Laguntzak

GazteNek

Gazteak nekazari bilakatzeko programa

Agian inoiz pentsatu duzu nekazaritzara salto egitea, ba jakin badirela horretarako laguntzak. Gipuzkoako Foru Aldundiak, Eusko Jaurlaritza eta Bizkaia eta Arabako aldundiekin batera, GAZTENEK izeneko programa bat du, nekazaritzarekin lotutako enpresa proiektuak bultzatzeko. Gazte nekazari bilakatzeko 20.000 eta 70.000 euro arteko dirulaguntza jasotzeaz gain, zure proiektu horri forma eman eta garatzeko bost urteko aholkularitza jarraia ere jasoko zenuke.

2005ean martxan jarri zenetik, Gipuzkoako kasuan, 254 gazte txertatu dira lehen sektorean GAZTENEK programa honen bitartez.

GazteNek laguntzak: GIPUZKOAN

Laguntza honen helburua da erraztea modu egoki prestatutako gazteak nekazaritzaren sektorean sartzea, eta belaunaldi aldaketa sustatzea. Onuradun izan daitezke eskaera aurkeztean 18 eta 40 urte artean dituzten pertsona fisikoak (biak barne).

Onuradunak Gaztenek 2016-2021 prozeduran sartu beharko dira (prozedura horri jarraitzen zaio EAEn lehen aldiz instalatu nahi duen gazte bati lagun egiteko, tramitazioa egiteko, egiaztapenak egiteko eta, hala badagokio, instalazioari laguntza emateko), eta enpresa plan bat aurkeztu beharko dute.

Onuradunek 5 urteko epea izango dute instalatzeko, eta, aldi hori igaro denean, honako baldintza hauek bete beharko dituzte:

Ustiategiak gutxienez 9.600 euro/gazteko marjina izan beharko du, eta gutxienez nekazaritza laneko unitate bat izan beharko du gazteko.
Onuraduna Gizarte Segurantzaren araubide berezian afiliatuta egon beharko da, nekazaritza jardueraren arabera dagokionean, eta nagusiki nekazaria izan beharko da.

Laguntzaren zenbatekoa gutxienez 20.000 eurokoa da, laguntza onartu eta jardueraren lehen bi urtetako soldatagatikoa. Zenbateko horretatik aurrera, laguntza handitu egin daiteke, zenbateko hainbat tartetan, 70.000 euroko gehieneko zenbateko bateraino, enpresa planari hautaketa irizpideak balioestean esleitutako puntuen arabera. Honako hauek dira hautaketa irizpideak: egin beharreko gastuak eta inbertsioak, gazteak zenbait ekoizpen eredu hartzea, aurreko sektoreko lotura eta asoziazionismoa.

Laguntza bi fasetan ordaintzen da, gehienez ere bost urteko aldian: lehen ordainketa laguntzaren zenbatekoaren bi hereni dagokio, eta eskaeraren aldeko ebazpena eman denean egiten da; beste herena instalazio prozesua amaitutakoan ordaintzen da, baldintzak betetzen direla egiaztatutakoan.

Izen Emateak:

GazteNek Izen emateak GIPUZKOAN Eskualdeko Nekazaritza Bulegoen (ENB) bitartez burutzen da:

Foru Aldundi bakoitzak, Eskualdeko Nekazaritza Bulegoak ditu, eta hauen bitartez eman dezakezu izena GazteNek programan.

ENB bulegoetan gazte batek sektorean sartzeko orduan bete beharreko urratsen berri emango zaio. Beraz, administrazio nahiz prozedura arloetako informazioa (Egitasmoak dituen neurriak, instalazio progresibo eredua, proiektu bideragarritasun-trebakuntza premiak, eskuragarri dauden laguntzak, zein gunetara jo...) nahiz teknika eta sektoreen gaineko informazioa eskainiko zaio gazteari, interesatua ondo koka dadin aurrera atera nahi duen proiektuan. Proiektua aurrera ateratzeko beharrezko ebaluazio eta monitorizazioa eskainiko da.
Jar zaitez harremanetan gertuen duzun bulegoarekin eta beraiek gidatuko zaituzte programan zehar.

Gipuzkoako Eskualdeko Nekazaritza Bulegoak:

AZPEITIA

Julian Elorza 3, bajo. 20730, Azpeitia
943 415 015
Arreta orduak: astelehenetik ostiralera, 8:30etatik 14:00etara
oca_azpeitia@gipuzkoa.eus

BERGARA

Urteaga 21, bajo. 20570, Bergara
943 415 068
Arreta orduak: astelehenetik ostiralera, 8:30etatik 14:00etara
oca_bergara@gipuzkoa.eus

ELGOIBAR

Kalebarren 1-2. 20870, Elgoibar
943 415 079
Arreta orduak: astelehenetik ostiralera, 8:30etatik 14:00etara
oca_elgoibar@gipuzkoa.eus

HERNANI

Ibaiondo poligonoa 27, 2. pisua. 20120 Hernani
943 415 086
Arreta orduak: astelehenetik ostiralera, 8:30etatik 14:00etara
oca_oiartzun@gipuzkoa.eus

ORDIZIA

Santa María 4, bajo. 20240, Ordizia
943 415 100
Arreta orduak: astelehenetik ostiralera, 8:30etatik 14:00etara
oca_ordizia@gipuzkoa.eus

TOLOSA

Avenida de Navarra 6-2º. 20400, Tolosa
943 415 127
Arreta orduak: astelehenetik ostiralera, 8:30etatik 14:00etara
oca_tolosa@gipuzkoa.eus

ZARAUTZ

Mitxelena kalea 87. 20800, Zarautz
943 415 147
Arreta orduak: astelehenetik ostiralera, 8:30etatik 14:00etara
oca_zarautz@gipuzkoa.eus

Laguntza eskaerara lotura: Gipuzkoan

9/2016 Foru Dekretua, maiatzaren 10ekoa,Gipuzkoako Lurralde Historikoko nekazaritza ustiategien aldeko laguntzei buruzkoa: nekazaritza ustiategietan inbertsioak egiteko laguntzak eta nekazari gazteek enpresak sortzeko laguntzak.

2021ko deialdia 2020ko abenduaren 11tik 2021ko urtarrilaren 15a arte dago irekita.

Gipuzkoako nekazaritza eta abeltzaintza sektorean COVID-19ak sortutako krisiari aurre egiteko diru-laguntzak emateko oinarri arautzaileak eta 2021eko deialdia.

Dirulaguntza honen objektua da Gipuzkoako Lurralde Historikoko nekazaritza eta abeltzaintza sektoreetan COVID-19ak eragindako kalte eta galera ekonomikoak konpentsatzea, hain zuzen, gaixotasun horrek sortutako osasun krisia kudeatzeko Espainiako Estatuak ezarritako alarma egoeraren deklarazioak hurrengo azpisektoreetan eragindakoak:

A) Behi-azienda (haragia, esnea).

B) Ardi eta ahuntz azienda.

C) Sagardoaren elaborazioa.

D) Txakolinaren elaborazioa.

E) Behi azienda suharra.

Dirulaguntza Gipuzkoako Lurralde Historikoko Aurrekontu Orokorren kargura finantzatuko da. Deialdi honetarako aurrekontua 1.000.000,00 eurokoa da. Laguntzaren zenbatekoa finkatzeko, kontuan hartuko dira diruz lagundutako azpisektore bakoitzerako zehaztutako irizpideak. Onartutako zenbatekoa ez da inoiz ustiategiko 7.500 eurotik gorakoa izango.

Eskaerak aurkezteko modua eta epea.

Eskaerak, erantsi beharreko gainerako dokumentazioarekin batera, nahitaez aurkeztuko dira Internet bidez, Gipuzkoako Foru Aldundiaren egoitza elektronikoaren bitartez, Gipuzkoako Aldizkari Ofizialean deialdia argitaratzen den egunetik 2021eko irailaren 17 arte aurkeztu ahal izango dira.

https://egoitza.gipuzkoa.eus/eu/dirulaguntzak

Nekazaritza ustiategietako inbertsioak

Inbertsioen xedea izan behar da nekazaritza ustiategiaren emaitza ekonomikoak hobetzea, haren modernizazioari laguntzea, haren tamainaren edo ekoizpen orientazioa berregituratzeko aukera ematea edo ingurumenarekin, klima aldaketarekin eta animalien ongizatearekin lotutako erronkei aurre egitea. Diruz lagundu daitezkeen inbertsioak:

Nekazaritzako eta abeltzaintzako eraikinak eta instalazioak eraikitzea, eskuratzea edo hobetzea.
Lehen eskuko nekazaritzako makineria erostea.
Baratzezaintza eta lorezaintzarako instalazio berriak.
Fruta arbolak landatzea, orokorrean, sagardotarako sagarrondoa barne.
Arkitektoen, ingeniarien, topografoen, segurtasun koordinatzaileen ordainsariak, baita bideragarritasun ikerketak ere.
Ustiategiaren lursailetan egindako hobekuntza iraunkorrak.

Onuradunak: nekazaritza ustiategien titularrak diren pertsona fisikoak edo juridikoak, 18 eta 65 urte artekoak, nagusiki nekazariak direnak eta nekazaritza jardueraren arabera dagokien Gizarte Segurantzaren araubidean afiliatuta daudenak.

Inbertsioak ezin dira hasi laguntza eskatu aurretik.

Oinarrizko diru laguntza % 10ekoa izango da makineriarentzat, eta % 20koa gainerako inbertsioentzat. Diru laguntzak gora egiten du balioespen irizpide batzuetan oinarrituta lortutako puntuazioaren arabera: onuradunaren, ustiategiaren eta inbertsioaren tipologia.

9/2016 Foru Dekretua, maiatzaren 10ekoa,Gipuzkoako Lurralde Historikoko nekazaritza ustiategien aldeko laguntzei buruzkoa: nekazaritza ustiategietan inbertsioak egiteko laguntzak eta nekazari gazteek enpresak sortzeko laguntzak.

2021ko deialdia 2020ko abenduaren 11tik 2021eko urtarrilaren 15a arte dago irekita.

Ustiategi txikien garapena

Laguntza hauen helburua da nekazaritza ustiategi txikiak abiaraztea erraztea, eta beste sustatzaile batek bere jarduera hastea. Nekazaritza ustiategi txikitzat jotzen da instalatutako pertsonako 4.800 eta 9.600 euro arteko marjina garbia duena eta instalatutako pertsonako nekazaritza laneko unitate erdiaren eta unitate baten arteko lan bolumena duena.

Onuradun izan daitezke eskaera aurkeztean 18 eta 45 urte artean dituzten pertsona fisikoak (biak barne), prestakuntza egokia dutenak, eta Gipuzkoan kokatutako nekazaritza ustiategi txiki baten titulartasuna lortu dutenak.

Onuradunak Gaztenek 2015-2020 prozeduran sartu beharko dira (prozedura horri jarraitzen zaio EAEn lehen aldiz instalatu nahi duen gazte bati lagun egiteko, tramitazioa egiteko, egiaztapenak egiteko eta, hala badagokio, instalazioari laguntza emateko), eta enpresa plan bat aurkeztu beharko dute.

Onuradunek 5 urteko epea izango dute instalatzeko, eta, aldi hori igaro denean, honako baldintza hauek bete beharko dituzte:

Ustiategiak gutxienez 4.800 euro/gazteko marjina izatea, eta gutxienez nekazaritza laneko unitate erdi bat izatea gazteko.
Onuraduna Gizarte Segurantzaren araubide berezian afiliatuta egon beharko da, nekazaritza jardueraren arabera dagokionean, eta nekazari profesionala izan beharko da.

Laguntzaren zenbatekoa 15.000 eurokoa da. Laguntza bi fasetan ordaintzen da, gehienez ere bost urteko aldian: lehen ordainketa laguntzaren zenbatekoaren bi hereni dagokio, eta eskaeraren aldeko ebazpena eman denean egiten da; beste herena instalazio prozesua amaitutakoan ordaintzen da, baldintzak betetzen direla egiaztatutakoan.

Gipuzkoako Lurralde Historikoko nekazaritza ustiategi txikien garapenerako laguntzak ematea arautzeko oinarriak.

2021ko deialdia 2020ko abenduaren 11tik 2021eko urtarrilaren 15a arte dago irekita.

Mendi guneetarako eta beste muga natural nabarmenak dituzten guneetarako laguntzak

Neurri honen helburua da nekazariak eta abeltzainak konpentsatzea nekazaritzako ekoizpenak mendi guneetan edo beste muga natural nabarmen batzuk dituzten guneetan edukitzeak dakartzan gastu gehigarriengatik eta diru sarreren galerengatik.

Baldintza txarrak dituzten guneetan nekazaritza sistemak mantentzeak gune horien ingurumen arloko interes handia eta lurralde oreka mantentzen laguntzen du, sare sozioekonomiko bizi bat eta landa komunitate bideragarri bat mantenduta. Asmoa da modu horretan murriztea nekazaritza jarduera uzteko joera, jarduera desagertzeko arrisku handia duten guneei arreta berezia eskainita.

Onuradunak: nekazaritza ustiategien titularrak diren pertsona fisikoak edo juridikoak, 18 urtetik gorakoak, nagusiki nekazariak direnak eta nekazaritza jardueraren arabera dagokien Gizarte Segurantzaren araubidean afiliatuta daudenak. Ustiapenean egindako nekazaritza jarduera zorrotzek gutxienez nekazaritza laneko unitate erdia okupatuko dute.

Mendiko gunetzat jotzen den nekazaritzako azalera erabilgarriko hektarea bakoitzeko laguntzaren zenbatekoa 297 eurokoa izango da. ATP bakoitzeko diruz lagundu daitekeen gehieneko azalera 30 hektarea dira, eta pizgarria jaitsi egiten da azalera hazten den heinean (lehen 15 hektareak, pizgarriaren % 100; hurrengo 10 hektareak, pizgarriaren % 60; hurrengo 5 hektareak, pizgarriaren % 20). Banakako ustiategiek 1 ATP-ri dagokion diru laguntza jasotzeko eskubidea izango dute eta ustiategi asoziatiboek gehienezko 2 ATP.

6/2016 Foru Dekretua 12/2017 Foru Dekretua

8/2018 Foru Dekretua

24/2020 Foru Dekretua

2021ko deialdia martxoaren 12tik apirilaren 30a arte irekita egongo da.

Nekazaritza eta ingurumenaren eta klimaren laguntzak, eta nekazaritza ekologikorako laguntzak

Neurri honen helburua da nekazaritza ustiategietan nekazaritza eta ingurumenaren eta klimaren konpromisoak edo konpromiso ekologikoak borondatez hartzen dituzten nekazariei konpentsatzea, haien helburuak, besteak beste, honako hauek direnean:

Landa paisaiaren eta nekazaritzako paisaiaren kontserbazioa, hobekuntza eta dibertsifikazioa sustatzea.
Biodibertsitateari onura dakarkioten eta ingurumena eta animalien ongizatea errespetatzen duten ekoizpen sistemak eta jardunbideak sustatzea.
Nekazaritzako biodibertsitatea babestea.
Uraren eta lurzoruaren kudeaketa hobetzea.

Honako neurri hauek lagundu daitezke diruz:

10.1) neurria: Ekoizpen integratua.
10.2) neurria: Euskal Herriko sagardotarako sagarrondoen tokiko barietateak kontserbatzea, higadura genetikoagatik arriskuan daudenak.
10.3) neurria: Bertako animalia arrazak kontserbatzea.
10.4) neurria: Erlezaintza, biodibertsitatea hobetzeko.
10.5) neurria: Mendiko larreen erabileraren kudeaketa.
11.1) neurria: Nekazaritza ekologikora aldatzea.
11.2) neurria: Nekazaritza ekologikoa mantentzea.

Onuradunak: pertsona fisikoak edo juridikoak, nekazaritza ustiategien titularrak direnak, 18 urte baino gehiago eta 65 baino gutxiago dituztenak eskaeraren lehen urtean.

Konpromisoak: Onuradunek lehen urteko laguntza emateko deialditik aurrera gutxienez 5 urtez segidan laguntza ildo bakoitzaren mendeko onartzeko baldintzak, oinarrizko araudia eta konpromiso espezifikoak bete behar dituzte.