Departamentua
Mugikortasuneko Zuzendaritza Nagusiak mugikortasun iraunkorra, garraio publikoa eta intermodalitatea sustatzea du helburu. Gainera, hiriko autobusen zerbitzua optimizatu eta gaurkotu nahi du, gutxieneko kalitate estandarrak ezarriz eta Lurraldebuseko bezeroei begira, informazio eta arreta zerbitzu integral bat sortuz. Foru Sareko garraio desberdinen garapena sustatzea ere ezinbestekoa da, lurraldeko komunikazioaren eta konexioaren oinarrizko elementu iraunkorra delako. Era berean, bizikletaren erabilera eta oinezkoentzako bideak ere bultzatu nahi ditu.
Bestalde, Lurralde Antolaketako Zuzendaritza Nagusiaren lan eremuan lurraldearen antolaketa eta kohesioa sartzen dira, Pasaiako badiaren eraldatzea nagusi izanik. Hirigintzari dagokionez, hiri antolaketa eta lurralde informazioa sustatu eta gainbegiratzea nagusitzen da. Lurraldearen sustapenaz eta zoruaren eta ondarearen kudeaketaz ere arduratzen da departamentua. Azkenik, Foru Aldundiari dagozkion eraikinak sortu, zaharberritu eta kudeatzearen inguruan jarduten du.
Esteka interesgarriak
- Lurraldebus
- Gipuzkoa 1:5000
- Gipuzkoa bizikletaz
- Takografo digitala
- Gidarien Gaitasun Agiria (GGA)
- Gipuzkoako hirigintzako plangintzaren erregistroa
- Ustiapen-plana: “Buruntzaldea” kontzesioa
- Lurraldebusen 2017ko txostena
- Bizikleta eta oinezkoentzako Azitain-Maltzaga arteko bidea egiteko proiektua hasierako onarpena eta hura jendeaurrean jartzea.
- Pasaiako Portuko plan bereziaren behin-betiko onarpena
Aurrekontuen kontu saila
Mugikortasuna eta Lurralde Antolaketa departamentuaren 2018ko aurrekontua:
60.712.696,39 €Zuzendaritzak
Mugikortasuneko eta Garraio Publikoko Zuzendaritza Nagusia
Zuzendaritza honen xedea gure lurraldean mugikortasuna antolatu eta planifikatzea da, garraio publikoari lehentasuna emanez eta bizikleta sareen eraikuntza sustatuz.
LurraldebusGipuzkoa bizikletaz
Takografo digitala
Gidarien Gaitasun Agiria (GGA)
Lurralde Antolaketako Zuzendaritza Nagusia
Zuzendaritza honek hainbat helburu nagusi ditu; lurraldearen antolakuntza eta kohesioa, hirigintza planen sustapen eta gainbegiratzea, lurraldearen sustapena, lurzoruaren kudeaketa eta Aldundiaren ondare higiezinaren kudeaketa.
Gipuzkoa 1:5000Gipuzkoako hirigintzako plangintzaren erregistroa
Taldea
Mugikortasuneko eta Lurralde Antolaketako DiputatuaMarisol Garmendia
Zaldibian jaioa 1963ko abenduaren 19an.
Nafarroako Unibertsitatean Informazio Zientzietan lizentziatua.
Alorretako zuzendariak
- Mugikortasuna eta Garraio Publikoa:
- Iñaki Prego Larreina
- Lurralde Antolaketa:
- Miguel Ángel Crespo Rico
Proiektu estrategikoak
Donostialdeko metroa
- Helburua
Donostialdeko metroa bultzatzea epe luzerako inbertsio estrategia baten bitartez, 2030ean anbizio handiko garraio sare publiko metropolitano bat izatera heltzeko. Xedea proiektu estrategikoak garatzeko behar diren hitzarmenak sinatzea eta Metroaren lurpeko pasantea egiteko obrak hastea da.
- Deskribapena
Etorkizuna beti izan da trena.Abiadura handiaren bidez hegoaldearekin eta iparraldearekin konektatuko gaituen trena, eta baita ere Donostiari eta bere eskualde metropolitanoari halakotzat funtzionatu ahal izateko aukera emango dion tren soziala. Intercity metro bat, biztanle gehien dituzten auzoak konektatuko dituena, Irun / Donostia konurbazioaren mutur biekin. Eta kalitateko hiriarteko garraio bat, zalua, erosoa, teknologia mugikor berriei zukua aterako diena eta automobila uzteko gogoa emango duten tarifak eskainiko dituena. Deliberatuki egiten dugu apustua Donostialdeko metroaren alde, Gipuzkoa ekialdeko korridoreko tren konexio izan dadin, eta proiektuaren kofinantzaketan eta kudeaketan parte hartuko dugu EJrekin batera.
Pasaialdea biziberritzea
- Helburua
Pasaialdeko hiri eremua biziberritzeko eta ekonomia sustatzeko prozesuan aurrera egitea. Xedea onartutako Plan Berezian aurreikusitako jarduerak egitea da.
- Deskribapena
2015eko irailean onartutako programa integral bat eta jarduketa zehatzen egutegi bat garatzeko asmoa dugu, Portuko Agintariekin eta inplikatutako Udalekin lidergoa banatuta, etorkizunean kanpoko portu hipotetikoa egitea baztertu gabe, epe labur eta ertainean portuaren jarduera komertziala eta lehiakortasuna bultzatzeko, eta degradatutako hiri espazioak eta ekipamenduak zaharberritzeko eta berreskuratzeko, Pasaialdeko herritarren premiei erantzunez, lurraldearen garapenari eta biztanleen ongizateari laguntzeko, Pasaia ekonomiaren, hirigintzaren, gizartearen eta kulturalen aldetik biziberritzeko helburu globalaren baitan.
Helburu estrategikoak
-
Mugikortasun iraunkorra, garraio publikoa erabiltzea eta intermodalitatea sustatzea
Xedea urteko pertsona bidaiarien kopurua areagotzea da, sexuaren arabera.
Helburu estrategikoa betetzeko hurrengo jarduera ildoak burutuko ditugu.
- Autobus-zerbitzuak hobetzea eta modernizatzea, eta geltoki, geraleku, bidaien denbora eta maiztasunei dagokienez gutxieneko kalitate-estandarrak ezartzea.
- Herritarrentzako informazio eta arreta zerbitzu oso bat sortzea Lurraldebusen erabiltzaileentzat.
- Trenbide-garraioaren bitartekoen aldeko apustua, lurraldearen komunikazioaren eta loturaren elementu gisa, funtsezkoa eta iraunkorra dena.
- MUGI tarifak integratzeko sistema indartzea, Renfe sartzeko negoziazioak eginez.
- Gipuzkoako Tarifa Bakarraren esparruan, aurrera egitea tarifa berme eta eredurako prozesuetan, garraio publikoa asko erabiltzen duten erabiltzaileak bereziki harturik aintzat, tarifa lau eta bonuen bidez.
- Gipuzkoako Garraio Agintaritzari bultzada ematea, garraio publikoaren sare bakarra sortzeko, integratua, sistematizatua eta koordinatua.
- Garraio publikoaren bidezko loturen hobekuntza sustatzea (trena eta autobusak) Donostia-Baiona Eurohiriaren korridorean.
- Bizikletaren eta oinezkoentzako bideen erabilera sustatzea, Foru Sarearen bidegorri berriak eginez.
Helburu hau lortzeko ari gara lanean. Hau da gaur arte helburuaren urteko aurrerapen maila.
-
Lurraldearen mugikortasunaren eta intermodalitatearen proiektu estrategiko berriei ekitea
Xedea proiektu estrategikoak garatzeko beharrezkoak diren hitzarmenak sinatzea da.
Helburu estrategikoa betetzeko hurrengo jarduera ildoak burutuko ditugu.
- Donostialdeko Metroaren aldeko apustua, Gipuzkoako ekialdeko korridorearekin trenbide-lotura gisa, eta proiektuaren kofinantziazioan eta kudeaketan parte hartzea, Eusko Jaurlaritzarekin batera.
- Gure lurraldean Abiadura Handiaren, “Euskal Y”aren garapena babestea.
- Loiolako Erriberako aldageltokiaren eraikuntza bultzatzea eta ADIFekin akordioak lortzea.
- Portuko tren zirkulazioa sustatzea eta Pasaia-Irun Plataforma eraikitzearen alde lan egitea, Pasaia-Irun korridorearen Antolamendu Integralaren Plan Berezi bat egitea barne hartuko duen erakunde arteko akordio baten esparruan, eta enpresa eta operadore logistikoak erakartzea.
- Donostia-Hondarribiko Aireportuaren zerbitzuak hobetzea eta areagotzea babestea, dituen aukerak ahalik eta gehien baliatuz.
Helburu hau lortzeko ari gara lanean. Hau da gaur arte helburuaren urteko aurrerapen maila.
-
Pasaiako portua eta Pasaialdea guztiz birgaitzea
Xedea aurreikusitako birgaitze planak, programak eta ekintzak gauzatzeko beharrezkoak diren hitzarmenak sinatzea da.
Helburu estrategikoa betetzeko hurrengo jarduera ildoak burutuko ditugu.
- Programa integral bat eta adostutako jarduera zehatzen egutegi bat garatzea, Portu Agintaritzarekin eta erakundeekin, eta dagokien udalekin partekatutako lidergotik. Helburua da jarduera horiek, etorkizunean kanpoko ditxo hipotetikoa baztertu gabe, epe labur eta ertainean portuaren merkataritza-jarduerari eta lehiakortasunari bultzada ematea eta degradatutako hiri-esparruak eta ekipamenduak birgaitzea eta berreskuratzea, Pasaialdeko herritarren beharrei erantzunez, lurralde garapenean eta biztanleriaren ongizatean lagundu dezaten.
- Pasaiako Udalarekin hitzarmen berri bat sinatzea, 2016tik aurrera, Pasaiaren ekonomia, hirigintza, gizartea eta kultura birgaitzeko helburu orokorrean laguntzeko.
- Pasaiako Badiaren Antolamendu Integratuko Plan Berezi baten prestakuntzan parte hartzea, aldi berean Pasaia-Irun korridorearen Antolamendu Integralaren Plan Bereziarekin koordinatuz eta osatuz hura.
Helburu hau lortzeko ari gara lanean. Hau da gaur arte helburuaren urteko aurrerapen maila.
-
Donostialdeko eta Tolosaldeko lurralde plan partzialak onartzea
Xedea lurralde Plan Partzialak onartzea da.
Helburu estrategikoa betetzeko hurrengo jarduera ildoak burutuko ditugu.
- Baterakoa eta adostua den lurralde-jarrera baten buru izatea, GFAren eta Donostialdeko udalen artean Eusko Jaurlaritzarekin, Donostialdeko LPPa behin betiko onartzea ahalbidetzeko.
- Tolosaldeko LPPa behin betiko onartzea, eta tartean dauden udalekin ahalik eta adostasun handiena duen dokumentua lortzea.
Helburu hau lortzeko ari gara lanean. Hau da gaur arte helburuaren urteko aurrerapen maila.
