SORTUTAKOAK 23

Gipuzkoako Dantzaguneak Sortutakoak programaren 23. ediziorako deialdia egin du, Gipuzkoan dantza proiektu berriak sortu, garatu eta zabaltzeko. Hautatutako proiektuek Gipuzkoako Dantzagunearen Errenteriako egoitzan egonaldi bat egingo dute, dirulaguntza bat jasoko dute, eta proiektuaren aurkezpena egingo dute, proiektuaren egileek eta Gipuzkoako Dantzaguneak batera zehaztuko duten formatuan. Hautatutako proiektuak PDF jaialdian edota LABO GO ekimenaren egitarauan erakusteko aukera izango da, haien antolatzaileen baldintzek ahalbidetzen badute.

1060

OINARRIAK

1. DEIALDIAREN HELBURUA

Sortutakoak 23 dantzaren eta mugimenduaren artea sortzeko edota ikertzeko proiektuei zuzenduta dago.

Deialdi honen xedea da 2024an SORTUTAKOAK egonaldiak egiteko lau proiektu onuradun hautatzea.

Edizio honetan lau proiektu hautatuko dira, eta horietako bi proiektu Gipuzkoan erroldatuta dauden artistentzat bakarrik izango dira.

Sortutakoak 24: Atlantikaldia

Proiektuetako bat Atlantikaldia 2024 jaialdiari lotuta egongo da. Gipuzkoako Dantzaguneko eta Atlantikaldiko zuzendaritzen arteko lankidetzari esker, 2024ko irailean egingo den Atlantikaldia jaialdiaren aurkeztuko da hautatutako proiektuaren sorkuntza-prozesuaren emaitza. Proiektuaren aurkezpenean adierazi behar da Atlantikaldian parte hartzeko berariazko proposamena.

Atlantikaldia 2024 jaialdiari lotutako proiektua aurtengo gaiari buruzkoa izango da:

Artxipielagoa

2024 urtean Atlantikaldiak 11 urte betetzen ditu. Hamaika hitzaren esanahia zenbaki hutsetik haratago doa, baita kopuru huts batetik haratago doa. Hamaika ere aniztasuna da, mugarik gabeko zerbait da eta era berean osotasun bat definitzen duena da ere.

Jaialdiaren kasuan ere hamaika urte bete dira, hamaika emanaldia, hamaika sorkuntza, hamaika harreman, hamaika algara, hamaika malko, hamaika emozio, hamaika muxu… guztiak kopuruan ezberdin baita tamaina ere.

Kontzeptu hau Atlantikaldiaren unibertsora eramatean, Artxipelago bat datorkigu burua: irla txiki eta ezberdinez osatutako eremu bat. Ikuspuntu bakoitza, begirada bakoitza, ezberdina bada ere, ekosistema beraren zati. Non zati bakoitzari esker, bakoitzaren izaera dena dela izanik ere, osotasun armoniatsu bat osatzen den.

Artxipelagoetan irlak agertu eta desagertzen dira, sortu eta eraldatu. Irlak berien artean elkar eragiten dute, sareak sortzen dira, bideak, zubiak.

Azken finean hori da Atlantikaldia aniztasuna eta elkarbizitzaren topaleku. Kultura, jatorri eta izaera ezberdinen festa. Aurreiritzirik gabeko babeslekua. Eta guztiaren gainetik zoriontasuna partekatzeko tokia: Artxipelagoa.

2. ESKATZAILEAREN PROFILA

Deialdiko egonaldiak egiteko honako pertsona eta entitate hauek aurkeztu ahalko dira:

Konpainia edo talde egonkorrak
Banakako proiektuak
Proiektu baterako berariaz sortutako kolektiboak

3. LANAK AURKEZTEKO TOKIA ETA EPEA

Proiektuak aurkezteko epea 2024ko urtarrilaren 18tik otsailaren 8ko 15:00ak arte dago irekita.
Erabakia Gipuzkoako Dantzagunearen webgunean argitaratuko da. Laguntza ukatzen zaien pertsona/erakunde eskatzaileei ere jakinaraziko zaie erabakia.

4. ESKATUTAKO DOKUMENTAZIOA

Eskaera egiten duen pertsonaren datuak: izena eta abizenak, posta-helbidea, NA zenbakia, telefono-zenbakia, emaila.
Proiektuko parte-hartzaileen CVak
Proiektuaren laburpena edo hasierako ideia
Proiektuaren ikerketa-ildoak
Proiektu artistikoaren definizioa: planteamendua, motibazioa, iturriak, etab.
2-3 minutuko iraupeneko proiektuaren azalpen-bideoa
Hautagaiek proiektua ulertzeko beharrezkotzat jotzen diztuzten bestelako informazio edo euskarriak.
Egonaldiaren faseen plangintza
Egonaldi-amaierako aurkezpenaren ezaugarriak
Aurrekontua
Proiektuaren harremana Gipuzkoako Dantzagunearekin (Gipuzkoako Dantzagunean garatzeko motibazioa)

Eskaera eta dokumentazioa honako formularioa betez bidali behar dira:

Izena emateko formularioa
Aurrekontua (txantiloia bete eta formularioan atxiki behar da)

*Entregatutako dokumentazioa lehen aldiz berrikusi ondorengo segidako hurrengo 3 egunetan irekita egongo da zuzenketak egiteko epea. Denbora horretan eskatutako dokumentazioa entregatu ez duten proiektuak ez dira baloratuko eta bidaltzaileei itzuliko zaizkie, eta ez dira hartuko Sortutakoak 23n hautatutzat hartuko.

**Sortutakoak23-Atlantikaldiara aurkeztu nahi izanez gero, proiektuan hala zehaztu behar dute.

Deialdiari buruzko kontsultak honako kontaktu hauen bidez tramitatuko dira:

Emaila: sortutakoak.dantzagunea@gmail.com (Gaia: Sortutakoak 23)
Telefonoa: +34 943 021 624

5. PARTE HARTZEKO BALDINTZAK

Deialdi honetara aurkezteak berarekin dakar oinarri hauek eta konpromiso hauek onartzen direla onartzea:

Proiektua txostenean azaldu diren moduan gauzatzea. Edozein funtsezko aldaketaren berri eman behar zaio Gipuzkoako Dantzaguneari.
Gipuzkoako Dantzagunearen programazioan sar daitezkeen jarduerak sor daitezke bizi diren bitartean.
Hautatutako lanak egilearenak edo egileenak izango dira. Gipuzkoako Dantzagunea programaren zati bat erreproduzitu eta zabaldu ahal izango du argitalpenen bidez, betiere egileak aipatuta.
Gipuzkoako Dantzaguneak, Eresbilekin elkarlanean, deialdi honetatik aurrera sortzen diren agiri guztiak artxibatuko ditu.
Proiektuak argitalpenak, webguneak, bideoak eta abar egitea badakar, laguntza jaso izana aipatu behar da, honako esaldi honekin eta zentroaren logotipoarekin: “Proiektu honek Gipuzkoako Dantzagunearen Sortutakoak 23 laguntza jaso du”, eta aldez aurretik jakinaraziko zaio Gipuzkoako Dantzaguneari.
Fakturak jaulki ahal izatea.
Egonaldia amaitutakoan, proiektuaren garapena jasotzen duen memoria entregatu behar da (irudiak edo bideoak barne), eta egindako gastuen justifikazioa.
Egonaldia amaitu eta, gehienez ere 2 hilabeteko epean, aurkeztu beharko da testu, argazki eta bideo bideoz osatutako egonaldiari buruzko memoria, sorkuntza-prozesuaren dokumentazio-lan gisa balioko duena.
Parte-hartzaileek, deialdira aurkezte hutsagatik, oinarri hauek onartzen dituzte.

GARRANTZITSUA: bi dokumentuak adierazitako egunean ez entregatzeak laguntza galtzea izango du ondoriotzat.

6. DIRULAGUNTZA

Sortutakoak 23n hautatutako proiektu bakoitzak 3.500€ko dirulaguntza jasoko du (zergak eta atxikipenak barne), egonaldi artistiko egiteko behar diren gastuak ordaintzeko.

Laguntza hori bi zatitan ordainduko da: bata, egoitzaren hasieran (3.000 € -% 15 PFEZ), eta, bestea amaitutakoan, memoria eta gastuen justifikazioa entregatutakoan (500 € -15 € PFEZ).

Laguntza hau bateragarria da beste erakunde batzuek proiektu bererako emandako beste deialdi batzuekin, baldin eta diruz laguntzen diren gastuak Gipuzkoako Dantzaguneak bere gain hartutakoak ez badira. Gainerako laguntzak 25.000 €koak izango dira gehienez.

Sortutakoak 23-Atlantikaldiaren kasuan, jaialdiak 1.000 € (zergak barne) emango ditu Atlantikaldian aurkeztuko den erakustaldiaren gastuak ordaintzeko. Data, ordua eta lekua jaialdiaren antolatzailearekin adostuko dira (egonaldi hau Atlantikaldia ospatzen den egunetan egingo da).

7. ESKAERAK BALORATZEA

Epearen barruan eta oinarrien araberako dokumentazioarekin aurkezten diren proiektuak balorazio-batzorde batek baloratuko ditu. Batzorde hori dantza garaikidean aitortza zabaleko ibilbide profesionala duten Gipuzkoako Dantzaguneko taldetik kanpoko pertsonek osatuko dute.

Gipuzkoako Dantzaguneko jarduerei edota testuinguruari egindako ekarpena positiboki baloratuko da.

Balorazio-irizpideak honako hauek izango dira:

Proiektuaren interes artistikoa: % 30
Proiektuaren metodologia: % 30
Proiektuaren testuinguruko harremana Gipuzkoako Dantzagunearekin (Gipuzkoako Dantzagunean garatzeko motibazioa): % 40

Proiektuak esleitzearen erabakia balorazio-batzordearen eskumen esklusiboa da eta ezin da haren aurka errekurtsorik aurkeztu. Esleipendunak uko eginez gero, batzordeak egonaldia hurrengo proiektuari esleitu ahal izango dio, edo deialdia eman gabe utzi.

Balorazio-batzordeak, halaber, deialdia eman gabe utzi dezake, baldin eta uste badu aurkeztutako proiektuetako batek ere ez dituela egonaldia egiteko laguntza jasotzeko behar diren ezaugarriak betetzen.

Emaitza Gipuzkoako Dantzagunearen webgunean argitaratuko da otsailaren amaieran, eta onuradunari zuzenean jakinaraziko zaio eskabidean eman duen helbidean.

8. GIPUZKOAKO DANTZAGUNEKO EGONALDIA

Egonaldien iraupena: aukeratutako proiektuen egonaldiak 2024an zehar egingo dira Gipuzkoako Dantzagunean. Gutxieneko iraupena astebetekoa izango da eta gehienezkoa 3 astekoa, elkarren segidakoak izan beharrik gabe.

Datak talde kudeatzailearekin adostuko dira, espazioen erabilgarritasunaren arabera.

Hautatutako proiektuek gehienez ere 4 ordu izango dituzte eguneko, astelehenetik ostiralera, 9:00etatik 21:00era. Ordutegi horretatik kanpo, Gipuzkoako Dantzagunearen instalazioen erabilera kudeatzaileekin adostuko da.

Egutegia, ordutegia eta gainerako beharrak deialdiaren formularioaren proposamenean sartu behar dira.

Egoiliarrek Gipuzkoako Dantzagunearen ikus-entzunezko materiala eskura izago dute eskura, eta proiektuaren proposamenean haren erabilera zehaztu beharko dute. Gipuzkoako Dantzagunearen kudeaketa taldearen aholkularitza ere izango dute.

Hautatzen diren pertsonak Eresbileko dantza liburutegira ere joan ahal izango dira, mahai lanak egiteko eta proiektuaren gaiarekin zerikusia duten bilaketak egiteko.

9. DOKUMENTAZIOA

Gipuzkoako Dantzaguneak, Eresbilekin duen dokumentazio- eta ikerketa-akordioaren bidez, hautatutako proiektu bakoitzaren kopia bat bidaliko dio Eresbili.

Bidaltzea nahi ez duten proiektuen egileek beren proposamenean zehaztu beharko dute. Horrek ez du eraginik izango epaimahaiaren erabakian.

Hautatutako artistek elkarrizketa dokumentatua eskainiko dute Gipuzkoako Dantzagunearen artxiboan, eta egonaldiaren amaieran egindako lanaren memoria bat aurkeztuko dute.

10. SENTSIBILIZAZIOA

Artistak bere lan prozesua ate irekien jardunaldi batean irekitzekokonpromisoa hartu du, bai ikasleentzat, bai GipuzkoakoDantzagunearekin bat datorren beste dibulgazio ekintza batekin.

Hautatutako artistak konpromisoa hartzen du sentsibilizazio-, komunikazio- edo hedapen-jardueretan parte hartzeko, Gipuzkoako Dantzaguneak egoki irizten dionean, hala nola: beste artista batzuekin topaketak, Sortutakoak deialdian hautatutako artistekin topaketak, Gipuzkoako Dantzagunearen erabiltzaileei proiektua aurkeztea, eta artistarekin adostutako formatuan proiektuaren aurkezpena egitea, horretarako aukera PDF jaialdian eta LABO GO programan irekita.