Baso laguntzak

Gipuzkoako Foru Aldundiaren Landa Garapeneko Departamentuak baso laguntzetarako deialdi bat egiten du urtero, Gipuzkoako mendien eginkizun ekonomiko, ekologiko eta sozialak mantentzeko eta garatzeko ekarpen iraunkorra egin ahal izatearren. Laguntza horietako batzuek Landa Garapenerako Europako Nekazaritza Funtsaren (LGENF) finantzaketa ere badute.

Aurtengo deialdiak helburu hauek bultzatu nahi ditu: baso sektorea jarduera ekonomiko bezala suspertzea, baso osasuna hobetzea, sektorea gaztetzea, baso sailen abandonoa ekiditea, kudeatutako basoak izatea eta baso ustialekuen gutxieneko dimentsioa gehitzea.

Laguntza-lerro nagusiak honakoak dira:

  • Baso kudeaketa iraunkorreko plan teknikoak idaztea
  • Basoak kontserbatzeko eta hobetzeko lanak (sasi-garbitzea, inaustea, bakantzea,...)
  • Baso-pistak eraikitzea eta hobetzea
  • Basoberritzea
  • Mugaketak eta mendi mugarriztatzeak
  • Gaixotasunek kaltetutako zuhaitz mozketak
  • Baso sailen jabetzaren trasmisioa bultzatzea

Laguntza-ildo bakoitzerako baldintzak Gipuzkoako Aldizkari Ofizialeko ondorengo estekan contsulta daitezke.

Laguntza guztien kasuan bete beharreko baldintza bat sailak Nekazaritza Ustialekuen Erregistroan jasota edukitzea da.

Laguntza eskaera nekazaritzako lurralde bulegoetan egin behar da, baso ustiategiaren kokapenari dagokionean alegia. Bulegoak, zehazki, honakoak dira: Eskualdeko Nekazaritza Bulegoak (ENB).

Laguntzen laburpen agiria: