Jardunaldiak eta prestakuntza

Ikastaroa

Gipuzkoako Foru Aldundiko Gobernu Onaren eta Herritarren Partaidetzaren zerbitzuak, UIKekin lankidetzan, 5 udako ikastaro antolatu eta eskaini ditugu 2025eko TopaGUNE programan.

TopaGune programaren ikastaroetan metodologia aktiboa eta parte-hartzailea erabiltzen da, ikasleengan oinarritutako ikaskuntzaren ikuspegitik eta askotariko tresna pedagogikoak eta parte-hartzaileak erabiliz.

Ikastaroan parte hartzen dutenak dira ikaskuntza-prozesuaren benetako protagonistak, eta ikaskuntza esanguratsua nagusituko da dinamizazio eta bidelaguntza espezializatuarekin.

Hona hemen TopaGune ikastaro horietako bat:

Gorputzaren itxura bizi ohituren ondorio denaren ustea dago, gorputz aniztasuna kontuan izan gabe.

Bizi ohitura osasuntsuetan pentsatzen dugunean, elikadura orekatua (fruta eta barazkiak, azukrea ekidin…) eta jarduera fisikoa datorkigu burura.

Askotan ahaztu egin ditugu buru osasuna eta lagun artean ondo egotearen garrantzia. Gaur egun bizi dugun presio estetikoak fokua gure gorputzean jartzea garamatza. Osasuna gehienetan gorpuzkera batekin erlazionatzen da, honek osasun fisikoan, mentalean, emozionalean eta gure gizarteratzeko eran dituen ondorioak kontutan izan gabe. Gaur egun, lodifobiak eragin kaltegarri ugari sortzen ditu adin tarte guztietako pertsonengan, baina ikastaro honetan, haur eta gazteetan jarriko dugu arreta berezia.

Ikastaroan landuko dugu elikadurarekin eta gorputzarekin jarrera osasuntsu batean oinarritutako ohiturak nola suspertu. Horretarako, hitzaldiak, mahai inguruak eta hausnarketan lagunduko diguten tailer parte hartzaileak prestatu ditugu. Hizlarien artean, Magda Piñeiro, Kike Esnaola eta Gabriela Uriarte izango ditugu.