a) Prozeduraren azalpen laburra eta nork parte hartuko duen
Herritarren Partaidetzarako Gizarte Kontseilua arduratuko da aurrez ezarritako kategoria bakoitzeko proiektuak behin-behinean hautatzeaz (40 proiektu, gutxienez), eta hori ziurtatzen duen irizpena emango du.
Lan hori egiteko, saioaren aurretik eta saioan zehar, Aurrekontu Irekiak kudeatzeko zuzendaritzetako teknikarien laguntza eta aholkularitza aditua izango dira, proposatutako proiektuen xehetasunak azaltzeko.
b) Herritarren proposamenen irizpideak eta baldintzak, etorkizuneko proiektu bihurtzeko eta, ondoren, bozkatu ahal izateko baloratuko direnak
- GFAren eskumena izatea.
- Bideragarritasun teknikoa eta ekonomikoa bermatzea.
- Interes publiko orokorrari erantzutea.
- Lurraldeko ekonomia iraunkorra indartzea.
- Gizarte-babeseko politikak mantentzen eta indartzen laguntzea.
- Gipuzkoako Foru Aldundiak hartutako neurriekiko koherentzia gordetzea COVID-19ak eragindako ondorio sozio-ekonomikoen aurrean (gizarte-politikak eta ekonomia mantentzea eta indartzea, Etorkizuna Eraikizen aldeko apustuari eustea COVID-19ak sortutako testuingurura birbideratuz, Foru Aldundiaren beraren barne-prestakuntza antzeko larrialdi-egoeretan, kalitatezko enplegua sortzea, etorkizuneko enpresa-proiektuei laguntzea, sektore estrategikoak sendotzea, tokiko kontsumoari laguntzeko mekanismoak, enpresa-ekosistema indartzea...).
- Gipuzkoako Foru Aldundiak plangintza- edo egikaritze-fasean ez egotea.
- Prozesuan eta, hala badagokio, gauzatzen diren proiektuetan euskararen erabilera sustatzea.
- Hizkuntza, generoen politikak eta aniztasunaren sustapena indartzea.
- Herritarrek prozesu honen ondoriozko proiektuak diseinatzean eta gauzatzean parte hartzeko prozesuak sustatzea/baloratzea.
- Lurraldearen garapen jasangarriari laguntzea, GFAk onartutako plan eta estrategiekin bat etorriz (klima-aldaketa, energia jasangarria, ekonomia zirkularra, etab.).
- Eragina/balioa sortzea komunitateko hainbat sektoretan (haurtzaroa, nerabezaroa, gaztaroa, etab.).