Parte-hartze errekorra First Lego League Euskadiren 15. edizioan

Deustuko Unibertsitatearen Donostiako Campusak eta Mondragon Unibertsitateko Arrasateko Campusak, Bilborekin (Deusto) eta Gasteizekin (EHU) batera, First Lego League Euskadiren 15. edizioa antolatuko dute martxoaren 2an.

Ekimen honen helburua da gazteek zientzia eta teknologiarekiko duten interesa piztea. 2024an, 2.828 ikaslek, 57 ikastetxek eta 171 taldek parte hartuko dute (parte-hartzaileen errekorra). Edizio honen erronka zaletasunak partekatzea da, teknologia modu sortzailean erabiliz.

Innobasquek, EHUk, Mondragon Unibertsitateak eta Deustuko Unibertsitateak antolatu dute ekimena, Hezkuntza Sailaren (Eusko Jaurlaritza), hiru foru-aldundien eta hainbat enpresen laguntzarekin.