Jardunaldiak eta prestakuntza

Ikastaroa

Gipuzkoako Foru Aldundiko Gobernu Onaren eta Herritarren Partaidetzaren zerbitzuak, UIKekin lankidetzan, 5 udako ikastaro antolatu eta eskaini ditugu 2025eko TopaGune programan.

TopaGune programaren ikastaroetan metodologia aktiboa eta parte-hartzailea erabiltzen da, ikasleengan oinarritutako ikaskuntzaren ikuspegitik eta askotariko tresna pedagogikoak eta parte-hartzaileak erabiliz.

Ikastaroan parte hartzen dutenak dira ikaskuntza-prozesuaren benetako protagonistak, eta ikaskuntza esanguratsua nagusituko da dinamizazio eta bidelaguntza espezializatuarekin.

Hona hemen TopaGune ikastaro horietako bat:

Gaza eta Kolonbia: Gosea gerrako arma, elikadura segurtasuna bakerako bide

Uda Ikastaroan zehar, Gaza eta Kolonbiako kasuetan ardaztutako hitzaldiak, mahai‑inguruak, elkarrizketak eta eztabaidarako guneak tartekatuko dira. Gosea gerrarako arma gisa erabiltzen dituzten dinamikak aztertuko dira, eta baita jokabide horiek saihesteko eta arintzeko dauden nazioarteko markoak ere. Halaber, elikadura‑segurtasunetik eta ikuspegi sozioekonomikotik bakea eraikitzen laguntzen duten esku-hartzeak eta faktoreak landuko dira, tokiko mailan zein maila komunitarioan. Gainera, gatazkak eragindako komunitateetan konfiantza, erresilientzia eta elikadura-segurtasuna eta funtsezko zerbitzuak eraikitzeko esperientziak partekatuko dira. Ikastaroak gosearen eta gatazken egoera geopolitikoaren inguruko ikuspegi eguneratua ere eskainiko, narratibek errealitate horiek eraldatzeko duten boterea azpimarratuz.