Lurzoru hobetzaileak eta laborantzarako substratuak

Arlo honetan lagin mota horien analisi zehatzak egiten dira, Normalizazioko Batzorde Europarraren (CEN) arau teknikoen arabera (zentro honek arau horien eraketan parte hartu du). Analizatzen dira baita konpost, simaurra eta, oro har, hobetzaile eta ongarri organiko bezala erabilitako mota guztietako laginak ere (produktu ongarrien gaineko 506/2013 Errege Dekretua).

Material hauek aplikazio desberdinetan erabil daitezke, eta globalki hurrengo kategorietan elkartu ohi dira:

  • Hobetzaile organikoak, textura mota guztietako lurzoruetan zabalduta onuragarriak izan ohi direnak: bai lurzoru ondartsuetan (ur eta elikagaien erretentzio gehikuntza) eta baita lurzoru buztintsuetan ere (porositate, aireztapen eta iragazkortasunaren gehitzea).
  • Ongarri organikoak, erabat edo partzialki ongarri mineralak ordezka ditzaketenak, aldi berean lurzoruari materia organikoa humifikatua emanez, bere ezaugarri fisiko eta biologikoak, zuzenketa organikoak bezala, hobetuz.
  • Laborantzarako substratuak, loreontzietan, jardineratan, edo beste edozein edukiontzi motatan erabiltzen direnak landareak landatzeko.

     

2010eko uztailaren 14ean laborantzako substratuei buruzko 865/2010 Errege Dekretua argitaratu zen eta bertan Fraisoro Ingurumen eta Nekazal Laborategia laborantzako substratuen analisi fisikoak egiteko Erreferentziako Laborategi Nazional izendatzen da.

Laborantzarako substratuetan (zohikatza, enbor azala eta antzekoak), normalean, propietate fisikoen inguruan egiten dira saiakuntzak (porositatea, aireztapena, ur-euspena, etab.), emankortasunaren inguruan baino gehiago, horiexek baitira kalitate irizpideek kontuan hartzen dituztenak. Hobetzaile organikoetan, aldiz, parametro garrantzitsuenak ongarritze gaitasunarekin lotutakoak dira. Arlo honetan aztertzen dira baita ere konpostak eta beste hainbat material (hondarra, enbor azala, perlita...), bai substratu moduan, bai hobetzaile moduan, aurreikusitako funtzioaren arabera.

Fraisoroko Laborategiak ENACkek emandako 434/LE857 zk. egiaztapena du, egiaztapen zerrenda kontsultatu ahal izateko, ikus ENAC-en web orria.

Eskaera-orria

Analisiaren eskaera egin aurretik argibideak behar izanez gero, laborategiarekin harremanetan jarri behar da, lagin hartzea oso desberdina izan baitaiteke, baita egin beharreko analisi mota ere

Laginen bidalketa

Lagin-hartzea (gutxieneko kantitatea):

Analisi fisikoak behar badira 20 bat litroko gutxieneko bolumena beharko da; soilik kimikoak diren analisietarako berriz, nahikoak dira 5 litro. Gehiegizko bolumen duten laginak ere ez dira onartuko, ez baitago azpilaginketa egokia bermatzerik.

Ontzia:

Lagin bakoitza egoki identifikatu eta gogoratu EZ SARTU PAPEREZKO ETIKETAK POLTSEN BARRUAN.

Laginak modu egokian mantentzeko baldintzak:

ez da gordetzeko baldintza berezirik behar.

Laborategian laginak uzteko egunak:

Astelehenetik ostiralera (8.00etatik 14.30etara)

Analisien interpretazioa

Artikuluak