Azken Albisteak
Mugikortasuneko, Turismoko eta Lurralde Antolaketako departamentuak Lurraldebusen gaueko zerbitzu bereziak jarriko ditu ostiral eta larunbat honetan Urretxuko Santa Anastasia jaiak direla eta Urretxu
Azahara Dominguezek jakinarazi duenez, ostiralean eta larunbatean, hilak 20 eta 21, autobusak egongo dira orduro 23:30etik 5: 30era Legazpitik (S. Telleria), eta 20 minutu geroago iritsiko dira Zumarragara (Renfe). Alderantziz, Zumarragatik irteerak orduro izango dira, 0: 00etatik 6: 00etara. Gainera, larunbatean zerbitzu bereziak izango dira Bergaratik 23:30ean, 0: 30ean 1: 30ean, 2: 30ean eta 5: 00etan, eta honako ibilbide hau egingo dute: Antzuola (23:40, 0:40, 1:40, 2:40 eta 5:10), Zumarraga (23:55, 0:55, 1:55, 2:55 eta 5:25), Beasain (3:10 eta 5:40) eta Ordizia (3:25 eta 5:55). Zumarragatik, berriz, 0: 00etan, 1: 00etan, 2: 00etan, 4: 00etan eta 6: 30ean irtengo dira Antzuolatik 15 minutu geroago, eta 0: 25ean, 1: 25ean, 2: 25ean, 4: 25ean eta 6: 55ean iritsiko dira Bergarara. Era berean, beste bi irteera izango dira Ordiziatik 3: 30ean eta 6: 00etan. Beasaindik 3: 45ean eta 6: 15ean igaroko dira, ondoren Zumarragara joateko
Mugikortasuneko, Turismoko eta Lurralde Antolaketako diputatua, Azahara Domínguez, Irungo Emakumeen Etxea elkarteko ordezkariekin bildu da Lurraldebuseko indarkeria matxisten aurkako protokoloan aurrera egiteko
Lurraldebuseko autobusetan indarkeria matxisten aurkako lehen protokoloa abian jartzeko Mugikortasuneko, Turismoko eta Lurralde Antolaketako Departamentua egiten ari den kontaktuen esparruan egin da topaketa. Honen helburua da emakume horiek eremu guztietan, baita Garraio publikoan ere, benetako berdintasuna lortzeko borrokan duten ikuspegia eta esperientzia txertatzea da
Pasaiako motorak sei hilabete bete ditu Mugi sistemaren barruan, eta martxotik abuztura bitartean 134.436 bidaia ordaindu dira txartel horrekin
Denbora-tarte horretan egin diren 257.431 bidaien % 52,2a da hori.