POCTEFA 2021-2027 proiektuen deialdien egutegia

POCTEFA 2021-2027 INTERREG VI- A España-Frantzia-Andorra Programaren akronimoa da.

Espainiako, Frantziako eta Andorrako mugako lurraldearen garapen iraunkorra sustatzen du programak, mugaz gaindiko lankidetzaren bidez. Lurraldearen garapen-desberdintasunak gutxitzen eta indarrak batzen laguntzen du, eskualdearen garapen iraunkorra eta hura osatzen duten eskualdeen kohesioa lortzeko.

Programak zazpi lehentasun ditu, 15 helburu espezifikotan banatuta, eta Europako Batzordeak proposatutako bost helburu politikori dagozkie.

2021-2027 epealdirako Europako lurralde-lankidetzaren programazio-aldi berriak berrikuntza gisa 5. helburu politikoa aurkezten du, "bere herritarrengandik hurbilago dagoen Europa", lurralde mota guztien garapen integratu eta iraunkorra eta tokiko ekimenak sustatuz.

Helburu politiko hori ezarri ahal izateko, Europako Batzordeak arlo funtzionalak identifikatzea proposatzen du, Programari lurraldetasun handiagoa emango diotenak, perimetro txikiagoetan lan egitea ahalbidetuko baitute. Elkarreragin- eta interdependentzia-maila handiko arloak dira, eta beharrezkoa da sektore desberdinetan aldi bereko ekintzak egitea etorkizuneko garapenerako (lan-merkatua, osasuna, garraioa, hezkuntza, etab.).

POCTEFA programan, 5. helburu politiko hori 6. lehentasunarekin bat dator: "Espazioa lurraldez, sozialki eta ekonomikoki egituratzea". POCTEFA Programako bazkide instituzionalek bost arlo funtzional identifikatu dituzte. Euskadi AFOMEF Mendebaldeko Eremu Funtzionalaren barruan dago. Arlo funtzional horren barruan maiatzean deialdi bat egitea aurreikusten da.

2024ko martxoaren 14an argitaratu da POCTEFA 2021-2027 proiektuen gutxi gorabeherako egutegia. Egutegi hori eguneratu egingo da erabakitzeke dauden datak eta/edo aurrekontuak berretsi ahala.