Prozesuaren xehetasunak

Aurrekontu Irekiak 2021

2021/01/18 - 2021/12/31

Guztion artean Gipuzkoaren etorkizuna eraiki dezagun

prozesu irekita

0 ekintza irekiak

Emaitzak

Bigarren fase honetako 18 proiektuak bozkatzeko epea amaituta, 6.741 pertsonak parte hartu dute guztira, eta jasotako boto guztietatik 4.782 izan dira aurrez ezarritako baldintzak betetzeagatik kontuan hartu direnak. 5 proiektuko sailkapena lortu da, horietako bakoitzerako emandako botoen arabera.

5 proeiktu horien aurrekontua esleitutako aurrekontu osora iristen ez zenez (1.000.000 euro), boto gehien jaso dituen hurrengo proiektua sartzea erabaki da, 160.000 euroko aurrekontu-zuzkidurarekin, eta, horrela, aurrekontu osoa erabili ahal izango da. Beraz, boto gehien jasoko dituzten 6 proiektuak 2021eko irailetik aurrera martxan jarriko direnak izango dira, eta 2021eko aurrekontuen kontura joango dira.

Bozketen Rankinga

Zeintzuk dira proiektu bozkatuenak?

Emaitzak kargatzen...

1

Boto Zk: 2659

LEHEN ENPLEGUA

Enpresei laguntzak eskaintzea lehen enpleguaren bila dabiltzan gazteak kontratatzeko, eta I+G+b arloetan pertsona horiei zuzentzen den prestakuntza finantzatzea. Gazteei prestakuntza espezifikoa eskainiz gero, horiek berritzeko duten gaitasuna balia daiteke, berrikuntzara bideratutako profil bat sartzeko aukera emanez enpresari. 200.000 euro
2

Boto Zk: 2259

GIPUZKOAKO BASOEN KUDEAKETA INTEGRAL ETA IRAUNKORRERAKO ERAKUNDE BAT SORTZEA

Erakunde hori sortzeak lagunduko luke basoen abandonoari aurre egiten, Gipuzkoako paisaia zainduko luke, basoa herritarren aisialdirako erabilgarriago egingo luke, ekonomia zirkularra bultzatuko luke, Gipuzkoan zura (0km eta lehengai berriztagarria) ekoiztea sustatuko luke, landaketa bateratua sustatuko luke eta CO2 xurgapena handituko luke. 200.000 euro
3

Boto Zk: 2054

ALZEHIMERRA DIAGNOSTIKATU ZAIEN PERTSONENTZAKO PSIKOESTIMULAZIO TAILERRA ABIAN JARTZEA ARRASATEN

Estimulazio kognitibo egoki batek Alzheimerra duten pertsonen bizi-kalitatea hobetzen laguntzen du. Proiektu hori abian jartzeko, Gipuzkoako Alzheimerra duten Pertsonen Senideen eta Lagunen Elkarteak (AFAGI) lagunduko luke, eta beste eskualde batzuetan abian jarritako beste 7 tailerrekin bat egingo luke. 90.000 euro
4

Boto Zk: 1830

KLIMAREKIN KONPROMETITUTAKO HERRITARREN ERRONKAK

Herritarrei zuzendutako prestakuntza eta sentsibilizazio tailer batzuk diseinatu eta antolatuko lirateke. Klima-aldaketaren aurkako borrokaren arloko 7 erronkan lan egitea planteatzen da (energia, elikadura, ehungintza, ura, ekonomia zirkularra, mugikortasun iraunkorra eta biodibertsitatea), eguneroko ohiturak aldatzen laguntzeko, gure ingurunearen, gure udalerrien eta klimaren aldetik neutroa den Gipuzkoa baten mesedetan. 200.000 euro
5

Boto Zk: 1671

GIZARTEA ERALDATZEKO PROIEKTUA, ZAINTZARI BALIOA EMATEKO

Proiektu horren helburuak izango lirateke zaintzak gure bizitzan duen zeregina ikusaraztea eta sozialki neurtzea, zaintzak emakumeek jasaten duten desberdintasunean kolektiboki eta indibidualki duen eraginaz kontzientziatzeko, zaintza partekatzeko mekanismoak ikusarazteko eta ohitura sozialak aldatzeko jardunbide egokiak eskaintzeko. Azken batean, zaintzaren funtzio soziala ikusaraztea litzateke helburua, berdintasunerantz aurrera egiteko. 150.000 euro
6

Boto Zk: 1537

FORMATU TXIKIKO KULTURA-EKITALDIAK PROGRAMATZEA GIPUZKOAKO LURRALDE OSOAN

Formatu txikiko kultura-ekitaldiak udalen ardurapean daude, eta udalerri txikietan zailtasunak dituzte ekitaldi horiek programatzeko eta finantzatzeko. Dirulaguntzen lerro berri horrekin (talde ez-profesionalen kontzertuak, formatu txikiko ikuskizunak, hitzaldiak, abesbatzak, etab.), kulturaren aldeko dinamika berriak sortuko lirateke eta kultura-sektoreko profesionalentzako lan-aukerak zabalduko lirateke. 200.000 euro
7

Boto Zk: 1509

LANDA UDALERRIETAN MUGIKORTASUNA HOBETZEKO AZTERLANA

Landa udalerrietan mugikortasun kolektiboa hobetzeko aukerei buruzko azterlanak honako helburua izango luke: prozesu parte-hartzaileen bitartez zeharkako irtenbideak diseinatzea, hartara gizarte kohesioa eta erresilientzia komunitarioa hobetzeko, ingurumen kostuak eta inpaktuak murrizteko, eta laguntzeko biztanleria finkatzen, turismoa sustatzen eta landa-eremuetako eta haien joan-etorrietako gaueko aisiako segurtasuna bermatzen. 200.000 euro
8

Boto Zk: 1447

KULTURA ETA ARKITEKTURA ONDAREA BIRGAITZEKO ETA KONTSERBATZEKO LERRO EKONOMIKOA ZABALTZEA

Gipuzkoan, gure kultura ondareko eraikin eta elementu asko ditugu, birgaitze-lanak egiteko inbertsioa behar dutenak. Jarduera honen bidez, gure ondarearen zati batek pairatzen duen egoera gainditzen lagunduko litzateke, beste diru-sarrera asko lortzen lagunduko luke, eta Gipuzkoako herritarrak lurraldean dagoen ondare-balioaz jabetzen lagunduko luke. 200.000 euro
9

Boto Zk: 1342

FAMILIA HARRERAGILEAK BILATZEKO PROGRAMA

Familia-harrera da neurririk egokiena familia-nukleotik bereizi behar diren eta babeserako erakunde publikoak babestu behar dituen adingabeak babesteko. Programa hori abian jartzeak aukera emango luke familia harreragileak erakartzeko estrategia iraunkor bat ezartzeko, herritarrak harrera-modalitate horren garrantziaz sentsibilizatzeko, eta gaur egun haur eta nerabe asko familia baten zain daudela jakinarazteko. 150.000 euro
10

Boto Zk: 1014

GAZTEEN AISIA LANTZEN GIPUZKOAKO UDALERRI TXIKIETAN

Proiektu honetan modu koordinatuan lan egingo da 1.000 biztanletik beherako Gipuzkoako 10 udalerrien sustapenean, eta helburu izango du pertsonak herritar aktibo bihurtzea eta herriarekiko loturak sortzea, indartzea, astintzea eta eragitea, horrela nerabeen aisialdi duin baterako eskubideak bermatzeko. 150.000 euro
11

Boto Zk: 903

BIZIKLETAK ADINIK EZ

Lagungarria da egoitzetan dauden adineko pertsonek ibilaldi terapeutikoak egitea boluntarioek gidatutako bizikletetan, hartara pertsona horien bakardade-sentsazioa murrizteko, gogo-aldartea eta ingurunearekiko interakzioa hobetzeko, eta familia-loturak eta belaunaldi arteko konexioa indartzeko. Zerbitzua adinekoen egoitza gehiagotara zabaltzeak ahalbideratuko luke esperientzia horren ondorio onuragarriak lurralde osoan zabaltzea. 75.000 euro
12

Boto Zk: 868

BELAUNALDIEN ARTEKO GIPUZKOAKO PROTOTIPOA

Legazpiko Udalak eta ADINBERRI Fundazioak, "espazio-prototipo" baten lehen jarduerak abiarazi nahi dituzte, belaunaldien arteko harremanak bateratzeko gai izango dena. Ondoren, prototipo horren eredua eta zerbitzuak gure lurraldeko hainbat herritara heda litezke. Jarduerak adin guztiei eta familia osoko kideei zuzenduta egongo lirateke: asistentzialak eta terapiak, sozialak eta bizikidetzakoak, ezagutzakoak, aisialdiko ekitaldi eta jarduerak, "kirol txikiak" edo barne-ariketak eta jarduera ekonomikoak. 200.000 euro
13

Boto Zk: 755

GIPUZKOA BIZIKLETAZ APP-AREN DISEINUA

GipuzkoaBizikletaz aplikazioak hauek izango lituzke: ibilbideak, ostatu zerbitzuak, bizikletak alokatzeko eta konpontzeko guneak, kultura eta turismo intereseko guneak, garraio publikoaren inguruko informazioa, gidak eta mapak, eta ibilbideen kalkulagailu bat. App horrek Gipuzkoako Bidegorrien Sareari buruzko informazioa hobetuko luke, dauden aukeren berri emanez, bai mugikortasunari dagokionez, bai turismoari, aisialdiari, kirolari eta osasunari dagokienez. 200.000 euro
14

Boto Zk: 713

GAZTEENTZAKO EUSKARAZKO IKUS-ENTZUNEZKO EDUKI DIGITALAK SUSTATZEA

9-14 urte bitarteko gazteei zuzendutako euskarazko ikus-entzunezko edukiak sortzean oinarrituko litzateke. Helburu hauek izango lituzke: gazteek aisialdian euskarazko edukiak gehiago erabiltzea, esparru digitalean euskarazko edukien kontsumoa sustatzea eta euskarazko ikus-entzunezko eduki digitalak sortzea. 200.000 euro
15

Boto Zk: 687

TEEN KANALA

Teen Kanala mugikorren bidez kontsumitzen diren edukiak sortzen dituen kanal bat izango litzateke, mezu "hezitzaileak" transmititzeko, nerabezaroa eta generoarekin lotutako balizko arriskuak kudeatzen laguntzeko (substantzien kontsumoa, sexualitatea, joko-apustuak, bullyinga, integrazioa …). Eduki horiek zabaltzeko mekanismoak sortzea hizkuntza eta estetika erakargarriak eta ausartak erabiltzea, eta komunikazioko profesionalen eta hezkuntzako adituen ezagutza eta talentua uztartzea. 150.000 euro
16

Boto Zk: 456

BIDEGORRIEN GENERO INPAKTUAREN AZTERKETA

Azterlan soziologiko bat egitea proposatzen da, emakumeek bizikleta-bideak nola erabiltzen dituzten jakin ahal izateko, eta, horrela, emakumeek eta neskatoek garraio hori gehiago erabil dezaten bultzatzeko jarduerak identifikatzeko, bai eta bizikleta sustatzeko ekintza-proposamenak egiteko ere, betiere genero ikuspegia kontuan hartuta eta erabilera modalaren banaketa orekatuago bat lortzen laguntzeko. 200.000 euro
17

Boto Zk: 349

ULER-SAIOAK ETA ULERRIZKETA ESPERIENTZIAK (ULERMEN ETA ULERMEN BABESTUKO SAIOAK)

Ulermen-saioen eta ulermen babestuko metodologia aplikatzea . Helburua da euskaraz ulertzen ez duten (edo oso gutxi ulertzen duten) pertsonek ahozko ulermena lortzea; horri esker, pertsona horiek ingurune naturaletako euskaldunen jarduera uler dezakete, oinarrizko komunikazio-moduetan. Horrek guztiak aukera eman lezake lurraldeko ia biztanle guztiek euskara ulertzeko oinarrizko maila bat lortzea gutxienez. Horrela, ahozko erabileran eragin nahi da, "euskaldun pasiboak" deritzenak biderkatuz. 200.000 euro
18

Boto Zk: 177

ARTISTA PLASTIKOEI OBRAK EROSTEA GORDAILUAREN BILDUMA OSATZEKO

Eskultore eta artista plastiko guztiei laguntzeko modurik eraginkorrenetako bat haien lana erostea da. Sarrera bat izateaz gain, bilduma publiko batean egotea ibilbide profesionalaren aintzatespena ere bada, eta, beraz, etorkizunerako aukera berriak ekar ditzake. Gainera, inbertsio hori eginez, Aldundiak bere bilduma osatuko luke, Gordailuan arte garaikidearen presentzia areagotuz. 200.000 euro

Erantsitako dokumentuak

GFAko 2021eko Aurrekontu irekien txostena PPT_mod.pdf

partaidetza