Euskadiko LH: eskaintza zabaltzea, askotariko beharrei erantzutea

Euskadiko Lanbide Heziketak eskaintza handitu du datorren ikasturterako, 5.780 plaza gehiagorekin, guztira 64.105. Plaza berri gehienak goi-mailakoak (+2.690) dira eta Informatika-komunikazioa (+900), Fabrikazio mekanikoa (+715) eta Administrazio eta kudeaketa (+670) zikloetakoak.

Berritasun nagusia C graduak dira, lan-esperientzia dutenei zuzendutakoak (langileei edo langabezian daudenei), eta horien helburua ziurtagiri profesionala da. Halaber, espezializazio-ikastaroak nabarmentzen dira, erdi-mailako edo goi-mailako tituluen osagarriak.

2024-2025eko eskaintzak 158 titulazio, 39 ziurtagiri profesional eta 22 espezializazio-ikastaro biltzen ditu, Euskadiko LHko 182 zentrok eskainiak. Zabalik dago izena emateko epea.