Espainiako Gobernuak ELISA abiarazi du: Berreskuratze Planaren inbertsioen betearazpena eta inpaktua ezagutzeko tresna
Elisa hilero eguneratuko da eta funtzionalitate berriak txertatuko ditu.
- 124
ELISA datuak bistaratzeko tresnak aukera ematen du lizitazioen eta dirulaguntzen deialdien jarraipena egiteko, bai eta haien ebazpenarena ere, funts hauei dagokienez:
- Estatuko Administrazio Orokorrak zuzenean kudeatutakoak.
- Konferentzia sektorialen bidez autonomia-erkidegoei transferitutakoak.
- Toki-korporazioek gauzatutakoak.
Tresna honek finantzaketa jaso duten enpresen eta etxeen kopuruari buruzko informazioa ematen du, bai eta enpresa onuradunen tamainari eta Berreskuratze Planean definitutako jarduketa-palanketan egindako inbertsioei buruzkoa ere.
Era berean, autonomia-erkidego bakoitzean kudeatu eta gauzatutako funtsen xehetasuna ematen du, baita finantzaketa jaso duten enpresen kopurua eta proiektuen sektore-banaketa ere.
ELISAk Europako funtsen exekuzioaren jarraipena egiteko aukera ematen du, Dirulaguntzen Datu-base Nazionalaren eta Sektore Publikoaren Kontratazio Plataformaren datu publikoen analisiaren bidez. Datuei buruzko ohar metodologiko bat erantsi zaio argitalpenari, analisia errazteko.
Horrekin batera, gainera, Berreskuratze Planak autonomia-erkidegoetan izango duen eraginaren xehetasun kualitatiboagoa duten lurralde-fitxak daude (Euskal Autonomia Erkidegoko fitxa).