Albisteak

Jardunaldian 150 parte-hartzaile baino gehiago elkartu dira, adituen, erakundeetako ordezkarien, enpresen eta Gipuzkoaren etorkizunean interesa duten herritarren artean. Komunitatearen, lehiakortasunaren eta garapen inklusiboaren inguruko esperientzia eta analisia partekatu dute Stephan Garellik (Lausanako Unibertsitatea), Josu Ferreirok (UPV/EHU), Sarah Chaytorre (University College London) eta ORKESTRAko eta Deustuko Unibertsitateko ordezkariek

AuzoEkin ekimenak, Gipuzkoako Foru Aldundiak "ADINBERRI-HARIAK" deialdian finantzatutakoak, boluntarioak bilatzen ditu fenomeno hori prebenitzeko sare komunitario bat aktibatzeko Hondarribian. Proiektuaren helburua da nahi ez den bakardadeak kalteberatasun egoeran dauden adinekoen osasunean eta ongizatean duen eragin negatiboa aztertzea eta arintzea.

Azahara Domínguez diputatuak amaiera eman dio ostegun honetan 2025 honetako azken hitzorduari. Hondarribian, turismoak gure hirietan duen eraginari heldu dio. Klima aldaketak gure kostaldean dituen ondorioak, Donostiako Easo bide hondartzan irekitako aukera edo etorkizuneko Gipuzkoa izan dira aurten jorratu diren beste gaiak

Hautaketa-prozesuak gehienez ere hiru urteko epean argitaratuko dira, foru bozeramaileak aurreratu duenez.

Gipuzkoako Foru Aldundiko Jasangarritasun Departamentuak eta Eusko Jaurlaritzak, Uraren Euskal Agentziaren bidez, sustatutako jarduerak 2,7 milioi euroko inbertsioa dakar, eta xede du Debagoieneko mugikortasun jasangarriagoa egitea, zein saneamendu integrala hobetzea.

Jasangarritasun Departamentua da edizio berri honen buru. Asteak hezkuntza, berrikuntza eta konpromiso soziala uztartzen dituzten hamaika jarduera ditu, azaroaren 21etik abenduaren 1era bitartean, lurraldeko hainbat tokitan.

Gipuzkoa da hiru Foru Arau hauek onartzen dituen lehen lurraldea, onarpen honekin urrats esanguratsua eman da lurraldeko autogobernu ekonomikoan. Talde multinazional eta nazionalen zerga osagarriaren onarpenarekin, gainera, Gipuzkoak beste pauso bat eman du nazioarteko fiskalitatearen esparruaren integrazioan.

Gobernu Kontseiluaren erabakiak

Plaza berriak ituntzeko aurrekontua 236.573,53 eurokoa izango da, eta hasie-rako iraupena lau urtekoa, zortzi urtera arte luza daitekeena. Zainketa eta Gizarte Politiketako Departamentuaren Mapak ezartzen du 1.553 plaza berri sortuko direla 2030era arte, eta horietatik gutxienez 757 adi-nekoentzako egoitza zentroetarako izango direla, lurralde-estaldura orekatua eta herritarren beharrekin bat datorrena bermatuz.

Akordioak urrats berri bat ezartzen du bi erakundeen arteko lankidetzan, enpresa txiki eta ertainei jasangarritasunaren eta lehiakortasunaren arloko Europako arau-esparrura egokitzen laguntzeko.

GI-3520 errepideko jarduketak ibilgailuen abiadura motelduko du, galtzada altxatuko da eta espaloiak handituko, pilotalekuaren eta Ostatuaren ingurua babesteko.

Euskadiko balio ekologiko handieneko hezeguneetako batean egin dira leheneratze-lanak; mehatxatutako flora- eta fauna-espezieak daude bertan, eta uretako hegaztiak migratzeko gune estrategikoa da. Ekaina eta urria bitartean egindako lanek inguruko eremuetan uholdeen arriskua murrizten laguntzen dute. 2026ko udaberrian LIFE-Humedales proiektuaren akordioa sinatzea aurreikusten da, paduraren berreskurapenean aurrera egitea eta inguruko biodibertsitatea hobetzea ahalbidetuko duena, eta, aldi berean, eremuaren uholde-arriskua 11 zentimetro murriztea espero da.

European Social Networkek (ESN) Gipuzkoako Foru Aldundia saritu du ‘Gizarte Zerbitzuetan Sektore Publikoaren Lankidetzari Saria’ emanez, Zaintza HerriLab estrategiagatik; lurraldean zehar zaintza arloan bultzatu den lankidetza-lanari egindako aitortza da saria. Aitorpen honek balorean jartzen du Gipuzkoak gobernantza partekatuaren eta sare-lanaren eredua sustatzeko duen gaitasuna, zaintzak ikuspegi komu-nitario batetik indartzen dituen eredua. Zainketa eta Gizarte Politikako diputatu Maite Peñak nabarmendu du sariak aitortu egiten duela estrategiaren helburua: ongizatea hobetzea, etxean egoteko aukera sustatzea eta Gipuzkoako zaintza-sarea zabaltzea.

2025eko lehen hamar hilabeteetan 579 milioi gehiago bildu dira, 2024ko aldi berarekin alderatuta.

Azahara Domínguez diputatuak kanpaina hau aurkeztu du eta azaldu du honen helburua dela oporretan turismo-jarduera bultzatzea, goi-denboralditik kanpoko eskualde guztietan bisitari-fluxu orekatua sustatuz, eta ostatuen, tokiko saltokien eta gure lurraldeko baliabide turistikoen inguruan jarduera ekonomikoa sortzea sustatuz

Gipuzkoako Foru Aldundiko Kultura eta Kirol Departamentuak Gipuzkoako kirolaren urte historikoa markatu duten lorpenak, ibilbideak eta balioak aitortu ditu.

650 profesional baino gehiagok parte hartu dute kongresuan, non adimen artifizialak, nazioartekotzeak, barne-ekintzailetzak eta partaidetzazko kudeaketa-eredu berriek enpresen lehiakortasuna nola sustatu dezaketen aztertu den. Eider Mendozak enpresa txiki eta ertainak “berrikuntzaren trenera igotzera” animatu ditu, lehiakortasunean aurrera egin dezaten.

Arabako, Bizkaiko eta Gipuzkoako Foru Aldundiek lasaitasun-mezua helarazi diote kontsumitzaileari, eta arrautzak edo oilaskoa bezalako produktuen kontsumoak giza osasunean eraginik ez duela gogorarazi dute; izan ere, kontrol- eta prebentzio-protokolo zorrotzak aplikatzen ari dira ustiategi guztietan.

Programak 23 neurri jasotzen ditu, osasuna, landa-ingurunea eta natura-ondarea babesteko egutegiarekin eta aurrekontuarekin.

Azahara Domínguez Mugikortasuneko, Turismoko eta Lurralde Antolaketako diputatuak jakinarazi duenez, datorren astelehenetik aurrera, hilak 17, udalerrian espedizio gehiago izango dira, eta, beraz, Aiatik Oriora autobusez iristea "errazagoa eta erosoagoa" izango da.