzeko moduari buruzko informazio osoa eta eguneratua.

Horretarako, bideo labur moduan prestakuntza-pilulak egin dira honako gai hauei buruz:

• Ura ustiategian.
• Ustiategiaren kokapena.
• Fitosanitarioak: biltegiratzea eta manipulatzea.
• Fitosanitarioak: prestakuntza, makinak eta hondakinen kudeaketa.
• Fitosanitarioak: ustiapen-koadernoa.
• Ustiategiko langileak.
• Manipulazioa elkarrekin erlazionatutako jardueretan (uzta biltzea, garraiatzea eta biltegiratzea).
• IKI (Izurrien Kudeaketa Integratua).
• Ongarritzea.

Ikastaroak doakoak dira. Plataforman sartzeko en klik honako esteka honetan: https://ikas.elika.eus/eu/

Animatu! Ikasi modu errazean eta hobetu zure ustiategiko jarduerak!