Egunez egun

Azaroaren 22an, Elisa Arteta koreografo eta dantzariak "gorputzaren eraldaketan eta barne-dialogoan sakondu nahi duten interprete eta artistentzat" laborategi bat zuzenduko du. Laborategi honek jarraipena izango du urtarrilean, horretarako aukeratuko diren parte hartzaileekin. Doako jarduera da.

Tartar Kolektiboak (Manu Gaigne musikaria eta Jone Amezaga dantzaria) partituren inguruko beren ikerketa partekatzeko laborategia eta aurkezpena eskainiko dituzte Gipuzkoako Dantzagunean, abenduaren 12an. Doako jarduerak dira biak. Izena emateko galdetegia bete behar da.

Gipuzkoako Dantzaguneko Sortutakoak Tradizionala 11 dirulaguntzaren ebazpena argitaratu dugu. Hautatutako bi proiektuak ARGIA dantza taldearen "Zalakain Argentinan" ikerketa-sorkuntza eta Patxi Monteroren "Euskal dantzako ibilbidea haurrekin (2. fasea)" material pedagogikoa izan dira.

African Vibes elkarteak "Sustraiak eta mugak: Afrikako dantzaren zeharbideak" dantza emanaldia eta Afrodance tailerra eskainiko dituzte Atlantikaldia Jaialdiaren baitan: irailaren 20an, 17:00etan eta 20:00etan, Errenteriako Herriko Plazan. Doako ekintzak dira biak eta ez da izenik eman behar.

Irailean Igor Calongek (Cielo Rasoko zuzendari eta koreografoa) dantza garaikideari lotutako klase irekiei ekingo die berriz. Interesa duen edonor ongi etorria izango da. Apuntatu datak!

"Azala", Dab konpainiaren azken sorkuntzaren estreinaldia. Donostian (Gazteszena, Egiako Kultur Etxea), urriaren 5ean.

Gipuzkoako Dantzaguneak Sortutakoak Tradizionala programaren 11. ediziorako deialdia egin du, Gipuzkoan dantza tradizionaleko proiektuak sortu, garatu eta zabaltzeko. Deialdi honetara aurkez daitezke tokiko edo tradizioz jasotako dantzen sormen, berregite edota egokitze proiektuak; tokiko dantza tradizionalen testuingurua eta ezaugarriak definitzeko ikerketa- edo dokumentatze-­lanak; dantza irakasteko material pedagogikoa sortzeko eta garatzeko proiektuak. Proiektuak aurkezteko epea: abuztuaren 26tik urriaren 2ra arte.

Arantza Iglesias eta Ane Garcíak, Sortutakoak 25 deialdiaren barruan, tailer interdiziplinar bat eta emanaldia eskainiko dituzte Gipuzkoako Dantzagunean, irailaren 18 eta 19an. Doako ekintzak dira biak eta izena emateko galdetegia bete behar da.

Hodei Iriarte eta Alberto Serranok "AATXE" dantza emanaldia eskainiko dute, Sortutakoak 25 deialdiaren baitan. Gipuzkoako Dantzagunean izango da, irailaren 27an, 12:30etan. Sarrera doakoa da, baina izena emateko galdetegia bete behar da.

2025eko Dantzaguneko bulegoko udako ordutegi eguneratua

Tartar Kolektiboak (Jone Amezaga dantzaria eta Manu Gaigne musikaria) "Partiturak praktikatuz" 3 eguneko laborategi artistikoa egingo du Dantzagunean, irailaren 12, 13 eta 14ean. Helburua dantzari eta musikariekin "Remedios Vals" Tartar kolektiboaren obran oinarritutako partitura irakurri eta interpretatzea da, instrumenturik gabe, ahotsa eta gorputza erabiliz. Esprimentatzeko, inprobisatzeko eta jolasteko gune bat izan dadin nahi dute. Doako jarduera da.

Busti Dantzan! Udako dantza egonaldiaren ikastaro amaierako emanaldia eta Dantzerti-ren inguruko hitzaldia izango ditugu aurki: Uztailaren 5, larunbata, 12:00etan: Hitzaldia (Montse Royo, Dantzerti) Lekuona Fabrikan (Errenteria). Uztailaren 5, larunbata, 13:00ean: ikastaro amaierako emanaldia Lekuona Fabrikan (Errenteria).