Jardunaldiak eta prestakuntza

Ikastaroa

Gipuzkoako Foru Aldundiko Gobernu Onaren eta Herritarren Partaidetzaren zerbitzuak, UIKekin lankidetzan, 5 udako ikastaro antolatu eta eskaini ditugu 2025eko TopaGune programan.

TopaGune programaren ikastaroetan metodologia aktiboa eta parte-hartzailea erabiltzen da, ikasleengan oinarritutako ikaskuntzaren ikuspegitik eta askotariko tresna pedagogikoak eta parte-hartzaileak erabiliz.

Ikastaroan parte hartzen dutenak dira ikaskuntza-prozesuaren benetako protagonistak, eta ikaskuntza esanguratsua nagusituko da dinamizazio eta bidelaguntza espezializatuarekin.

Hona hemen TopaGune ikastaro horietako bat:

Gipuzkoako Foru Aldundiaren eta udalen ekintza komunitarioaren markoaren arabera komuna eraikitzea harreman-estrategia bat da, eta administrazioak hori eraikitzeko eta errazteko rola du –besteek egin dezaten, bere proiektutik abiatuta eta autonomiarekin –. Azken helburua beti izan behar da komunitatea eraikitzea eta lan egitea lidergo instituzionala gero eta gehiago izan dadin erakundeen, zerbitzuen eta profesionalen eta autonomia eta erantzukizuna irabazten ari den herritar antolatuen arteko lidergo partekatua.

Aurten, komunaren eraikuntzaren nolakotasunean jarri nahi dugu arreta. Harreman-estrategiarekin batera doazen eta hura errazten duten printzipioak/gakoak aztertu nahi ditugu. Harremanetan jarri nahi dugu arreta: ni-aren eta gu-aren arteko loturan, guztionarekin duen loturan.

Ikaskuntzak partekatu nahi ditugu, gure praktikak hobetu ahal izateko eta testuinguru desberdinetan sortzen diren aukerak identifikatzen jakiteko, era berean, gizarte inklusiboagoak eta kohesionatuagoak eraikitzeko.