Azken Albisteak
SORKUNTZA-LABORATEGIA: "Bakarkako bat", Oihana Varela, apiriletik ekainera
Bakarkako sorkuntzak inprobisatzeko gorputz-baliabideak jorratzeko laborategia planteatzen du Oihana Varela sortzaile eta osteopatak. Hiru saio egingo ditu Gipuzkoako Dantzagunean, eta guztietan zein banakakoetan eman liteke izena.
AURRE-ESTREINALDIA: "Octopus", Jacek Przybyłowicz eta Dantzaz , Errenterian uztailaren 5ean
Lau astetan zehar, Dantzaz Jacek Przybyłowicz koreografo poloniar ospetsuaren eta Adam Walicki konpositorearen etxea izan da. Ekoizpen-egoitza horretan, biek Octopus (olagarroa ingelesez) lanarekin garatu dute Dantzazekiko beren azken lana, gorputz-mugimenduaren, mikrokomunitatearen eta adierazpen artistiko kolektiboaren arteko interkonexioan oinarrituta. "Octopus" prozesu sortzaile kolaboratibo batean sakon murgiltzearen emaitza da, non mugimendu bakoitzak, keinu bakoitzak eta dantzarien arteko elkarrekintza bakoitzak mugimenduan dagoen gizateriaren esentzia harrapatu nahi duten. Hori guztia aurrestreinaldi esklusibo honekin amaitzen da Errenteriako gure egoitzan, 2025ean biran hasi aurretik
PASAIAKO DANTZA FESTIBALA: ekainaren 6tik 9ra
Pasaiako Dantza Festibalarekin elkarlanean ari gara aurten ere. Ainhoa Usandizagak "Bihar" pieza aurkeztuko du ekainaren 6an. Era berean, gure aretoetan lanean aritzen diren hainbat egile ariko dira.