XIX. mendeko idatzien katalogoa hustuketa proiektu baten ondorioz burutu da. Notario-protokoloen aurkibideetako informazioa hartuz, 1800 eta 1907 urte bitartean sortutako eskrituren nondik-norakoa bildu da.
Ez dira, ordea, Gipuzkoako herri guztiak hartu; aitzitik, urte bitarte horretan Azpeitia, Azkoitia, Donostia eta Tolosan lan egin zuten eskribau eta notarioek beraien sortetan bildutako eskriturak aukeratu dira, lau udalerri horiek probintzia mailan izan zuten garrantzia aintzat hartuz.
Proiektua Gipuzkoako Protokoloen Artxibo Historikoaren eta Gipuzkoako Artxibo Orokorraren elkarlanaren ondorioa da.
Historian zehar notario edo eskribauek beraien protokoloak osatzen zituzten eskrituren aurkibideak egin izan dituzte, baina XIX. mendean bereziki nabarmena izan zen hori, betebehar legal bihurtu baitzen. Burutu den proiektuaren helburu nagusia, aurkibide horiek hustu edo transkribatzea zen, informazioa datu base batean egituratuz.
Informazio hori guztia Gipuzkoako Foru Aldundiko Artxibo Historikoen Ataria delakoan eskuragarri dago
|
XIX. mendeko eskrituren hustuketan deskribatutako eskribautza eta notariotzak Hustutako protokoloen epe kronologikoa adierazten da eta horrez gain, udalerri bakoitzean dauden protokolo guztiekiko landu direnen %-koa. |
||||
|---|---|---|---|---|
| Eskribautza / Notariotza. Udalerria |
Datak |
Liburukiak | Eskritura kopurua | |
| Azkoitia | 1849-1896 | 37 | 3.820 | |
| Azpeitia | 1800-1906 | 221 | 30.315 | |
| Donostia | 1848-1908 | 679 | 91.192 | |
| Tolosa (1) | 1815-1908 | 388 | 58.659 | |
(1) Protokolo eta eskritura hauek Gipuzkoako Artxibo Orokorrean daude.