Gipuzkoako bilketa metatua % 9,7 igo da irailera arte, aurreko urtearekin alderatuta
2025eko lehen bederatzi hilabeteetan iazko aldi berean baino 358 milioi gehiago bildu dira
Prentsa oharrak
Prentsa oharrak
Gipuzkoa aurrera doa pertsona erdigunean jartzen duen zaintza-eredu batean, begirada asistentziala atzean utzita
2026an, zentro guztiek izango dute lehen diagnostiko bat eta ibilbide-orri pro-pio bat, eredu berri baterantz aurrera egiteko. Gauzatzeko plana datozen hilabeteetan hedatuko da lan-egutegi batekin. Horren arabera, aurkezpenak egingo dira, eskualdeka, lurraldeko eta egu-neko egoitza-zentro guztietan.
Gipuzkoak GILUR plataforma digitala jarri du abian nekazaritza erabilerarako lurren, azpiegituren eta ustiategien transakzioa errazteko
Plataforma Eusko Jaurlaritzak eta foru-aldundiek bultzatutako lehen sektoreko belaunaldien arteko errelebo-estrategiaren barruan kokatzen da. Gipuzkoako Foru Aldundiak, Etorlur sozietatearen bidez, aholkularitza ere emango du, bi aldeak harremanetan jarri eta kontratua formalizatzen laguntzeko.
Aldundiak irmoki gaitzetsi du Zarautzen gertatutako hilketa matxista, eta samina eta elkartasuna adierazi du
Eider Mendozak hurbiltasuna eta elkartasuna adierazi die biktimaren hurbilekoei, eta elkarretaratzeekin bat egiteko deia egin die herritarrei: “Emakumeen aurkako indarkeriak ez du lekurik gure gizartean, eta ez gara geldituko indarkeria desagerrarazi arte”.
Jasangarritasun Departamentuak eta Beasaingo Udalak Gipuzkoako District Heating publiko-pribatuaren lehen sarea inauguratu dute
Proiektuak Fundiciones del Estandako labeen hondar-beroa aprobetxatzen du Antzizar kiroldegia girotzeko, eta, horrela, energiaren % 60 aurreztea eta urtean 43 tona CO2 murriztea lortzen da.
Nagusilanek Bakardadeari buruzko Kontakizunen IV. Lehiaketa antolatu du
Lehiaketak adinekoen artean idazketa eta irakurketa sustatzea du helburu, baita herritarrak bakardadearen errealitateaz sentsibilizatzea ere. Lehiaketa 60 urtetik gorako pertsonei eta Nagusilaneko boluntarioei zuzenduta dago. Parte hartu nahi dutenek 2025eko azaroaren 14ra arte bidali ahal izango dituzte kontakizunak. Sari-banaketa 2025eko abenduaren 17an egingo da, Gipuzkoako Foru Aldundiaren Jauregiko Gunea espazioan.
«Ekonomiaren dinamismo onak posible egin du Gipuzkoak 2025erako diru-bilketaren hasierako aurreikuspenen betetze-maila gainditzea»
Aurreikusten da ezen, urtea ixtean, lurraldean 6.638 milioi euro bilduko direla. 2026rako % 5,3ko hazkundea espero da, 2025eko itxieraren aurreikuspenarekin alderatuta.
Familian zumba, kick boxing eta barre: 12 doako saio Garberan, Emakumeok Mugimenduan programaren barruan
Aurreko urteko arrakastaren ondoren, Foru Aldundiko Kirol Departamentuak eta merkataritza-guneak emakumeak kirol-jardueran inplikatzeko apustua berretsi dute, eta urrian eta azaroan dozenaka saio jasotzen dituen egitaraua diseinatu dute.
Jasangarritasun Departamentuak Konpromiso Urdina sinatzea bultzatu du eta Pasaia itsaso bizi eta etorkizun jasangarri baten epizentro bihurtu du
Gipuzkoako Foru Aldundiko Jasangarritasun Departamentuak Blue Ambassadors sarearen sorrera bultzatzen du, itsas plastikoen inbasioa geldiarazteko eta ozeanoen etorkizun jasangarria sendotzeko helburuarekin.
Lurraldebusen E30 linea finkatu da Gipuzkoako mugikortasunerako funtsezko zerbitzu gisa
Azahara Domínguez diputatuak adierazi duenez, Hondarribiko aireportuaren eta Donostiako erdigunearen arteko lotura zuzena bigarren urtez martxan izan da ekainaren 20tik irailaren 30era, eta 14.000 bidaiari baino gehiago izan ditu aurten, 2024an baino ia % 83 gehiago, argi erakutsiz zerbitzu erabilgarri eta irisgarria dela herritarrentzat.
Gipuzkoak nahi ez den bakardadea arintzea helburu izango duen Europako lehen plaza izango du
• Beasainen kokatua, ongizatea, autonomia eta gizarte-harremanak sustatzeko hiri-espazioaren eraldaketan erreferente bilakatuko da, bereziki adineko pertsonen eta belaunaldi ezberdinen artean. • Gipuzkoako Foru Aldundiak eta Adinberri Fundazioak bultzatutako ekimen honek Beasaingo Udalaren lankidetza izan du; era berean, EHUko zein Caviar-eko hogei ikertzaile eta ikasle baino gehiagoren parte-hartzea izan du. Era berean, elkarlanean garatu da akademiekin, herritarrekin, administrazioekin, hirugarren sektorearekin eta enpresekin.
Azpeitiko Epaitegiak berriz largetsi du AP-1 autobideko lanen inguruko lehen kereila
Eider Mendoza diputatu nagusiak konfrontazioa alde batera utzi eta politikan zintzotasunez jokatzeko eskatu dio EH Bilduri, hamar urtez baino gehiagoz bazter denak nahasten saiatu eta gero
Gipuzkoak zibersegurtasuna blindatzeko eta industria sarearen lehiakortasuna bermatzeko indarrak batu ditu ‘IndustrySec2025’ ekitaldian
200 pertsona baino gehiago bildu dira gaur Ficoban, ZIURek eta Gipuzkoako Foru Aldundiak antolatu duten lurraldeko zibersegurtasun ekitaldirik handienaren bosgarren edizioan
Mugikortasuneko, Turismoko eta Lurralde Antolaketako Departamentuak laguntza-lerro bat jarri du abian hiriguneak berreskuratzeko
Azahara Domínguez buru duen departamentuak 190.000 euroko partida bat du hiri-eremuak berreskuratzeko esku-hartzeak diruz laguntzeko, lurralde-kohesioari laguntzeko.
Azaroaren 12a: Re-Think Industry 2025 kongresuak Gipuzkoako ETE industrialak bilduko ditu eraldaketa eta lehiakortasuna bultzatzeko
Kongresuan izango dira erakundeetako buruak eta enpresetako erreferenteak, Cristina Garmendia eta Javier Aizpurua barne, ikuspegi estrategikoa eta teknologikoa emateko. Lau mahai-inguruk industriaren erronka handiei helduko diete: Adimen artifiziala, nazioartekotzea, barne-ekintzailetza eta partaidetzazko kudeaketa-eredu berriak.
Izeta sagardotegiak irabazi du XXIV. Gipuzkoako Sagardo Lehiaketa
Lehiaketaren edizio hau "Ipuskoa" hitzaren milagarren urteurrenaren barruan kokatu da, gure komunitatearen lehen erreferentzia idatzia. Testuinguru horretan Aldundiak aitortza egin dio Xabier Agoteri, lurraldearen historia berreraikitzen egindako ekarpenagatik.
Gobernu Kontseiluak Foru Arau Proiektua onartu du, tamaina handiko talde multinazionalen eta nazionalen gutxieneko zerga-ordainketa bermatzeko
Foru Arauaren proiektuak bere onuren % 15eko gutxieneko tributazio globala ezartzen du. Araua urtea amaitu baino lehen Batzar Nagusietan bozkatzea espero da.
OGP Euskadi 2025-2028 Plan berria, Gobernu Irekian aurrera egiteko eta Euskadin kalitate demokratikoa indartzeko
OGP Euskadi 2025-2028 III. Ekintza Planaren helburua gobernu irekiaren printzipioetan aurrera egiten jarraitzea da: gardentasuna, integritatea, kontuak ematea, politika publikoen ebaluazioa, gobernantza kolaboratiboa eta parte-hartzea. Hirugarren planak 4 konpromiso berri jasotzen ditu, eta EAEko erakundeek eta gizarte zibileko eragileek gidatutako proiektuen bidez gauzatuko dira
Volkswagenek MUBIL bisitatu du mugikortasun jasangarrirako lankidetza aukerak aztertzeko
Jardunaldi horrek industriaren eta etorkizuneko mugikortasunerako berrikuntza zentroen arteko lankidetza indartuko du.
Jasangarritasun Departamentuak finantzaketa berdearen arloko prestakuntza sustatzen du, Gipuzkoako enpresen hazkunderako eta lehiakortasunerako palanka gisa
Lurraldeko 145 eragile ekonomiko baino gehiago sarean ari dira lanean GK Recycling klusterraren bidez, ekonomia zirkular lehiakorra eta berritzailea bultzatzeko.
Basotik Fundazioak basoak eta txirrindularitza uztartuko dituen jaialdia antolatu du Deban
Urriaren 25ean gazteak eta txirrindularitza maite duten pertsonek I. Basotik Txirrindulari Festan parte hartzeko aukera izango dute. Ekimena Basotik Fundazioak basoek gure ongizatean duten eragina gizarteratzeko helburuaren baitan kokatzen da; besteak beste, bertan izango dira Laboral Kutxa – Euskadi Fundazioko txirrindulari profesionalak.
Jasangarritasun Departamentuak Blue Expedition ekimena bultzatuko du, itsas plastikoen inbasioa geldiarazteko Europako kanpaina, Pasaian hasiko dena
Blue Expedition ekimenak geldialdia egingo du Pasaian, Santanderren eta Avilesen, herritarrak sentsibilizatzeko eta itsas eragileak itsasoaren defentsan aktibatzeko jarduera-programa komun batekin.
Eider Mendoza: “Komunitatearen lokarriak eten ez daitezen lan egin behar dugu, lehentasunezko erronka da”
Komunitatea eta demokrazia: etorkizun ikuspegia Gipuzkoatik jardunaldia antolatu dute Donostian, hainbat adituren partaidetzarekin, Ipuskoa 1025-2025 milurtekoaren egitarauaren barnean. Diputatu nagusiak iragarri du Foru Aldundiak, hainbat alorretako eragile eta herritarrekin elkarlanean, komunitatea indartzeko estrategia integrala landuko duela.
‘Nagusilan Animazioa’: artea, boluntariotza eta adineko pertsonak konektatzen dituen gizarte berrikuntza
• Gipuzkoako Foru Aldundiak, Nagusilanek eta Kutxa Fundazioak aurkeztu dute gaur erreserba digitaletarako plataforma bat, eguneko zentroek, egoitzek eta beste gizarte-baliabideak aukera izan dezaten musika, antzerkia eta beste diziplina artistikoetako emanaldietara gerturatzeko. • Aurkezpena borobiltzen duen lema berria ere aurkeztu da gaurkoan: “Zure artea, euren irribarrea. Egin bat Nagusilaneko boluntariotzarekin”.
Lankidetza Departamentuak eta Mestiza Elkarteak doako 1.000 liburu pakete banatuko dizkiete Gipuzkoako 9 herritako eskolaurreko ikasleei Bookstart proiektuaren bidez
"Irakurri, hitz egin, abestu eta jolastu" lelopean, Bookstart Euskadi-Gipuzkoa programaren laugarren edizioa aurkezten da. Irakurzaletasuna sustatzeko doako programa da, eta urtero euskarazko, gaztelaniazko eta ingelesezko liburuak ematen dizkie 0 eta 3 urte bitarteko haurrei, eta 5 urtera artekoei, biztanle gutxiko eremuetan. Hala, aurten, Ataunek, Idiazabalek eta Legorretak bat egingo dute Alkiza, Larraul, Lasarte-Oria, Ordizia, Orio eta Urnietako udalerriekin, non dagoeneko abian dagoen ekimena.
“Gipuzkoa jauzia egiten ari da anbizioan eta horri eutsiko diogu: komunitatearen kohesioa indartuz eta aukerak eskaintzen dituen lurralde gisa finkatuz”
Munduan “ziurgabetasuna” hedatzen ari den honetan, Eider Mendoza diputatu nagusiak “elkarlanera” eta “akordioak lortzera” dei egin die oposizioko batzarkide taldeei, BNetako Politika Orokorreko bilkuran. Etorkizuneko zaintza beharrei begira, ekipamendu berrietarako inbertsioak gauzatzeko sozietate publiko berria sortuko duela iragarri du diputatu nagusiak, “gaurko eta biharko gipuzkoarren ongizate integrala bermatzeko”. Ukrainako inbasioaren eta Gazako genozidioaren biktimak izan ditu gogoan Mendozak eta sarraskia eteteko eskatu dio Israelgo gobernuari.
Kultura Departamentuak eta Terrorismoaren Biktimen Oroimenezko Zentroak bat egin dute ‘Cómo contar la historia’ jardunaldiak antolatzeko
Goizane Alvarez Kultura diputatuak azaldu duenez, ekimenaren helburua kontakizun historikoari heltzea da, “hiru ardatzetatik: ikerketa historiografikoa; kazetaritza, memoria eta testigantza pertsonala, eta fikzio literarioa”. Egitarauak hiru ponentzia izango ditu, eta horietako bakoitza Donostian zein Gasteizen egingo da urrian zehar.
"Gipuzkoa Zaindu" jardunaldiak krisi klimatikoa eta osasun mentala lotu ditu, eta ekoantsietatea ekintza positibo bihurtzeko deia egiten du
Gipuzkoako Foru Aldundiko Jasangarritasun Departamentuak medikuntzan, psikologian, elikaduran, haurtzaroan, landa-komunitateetan eta artean adituak diren dozena bat pertsona bildu ditu krisi klimatikoaren inpaktu emozionalei nola aurre egin eztabaidatzeko.
Urriaren 4an Donostian ospatuko da Aspace Eguna 2025, ‘Mugarik gabeko inklusioa’ lemapean
Donostiako Orfeoiak, Musikenek eta Euskadiko Orkestrak jasoko dute Aspalagun 2025 Saria, urriaren 4an, Zuloaga Plazan. Aspace Egunean izango dira baita ere martxa, bazkaria eta adin guztietarako jarduerak, tartean musika, karaokea, puzgarriak eta zozketa ugari.
Mugikortasuneko, Turismoeko eta Lurralde Antolaketako diputatua, Azahara Domínguez, Errenteriako Don Bosco LHko zentroan izan da, iaz Lanbide Heziketako ikastetxeetara egindako bisita-txandari jarraipena emanez
Diputatuak Mugikortasun Seguru eta Iraunkorrerako Prestakuntzako Goi Mailako Gradua eskaintzen duen Errenteriako zentro hau bisitatu du. Bileran bilera bat egin da ikastetxeko arduradunekin, irakasleekin eta ikasleekin.
Jasangarritasun Departamentuak eguzki-energiaz argiztatuko du Ikaztegieta eta Legorreta arteko bidegorria, Gipuzkoa seguruago eta deskarbonizatuago baterantz aurrera egiteko
Jarduketa 133.500 euroko inbertsioarekin finantzatu du Jasangarritasun Departamentuak, eta jarraipena ematen dio Alegia – Ikaztegieta tarteari. Bidegorri-sare gero eta konektatuagoa, seguruagoa eta irisgarriagoa da eskualdean.
Gipuzkoako Foru Aldundiak gizarte-berrikuntzako proiektuetarako dirulaguntzen 2025-20226 deialdia ireki du, Zaintza Herrilab estrategiaren esparruan
Zainketa eta Gizarte Politiketako Sailak 1,29 milioiko aurrekontua bideratuko du zainketan proiektu berritzaileak bultzatzeko. Maite Peñak azpimarratu duenez, "Zaintza HerriLab estrategia aitzindaria da, eta Gipuzkoako zainketa-eredua eraldatzen ari da. Laguntzaren helburuetako bat da lurralde osora eskalatzea, lankidetza eta berrikuntza sozialerako modu berriak bultzatuz”.
Gipuzkoak 300 profesional inguru formatu ditu mendekotasuna duten adinekoak beren etxeetan zaintzeko
Aldundiak eta ADINBERRIk doako prestakuntza-programaren hirugarren edizioa aktibatu dute ADINPRESTen esparruan, helburu batekin: zaintzaileek profesionaltasun ziurtagiria izatea Laguntza Pertsonalerako Prestazio Ekonomikoaren (LPPE) esparruan lan egin ahal izateko.
ADEGIk bultzatutako automobilgintzaren sektoreko ikaskuntza-komunitateak lan-saio bat egin du MUBILen
Egindako bileran sektorearen ikuspegia partekatu da, ezagutzaren trukea bultzatu da eta egungo mehatxuak eta aukerak identifikatu dira.
Jasangarritasun Departamentuak ‘GK Kantauri Itsasoa’ aktibatu du, Kantauri itsasoa berrikuntza, enplegu eta etorkizun bihurtuko duen aliantza urdin handia
40 gizarte-, enpresa-, zientzia- eta erakunde-eragilek baino gehiagok bat egin dute Kantauriko Aliantza Urdin handiarekin, Gipuzkoatik Arku Atlantikoaren trantsizio ekologikoaren buru izateko.
Mugikortasuneko, Turismoko eta Lurralde Antolaketako Departamentua Retina Gipuzkoa Begisarerekin lankidetzan ari da berriro, ikusmen-desgaitasuna duten pertsonen inguruko sentsibilizazioa sustatzeko
Azahara Domínguez diputatuak, Ana Grijalba Retina Gipuzkoa Begisareko presidenteordeak prentsaurrekoa eskaini dute datozen egunetan Lurraldebuseko autobusetan egingo den kanpainaren berri emateko. Miren Rodríguez Munduko begiak Fundazioaren Euskadiko koordinatzaileak ere parte hartu du. Kanpaina hau Erretinaren eta Ikuskeraren Munduko Egunak direla eta abian jarritako ekimenen barruan dago
1,5 milioiko programa berri batek lagunduko die Gipuzkoako ETEei ekonomia berderako trantsizioan
Gobernu Kontseiluak gaur onartutako ekimenak diruz lagunduko ditu baliabideak optimizatzeko eta enpresen lehiakortasuna indartzeko ekipamenduak ordezten dituzten proiektuen % 50
Mugikortasuneko, Turismoko eta Lurralde Antolaketako Departamentuak dirulaguntzak emango dizkie udal hirigintza-plangintzan aurrera egiteko laguntzak eskatu dituzten udalerri guztiei
Azahara Domínguez diputatuak jakinarazi duenez, Alkiza, Altzaga, Amezketa, Ataun, Baliarrain, Gaintza, Getaria, Larraul, Lizartza, Mutiloa, Orio eta Orexa izango dira laguntza horien onuradunakk Laguntza hauel 7.000 biztanletik beherako herriek beren plangintzan iraunkortasuna, hiri-berroneratzea edo klima-aldaketa, besteak beste, jorratu ahal izatea eta, horrela, 2006ko lurzoruaren euskal legea betetzea helburu dute.
Gipuzkoak bere industriaren sendotasuna agerian utzi du EMO Hannover 2025 azokan, berrikuntza eta lidergoa erakutsi dituzten 20 enpresarekin
“Funtsezkoa da gure enpresen lehiakortasuna babestea, inoiz baino gehiago”, adierazi du Eider Mendoza diputatu nagusiak, eta azpimarratu du makina-erremintaren sektoreak paper gakoa duela Gipuzkoaren ekonomian eta ongizatean.
José Ignacio Asensio, Jasangarritasun diputatua, Ataungo alkatearekin bildu da udalerrian energia-komunitate herritarra sortzea bultzatzeko
Ataunen, Jasangarritasun Departamentuak sendotu egin du Gipuzkoako trantsizio energetikoan duen lidergoa, udalerrian energia-komunitate bat sortzea sustatuz, energia demokratizatzeko, faktura merkatzeko eta gizarte-kohesioa indartzeko funtsezko tresna gisa.