"Sorolla Donostian" erakusketak museora dakartza artistak hirian sortutako obrak

Gaur "Margotzeko bidaiatu. Sorolla Donostian" erakusketa aurkeztu dugu San Telmo Museoan. Museoko Kapitulu Gelan bisita daiteke, ekainaren 17tik urriaren 15era bitartean. Museo Sorollak, Museo Sorolla Fundazioak eta San Telmo Museoak lankidetzan antolatuta, Acacia Sánchez Domínguezek komisariatu du erakusketa, eta artistaren heriotzaren mendeurrenaren oroimen ekitaldien parte da.

Gaur Margotzeko bidaiatu. Sorolla Donostian erakusketa aurkeztu dugu San Telmo Museoan. Museoko Kapitulu Gelan bisita daiteke, ekainaren 17tik urriaren 15era bitartean. Museo Sorollak, Museo Sorolla Fundazioak eta San Telmo Museoak lankidetzan antolatuta, Acacia Sánchez Domínguezek komisariatu du erakusketa, eta artistaren heriotzaren mendeurrenaren oroimen ekitaldien parte da.

Sorollak Donostia zergatik hautatu zuen azaltzeko garaian, erakusketa egituratzen duten bi arrazoi nagusi aipa ditzakegu. Lehena piktorikoa da: Kantauriko argi aldakorra. Sorollak introspekzio ariketa laudagarria egin zuen bere paletako tonuak gama leun eta ñabartuago batera aldatzean, hori hobeto baitzetorren iparraldeko klima aldakorrarekin. Aurreneko aldiz San Telmo Museoan bilduta, haren El rompeolas bisten sail ospetsuaren sorta zaindu bat aurkezten da, Ulia mendiarekin, eta Donostiako barrualdeko paisaiak, maisua liluratu zuten agertoki nagusiak, barne hartzen dituena.

Bigarren arrazoia aldiz, soziala da: etorbide zabaletan eta Kontxako hondartzan elkartu ziren, giro kosmopolita batean, bai margolariaren bezero dirudunak, baita haren lagun talde oparoa ere. Guztiak liluratuta zeuden printzipio higienistak goraka ekarri zituen aire zabaleko aisialdiaren kontzeptuarekin. Testuinguru horretan, Sorollak bere kolore-ohartxoak margotzeko lekurik egokiena aurkitu zuen hirian eta, hala bilakatu zen bere karrera osoan zehar izan zen kronista sozial zolia.

Ohartxo hauek dira bere egonaldien lekuko leialenak, eta horiekin, Sorollak, bere ideiekin guztiz bat zetorren hiriaren espiritu aurrerakoia eta baikorra islatu zuen. Berez obra bukatu gisa landutakoak, balio handia daukate beren egiazkotasunagatik eta bere pinturaren mamia bera dira, errealitatea islatzeko eduki zuen baliabide zuzenena izan baitziren. Erakusketan 27 bildu dira, eta hamar mihiserekin eta garaiko argazki eta dokumentuekin batera aurkezten dira.

Erakusketaren osagarri gisa, bisita gidatu programatuak eta hitzaldiak antolatu ditu museoak.