EKONOMIA SUSTAPENA ETA BERRIKUNTZA

Gipuzkoa lurralde lehiakorra, adimentsua, orekatua eta sortzailea da, aberastasunaren sorrera jasangarria, pertsonen ongizatea eta herritarren bizikidetza bermatzen dituena. Hala, lurraldearen eredu sozio-ekonomikoa bere industriaren sendotasunean oinarritzen da.

Gaur egun, Gipuzkoako Foru Aldundiaren helburu nagusietako bat da ekonomiaren susperraldiari eustea, enpresen lehiakortasuna sendotuta. Gipuzkoako enpresa ehuna eraldatzen lagundu nahi dugu, lehiakorra, dibertsifikatua eta presentzia globala duen enpresa eredu baterantz egiteko, enpresa portaera lehiakorrak sustatuz (berrikuntza, nazioartekotzea eta lankidetza), kalitatezko enpleguaren eta pertsonek enpresa proiektuan protagonista gisa parte hartzearen aldeko apustua eginez. Horrela lortuko baitugu, herrialde eta lurralde gisa, gure industria eta ekonomia politikaren identitate ezaugarriak indartzea.

Era berean, Gipuzkoa jakintzan eta berrikuntzan oinarritutako ekosistema bat da, inbertsio tasa handiak ditu I+Gn, eta lurraldeko hainbat enpresa I+Gn gehien inbertitzen duten Europako enpresen artean daude. Horri guztiari eusteko, lurraldeak Zientzia, Teknologia eta Berrikuntzako Sistema konplexu eta osatua du, jakintza metatzeko estrategiari erantzuten diona, baina balio ekonomiko eta sozial handiagoa sortzeko nahitaezkoa da jakintza horren transferentzia optimizatzea eta indartzea.

Ekonomia Sustapeneko, Landa Inguruneko eta Lurralde Orekako Departamentuak gure enpresen eta ikerketa zentroen esku jartzen ditu zenbait programa, deialdi, baliabide eta ekimen. Horiek guztiak webgune honetan kontsulta daitezke. Gure konpromisoa eta zeregina da, hain zuzen ere, lanean jarraitzea Gipuzkoa gero eta lehiakorragoa eta berritzaileagoa izan dadin.

  • ORAIN INDUSTRI4.0

    Gipuzkoa 4.0 Fabrikazio Aurreratuko Sarea elkarlanean oinarritutako programa berritzailea da. 4.0 industria produkzioan aritzen diren enpresa eta zentro gipuzkoar garrantzitsuenen esperientzia arrakastatsuak Gipuzkoako enpresa txiki eta ertainei ezagutaraztea du helburu.

    Ezagutu itzazu kasu hauek eta parte hartu.

  • ORAIN FINANTZIAZIOA

    Ekonomia Sustapeneko departamentuak eta Elkargi SGR-k sinatutako hitzarmenari esker, Gipuzkoako enpresa txiki eta ertainek beren eraldatzea eta garapenerako proiektuak garatu ahal izateko finantziazio bide berri bat aktibatu da.

Departamentuaren aktualitatea

+