Landa Garapena
Landa Garapeneko zerbitzuak etorkizuneko nekazaritzan apostu egiten du. Landa inguruneko dibertsifikazio ekonomikorako koordinatze, jarraitze eta programen kontrol funtzioak garatzen ditu.
LandaGO: mugikortasun autonomoa landa-ingurunean
LandaGO mugikortasun autonomoko proiektu aitzindaria da, Gipuzkoako landa-eremuetako herritarren arteko konektibitatea eta zerbitzuetarako sarbidea hobetzea helburu duena. Ibilgailu autonomo eta jasangarrietan oinarritzen da, teknologia berritzailea eta ingurumenarekiko errespetua uztartuz.
Proiektuko proba pilotua abian da dagoeneko, landa-inguruneko mugikortasun-aukerak berrasmatzeko xedez. Lehenengo fasean, Abaltzisketa eta Amezketa arteko ibilbidea ari da aztertzen; bigarren fasean, berriz, Zerain eta Segura artekoa. LandaGOren helburua da garraio publikoko sistemaren osagarri izatea, landa-ingurunearen berezitasunetara egokitutako irtenbide malgu eta eskalagarrien bidez.
Helburu estrategikoak
- Lurralde-kohesioa eta landa-eremuko biztanleen arteko konektibitatea indartzea
- Mugikortasun autonomoa eta jasangarria bultzatzea
- Teknologia berritzailearen bidez landa-inguruneko irisgarritasuna hobetzea
- Garraio publikoaren osagarri diren zerbitzu malguak garatzea
Ekimen hau lankidetza publiko-pribatuan garatzen da, eta parte hartzen dute Gipuzkoako Foru Aldundiak, Eusko Jaurlaritzak, MUBILek, Vicomtech zentro teknologikoak, BasqueCCAM klusterrak eta Eurogap enpresak.
