Gipuzkoako Lanbide Heziketak 17.000 matrikula inguru izan zituen, bere errotzea eta presentzia sendotuz

Ikasturte honetan (2023/24), berriro ere gora egin du Lanbide Heziketan matrikulatutako ikasleen kopuruak, 17.000 matrikulen langara gerturatuz Gipuzkoan. Zehazki,

-16.602 matrikula izan dira, % 4,9ko urte arteko hazkundearekin (+780), eta azken hamarkadan % 38,8ko hobekuntza metatua izan da (+4.639).
-Goi-mailako LH nabarmentzen da, lurraldeko hamar matrikulatik sei baititu (10.273 eta % 61,9), eta urte arteko hobekuntza (+% 6,1) Erdi Mailako LHn erregistratutakoaren bikoitza da (+% 3,0).
-Gipuzkoak EAEko LHko hamar matrikulatik lau ditu (% 39,8), eta goranzko profil du (ehuneko +5,8 puntu 2014/15 datuekin alderatuta). Horrek agerian uzten du prestakuntza hori lurraldean errotuta dagoela. Gainera, Goi Mailako LHn duen ekarpen handiena nabarmentzen da (% 40,7).
-Matrikulazio gehiena sare publikoaren bidez bideratzen da (% 69,0), eta sare horrek azken hamarkadan bere garrantzia handitu du (+6,3 puntu), eta eskaintzaren hobekuntzaren funtsezko zati bat hartzen du. Itunpeko sarea guztizkoaren heren bat inguru da, nekez hobetu daitekeen pisu erlatiboarekin (murrizketak itun publikoan).