Gipuzkoako bost ikastetxe, Lanbide Heziketako Estatuko Bikaintasun Sarean
Lanbide Heziketako Bikaintasun Zentroen Estatuko Sareak 66 ikastetxe biltzen ditu, eta Euskadik dituen 6etatik 5 gipuzkoarrak dira: Don Bosco (Errenteria), Miguel Altuna (Bergara), Easo Politeknikoa (Donostia), Tolosaldea (Tolosa) eta Usurbil LHII.
- 28
Sare honek eskaintza sektore estrategikoetara (IKT, energia berriztagarriak, automobilgintza, osasuna, fabrikazio automatizatua, etab.) bideratzen duten ikastetxeak aintzatesten ditu, eta ekosistema berritzaileen sustatzaile eta ikerketa- eta ekintzailetza-inguruneen sortzaile gisa jarduten dutenak.
Gainera, ikastetxe bikain horiek etengabeko eraldaketagatik -digitala eta metodologikoa-, premia eta profil berriak hautemateko egiten duten lanagatik eta prestakuntza-eskaintzaren curriculuma berrikusteko lankidetza-maila handiagatik nabarmentzen dira.