Merkataritza-, gizarte-eta kultura-jarduera guztietarako ezarrita dagoen ixteko muga-ordutegia 02:00ak arte luzatuko da, dagokion ordutegira doitzea eragotzi gabe, baita goizago ere, ordutegien arauketa arrunta aplikagarria denean.

• Oro har, edozein gizarte-edo kultura-ekitalditarako gehienez ere 600 pertsona bildu ahal izango dira barnealdeetan, eta 800 pertsona kanpoan.
• 1.600 eta 5.000 lagun arteko edukiera duten esparruetan, gehienez 800 pertsona egongo dira barruan eta 1.200 kanpoan.
• 5.000 pertsonatik gorako edukiera duten esparruetan, gehieneko edukiera ezin izango da ehuneko 30 baino handiagoa izan. Ahal denean, 1.000 pertsonatik beherako sektore independenteak ezarriko dira, sarbideekin eta igarobide independenteekin.
• Aire zabalean egiten diren ekitaldietan, bai hiri-inguruneetan, bai ingurune naturalean, antolatzaileek Osasun Publikoaren eta Adikzioen Zuzendaritzak jarduera horietara jendea joan dadin ezarritako jarraibideak errespetatu beharko dituzte.

Bezeroak mahaiz mahai elkartzeak, barrualdeetan zein terrazetan, ezin izango dira sei baino gehiagokoak izan, eta ezin izango dira bi mahai edo gehiago elkartu pertsona-kopuru handiagoko elkartze baterako, bizikideen kasuan izan ezik. Gainerako mugek bere horretan jarraituko dute, ordutegia izan ezik, 02: 00ak arte luzatuko baita.

Honako erregela hauen arabera:

• Edukieraren ehuneko 50eko muga eta barran edo zutik kontsumitzeko debekua xedatzen da, bai eta maskara nahitaez erabiltzea ere, irensteko unean izan ezik.
• Erabiltzaileak mahai bakoitzeko sei pertsona baino gehiago ez eseritzeko moduan antolatu beharko da, bizikideen kasuan izan ezik. Ezin izango da lau edo sei lagunentzako mahaietan jende gehiago jarri. Nolanahi ere, mahai desberdinetan eserita dauden pertsonen artean gutxienez 1,5 metroko distantzia mantentzen dela ziurtatu beharko da.
• Ordutegia 09:00etatik 02:00etara bitartekoa izango da.
• Egindako mahaien erreserben eguneroko erregistroa eraman beharko da.
• Nahitaezkoa da lokal horiek etengabe aireztatzea.

Museoetan, erakusketa-aretoetan, natura-turismoan, eta aisialdiko eta turismoko zentroetan barrualdeetan egiten diren bisitetan taldeak gehienez ere 10 pertsonara artekoak izango dira; aire zabalean egiten direnetan, 20 pertsonara artekoak izango dira taldeak.

Kultu-aretoetara joateko muga gehieneko edukieraren ehuneko 60ra arte zabaltzen da.

Leku itxietan egiten diren ehorzketarako beilatokietan eta segizioetan edo errausketarako agurretan parte hartzeak ezin izango du baimendutako edukieraren ehuneko 40 gainditu. Leku irekian egiten badira, pertsonen mugarik gabe egin ahal izango dira. Edonola ere, bermatu egin beharko da pertsonarteko gutxieneko 1,5 metroko distantzia eta maskara erabiliko dela.

Barruko instalazioetako kirol-jarduera 10 pertsonako taldeetan egituratu ahal izango da.

Bai. Eskola-kirola, entrenamenduan ez ezik, lehiaketan ere egin daiteke.

Gehienezko edukieraren ehuneko 50ean erabili ahal izango dira aldagelak, bai eta dutxak ere banaka edo pertsonen arteko bi metroko distantzia mantenduz.

Bai. Publikoa kirol-ekitaldietara joatea baimentzen da, edukieraren ehuneko 60 gainditu gabe eta honako muga hauen arabera:

• 1.600 pertsonatik beherako edukiera duten esparruetan, barrualdeetan 600 pertsonakoa izango da maximoa eta kanpoaldean 800 pertsonakoa.
• 1.600 eta 5.000 lagun arteko edukiera duten esparruetan, barrualdeetan 800 pertsonako maximoa izango da, eta kanpoan 1.200 pertsonakoa.
• 5.000 pertsonatik gorako edukiera duten esparruetan, gehieneko edukiera ezin izango da ehuneko 30 baino handiagoa izan. Ahal denean, 1.000 pertsonatik beherako sektore independenteak ezarriko dira, sarbideekin eta igarobide independenteekin.
• Aire zabalean egiten diren kirol-probetan, bai hiri-inguruneetan, bai ingurune naturalean, antolatzaileek Osasun Publikoaren eta Adikzioen Zuzendaritzak kirol-proba horietara jendea joan dadin ezarritako jarraibideak errespetatu beharko dituzte.