Sintomak eta biologia

Intsektu honen forma helduak tximeleta txiki batzuk dira eta lau hegal dauzkate: aurreko biak zuriak puntu beltz berezi batzuekin, eta atzekoak txikiagoak eta kolore gris argikoak. Ekain-uztailean azaltzen dira, eta beren arrautzak adarren puntan ezartzen dituzte taldekatuak eta arrain-ezkatak bezala teilakatuak. Egun gutxi barru jaiotzen dira beldar gazteak eta arrautza irekien azpian babestuta geratzen dira, negua pasatzeko ezkutu babesle gisa arrautza-azalak erabiliz.

Hurrengo udaberrian, beltzez punteaturiko kolore hori argi samarreko beldarrak irteten dira beren babespetik eta hostoen barneko aldea jaten hasten dira, kanpoko azala errespetatuz. Lehen fase honetan meatzari gisa dihardute. Geroago, habia moduko bat eraikitzen dute hari zuri zetakarak erabiliz eta zenbait hosto barnean hartuz. Barneko hostoak jan eta, ekainaren erdialdera, habiaren barnean kapulua ehotzen dute. Azkenean tximeleta bihurtzen dira.

Borroka

Ez da beharrezkoa, oso gutxitan agertzen delako.