Klima Bai!

Klima aldaketa da mende honetako ingurumen-erronka nagusia. Etorkizuna, nazioartean, nazioan, autonomia-erkidegoan eta tokian-tokian hartuko diren erabaki eta ibilbide-orrien mende egongo bada ere, neurri horiek bidelagun izan behar dituzte eskala desberdinetan garatzen diren arintze eta egokitzapen ekintzak.


 Klima aldaketari aurre egiteko neurriak eraginkortasunez ezartzeko, beharrezkoa da, besteak beste, gizartearen parte-hartze aktiboa. Horretarako, beharrezkoa da aldizka arazoari buruzko informazioa ematea, batetik, kontzientziazioa eta sentsibilizazioa sortzeko, eta, bestetik, erantzun aktiboa bultzatzeko, egungo ohiturak iraunkortasunaren ildotik aldatzeko. Hala, Klima Bai! ekimena sortu zen. Hasiera batean, 2021eko urritik 2022ko martxora bitartean lehiaketa gisa garatu zen. Lehiaketan, lurraldeko udalerriek eta herritarrek hainbat erronka garatuz parte hartu zuten: energiaren, elikaduraren, jantzien eta uraren erosketa eta kontsumo arduratsua; ekonomia zirkularra etxebizitzetan; mugikortasun jasangarria eta natura.

 

Lehiaketa amaituta, Klima Bai! app eta plataformak erabilgarri jarraitzen dute, eta hain iraunkorrak ez diren ohiturak aldatzeko eta karbono-aztarna pertsonala murrizteko interesa duen edonork ingurumen-inpaktua murrizteko proposamenak ezagutu ahal izango ditu, hala nola etxeko energia-kontsumoan, elikaduran edo mugikortasunean.