Albisteak

MUBILek bere hazkunde-estrategia aurkeztu du lehen urteurrenean, eta sektoreko enpresen hazkundera bideratutako eraikin berri baten sorrera iragarri du; 7,5 milioi euroko inbertsioa izango duena. Eider Mendozak adierazi du zentroa martxan jartzeak "aurreikuspen guztiak" gainditu dituela, eta ziurtatu du instalazio berriek "industriaren eta ekonomia berriaren sorkuntzaren zerbitzura dagoen ahalmen eraldatzailea" handituko dutela.

Ordezkaritza Gipuzkoako Ganberak, Foru Aldundiak eta lurraldeko 20 enpresak osatzen dute, eta Casablanca eta Tangerren jarraitzen du, harreman estrategikoak eginez eta Renault eta Irizar trakzio enpresak bisitatuz.

Ordezkaritza Casablanca eta Tanger-Kenitran izango da apirilaren 27tik 30era bitartean, Marokoko industria polo nagusietako bi, Gipuzkoako enpresentzat negozio aukerak sustatzeko. Zenbait sektoretako Gipuzkoako 20 enpresak hartzen dute parte, Gipuzkoako Foru Aldundiko eta Gipuzkoako Ganberako ordezkariekin batera.

Ekitaldian ikasleak, enpresak eta ekosistemako eragileak elkartu dira MUBIL Centerren, mugikortasunaren arloan talentua bultzatzeko. Euskadi guztiko Formula Student eta MotoStudent taldeek beren gaitasun teknikoak eta profesionalak aurkeztu dizkiete sektoreko enpresei. Eider Mendozak ekimen horien garrantzia azpimarratu du, kalitatezko enplegua eta ongizatea sortzeaz gain, lurraldeko indarguneetan oinarritutako balio handiko sektoreak sustatzen dituztelako eta gazteei ateak irekitzen dizkietelako.

Diputatu nagusia lurraldeko enpresa nagusiekin elkartu da gaur, arlo horretako enpresen nazioarteko erronkak eta lehiakortasuna aztertzeko. Gipuzkoak ordezkaritza zabala du WindEurope Europako azoka eoliko handienean: lurraldeko 13 enpresa daude sektoreko erakusleiho nagusian.

"Ezarri eta Inzu bezalako enpresa eta talde sendoak ezinbestekoak dira Gipuzkoaren lehiakortasun eta egonkortasunerako", azpimarratu du Eider Mendoza diputatu nagusiak. Aldundiak Gipuzkoako ekonomiaren eragile diren enpresengandik gertu egoteko eta haiekin batera lan egiteko konpromisoa berretsi du.

Eider Mendoza diputatu nagusia buru izan duen lan topaketan, bertatik bertara ezagutu dute osasunaren arloan teknologia kuantikoak aplikatzeko ekimen honen garapena.

Imanol Pradales Lehendakariak eta Eider Mendoza Gipuzkoako diputatu nagusiak inauguratu dute Europa hegoaldean erreferente den hitzordu honen 5. edizioa. Aurtengoan, 110 enpresak parte hartzen dute, eta gero eta profil industrialagoa eta nazioartekoagoa dute. Lehendakariak mugikortasun jasangarriaren industriaren euskal sektorearen sendotasunean konfiantza izateko eta aukera-unea aprobetxatzeko eskatu du.

Elkarri lotutako bost laborategiek fabrika aurreratu baten ziklo osoa erreproduzitzen dute, profesionalen prestakuntza benetako baldintzetan sustatzeko. Danobaten dBOT robota doitasun handiko soluzio aurreratua da, robotikan orain arte ikusi gabeko teknologia integratzen duena, eta robotikan esperimentatzeko eta ikasteko erreferentziazko gune gisa kokatzen da.

Europako hegoaldeko mugikortasun jasangarriari buruzko azoka profesionalak gero eta parte-hartze handiagoa du; halaber, haren industria profila indartu egin du, eskaintza anitzagoa eta espezializatuagoarekin

Planak 32 milioi euroko aurrekontua du eta 39 laguntza lerro ditu, eta helburua da Gipuzkoako enpresa sarearen lehiakortasuna indartzea egungo erronka ekonomiko eta geopolitikoen aurrean. Planak zazpi jarduera eremu ditu enpresei eraldaketa teknologikoan, hazkundean edo kanpo proiekzioan laguntzeko, besteak beste.

Gipuzkoako diputatu nagusia makina-erremintaren alorreko enpresa eta eragileekin elkartu da gaur Barakaldoko BECen, aste honetan egiten ari den Biurtekoan

Foru Aldundiak indartu egiten du nazioarteko talentu zientifikoa erakartzeko eta Gipuzkoan finkatzeko apustu estrategikoa. Fellows Gipuzkoa programaren 2026ko deialdi berria onartu da, 480.000 eurokoa.

Gutierrezek zuzendaritza hartu du, Gipuzkoako Foru Aldundiak sustatutako proiektuaren arlo teknikoaren buru bost urtez izan ondoren. Unai Andueza MUBILeko presidenteak, MUBIL Europako erreferente gisa sendotzeko Igor Villarrealek orain arte egindako lana baloratu du.

Industriarako osagaiak industrializatu, produzitu eta muntatzeko gaitasun aurreratuak integratzen ditu, zenbait teknologia kontuan hartuta, eta Debagoienean desgaitasuna duten eta egoera zurgarrian dauden pertsonentzako kalitatezko enplegua sortuko du.

CAF, Iberdrola, Irizar, Mondragon, IBIL, Basque Energy Cluster eta ESERGUI enpresek, MUBILekin batera, Euskadiko mugikortasun jasangarriaren estrategia indartu dute. “Enpresa-ekosistema sendo eta espezializatua izatea funtsezkoa da Euskadik mugikortasun jasangarriaren arloan duen lehiakortasuna eta lidergoa indartzeko”, azpimarratu du Unai Anduezak.

Gipuzkoako ordezkaritzak, Ekonomia Sustapenaren eta Proiektu Estrategikoen diputatua buru duela, zientzia aurreratuan oinarritutako transferentzia teknologikoari buruzko nazioarteko foro nagusietako batean parte hartu du. Topaketan parte hartzea Gipuzkoak duen estrategiaren barruan kokatzen da mugako teknologiak bultzatzeko, arlo publikoaren eta pribatuaren arteko lankidetza sustatzeko eta balio erantsi handiko ekosistema berritzaile bat finkatzeko.

Programa lurraldeko eskualde guztietara iritsi zen, eta benetako eragina izan zuen Gipuzkoako ehun ekonomikoan. 31 milioi euro baino gehiago bideratu ziren talentura, ekintzailetzara, berrikuntzara, digitalizaziora, lehiakortasunera, sustapen ekonomikora eta jasangarritasunera, Gipuzkoako garapen ekonomikoa indartzeko.

Abenduaren 15ean eta 16an, startupek beren proiektuak aurkeztu eta defendatuko dituzte Donostian, eta, amaitzeko, "milia kuantikoaren" berrikuntza ekosistema bisitatuko dute. Unai Andueza diputatuaren arabera, "enpresak sortzeko programak eta ordenagailu kuantikoaren instalazioa Gipuzkoan gertatzea ez da kasualitatea, baizik eta sektore berriak garatzeko eta berrikuntza indartzeko aurre hartze estrategia baten emaitza".

500.000 euro 2026an Gipuzkoako ETEen nazioartekotzea bultzatzeko. Hitzarmen honekin, Gipuzkoak berresten du enpresa-sare lehiakor, munduari irekia eta ekonomia globalaren erronkei aurre egiteko prestatuta dagoenari babesa emateko duen konpromisoa.

Jardunaldian 150 parte-hartzaile baino gehiago elkartu dira, adituen, erakundeetako ordezkarien, enpresen eta Gipuzkoaren etorkizunean interesa duten herritarren artean. Komunitatearen, lehiakortasunaren eta garapen inklusiboaren inguruko esperientzia eta analisia partekatu dute Stephan Garellik (Lausanako Unibertsitatea), Josu Ferreirok (UPV/EHU), Sarah Chaytorre (University College London) eta ORKESTRAko eta Deustuko Unibertsitateko ordezkariek

650 profesional baino gehiagok parte hartu dute kongresuan, non adimen artifizialak, nazioartekotzeak, barne-ekintzailetzak eta partaidetzazko kudeaketa-eredu berriek enpresen lehiakortasuna nola sustatu dezaketen aztertu den. Eider Mendozak enpresa txiki eta ertainak “berrikuntzaren trenera igotzera” animatu ditu, lehiakortasunean aurrera egin dezaten.

Eider Mendoza diputatu nagusiak lan bilera egin du gaur Kanadako ordezkaritza batekin; Kanadako lehen ministroaren Europarako ordezkari berezia, Stephane Dion, izan da kanadiar delegazioaren buru

Sei herrialdetako –Estatu Batuak, Kanada, Italia, Herbehereak, Alemania eta Errumania– 19 startupek parte hartuko dute programaren lehen saioan, Calgaryn. Startup, mentore zientifiko eta inbertitzaile globalak Calgaryn bilduko dira, enpresa-belaunaldi berriaren garapena bizkortzeko.

Ekitaldiak 600 profesional baino gehiago bildu eta 100 hitzalditik gora eskainiko ditu hiru egunetan. Hitzorduak indartu egiten du Gipuzkoak berrikuntzan, digitalizazioan eta industria-teknologia aurreratuetan duen lidergoa.

200 pertsona baino gehiago bildu dira gaur Ficoban, ZIURek eta Gipuzkoako Foru Aldundiak antolatu duten lurraldeko zibersegurtasun ekitaldirik handienaren bosgarren edizioan

Kongresuan izango dira erakundeetako buruak eta enpresetako erreferenteak, Cristina Garmendia eta Javier Aizpurua barne, ikuspegi estrategikoa eta teknologikoa emateko. Lau mahai-inguruk industriaren erronka handiei helduko diete: Adimen artifiziala, nazioartekotzea, barne-ekintzailetza eta partaidetzazko kudeaketa-eredu berriak.

Jardunaldi horrek industriaren eta etorkizuneko mugikortasunerako berrikuntza zentroen arteko lankidetza indartuko du.

Egindako bileran sektorearen ikuspegia partekatu da, ezagutzaren trukea bultzatu da eta egungo mehatxuak eta aukerak identifikatu dira.

“Funtsezkoa da gure enpresen lehiakortasuna babestea, inoiz baino gehiago”, adierazi du Eider Mendoza diputatu nagusiak, eta azpimarratu du makina-erremintaren sektoreak paper gakoa duela Gipuzkoaren ekonomian eta ongizatean.

Programaren lehen edizioa 2025eko irailaren 30ean hasiko da, eta helburu du nazioarteko bokazioa duten adimen artifizialeko oinarri zientifiko-teknologikoko startupak bultzatzea. CDL-Donostia San Sebastián AI for Startups 2025 programak mentoretza estrategikoa, sare globaletarako sarbidea eta ikerketak enpresa-proiektu eskalagarri bihurtzeko laguntza egituratua eskainiko ditu.

330.000 euro jarduera zientifikoetarako eta 170.000 euro Emakumeak eta Zientzia programarako. Unai Andueza, Ekonomia Sustapeneko eta Proiektu Estrategikoetako diputatuak nabarmendu du: “DIPCk indartu egiten du zientzian eta berrikuntzan erreferentziazko lurralde gisa Gipuzkoak duen posizioa”

Azken urtean garatutako ekintzek indartu egin dute enpresek merkatuak dibertsifikatzeko eta arrisku globalei aurrea hartzeko duten gaitasuna. Gipuzkoako Foru Aldundia eta Gipuzkoako Ganbera hitzarmen berria prestatzen ari dira; laster sinatuko da, eta nazioartekotzeari bultzada ematen jarraitzea izango du helburu.

CDL-Donostia zentroak bat egingo du nazioarteko CDL Quantum programarekin, eta adimen artifizial (AA) kuantikorako eta hizkuntza naturalaren prozesamendurako CDL AA korronte bat jarriko du abian; alde batetik, IBMren System Two ordenagailu kuantiko iritsi berria osatzeko eta, bestetik, teknologia sakonak Europan merkaturatzeko nodo gisa Gipuzkoaren ekimena haziarazteko.

CAFek, Irizarrek, Iberdrolak, Eserguik, Petronorrek, Mondragon Korporazioak eta Energia Klusterrak osatzen dute MUBILekin batera mugikortasun jasangarriaren nukleo estrategikoa. Aholku Batzorde berria 2028ko Plan Estrategikoaren aurkezpenarekin hasi da; plan horrek lurraldea Europako erreferente bihurtuko du berrikuntzan eta mugikortasun adimendunean.

Nazioartekotzea, hazkundea eta lehiakortasuna: Gipuzkoako mugetatik kanpo aukera berriak bilatzea xede duen misio baten ardatzak. Irizar, Reiner, TTT eta Tecnipesa, Gipuzkoako ehunaren nazioarteko proiekzioa ardatz duten jardunaldietako protagonistak

Gipuzkoako 14 enpresaz osaturiko ordezkaritzak, aukera berriak aztertuko ditu Mexikon eta bertan jada ezarrita dauden Fagor Arrasate, Irizar, Danobat, ULMA edo GH Cranes bezalako enpresa erreferenteekin elkartuko da. Ekimenak, Gipuzkoako Foru Aldundia eta Ganbera buru dituela, aliantzak sustatu nahi ditu funtsezko sektoreetan, hala nola automobilgintzan, aeronautikan eta industria aurreratuan.

Unai Andueza eta Igor Villarreal, erakundeetako ordezkariekin elkartu dira, LandaGO proiektuaren testuinguruan gogoeta egiteko eta mugikortasun autonomoak eskaintzen dituen aukerak aztertzeko. Proiektua Gipuzkoako Foru Aldundiak sustatzen du, eta goitik behera aldatuko du landa mugikortasunaren eredua etorkizunean. Topaketa funtsezkoa izan da, halaber, MUBILek eta Gipuzkoako ekosistema teknologikoak mugikortasun autonomoaren eta hiri plangintza adimendunaren Europako erreferente gisa duten posizionamendua indartzeko.

Gaur goizean egin dute sinadura ekitaldia Eider Mendoza Larrañaga diputatu nagusiak eta garapen agentzietako presidenteek.

MUBILek, Foru Aldundiak, MIT Media Labek eta Tecnunek bultzatutako proiektu honek iraultza handia dakar hiri plangintzara, 80 zerbitzu eta garraiobide anitzi buruzko datu zehatzekin.

Gizarteratzeko eta laneratzeko 2022-2024 programak, 6 milioi euroko zuzkidura duenak, enplegu inklusiboa sustatzen du Gipuzkoako funtsezko 19 sektoretan. 2016az geroztik, programak 6.511 lanpostu sortu ditu guztira, 723 lanpostu urtean bataz beste.

Amaia Arregik arlo juridiko-enpresarialean ibilbide sendoa du eta Ekonomia Sustapeneko Zuzendaritza Nagusia-ren ardura hartuko du bere gain Gipuzkoako ekonomiaren eta produkzio-sarearen bultzadan laguntzeko helburuz.

AVL, DANA, CAF eta Aston Martin enpresetako goi mailako ordezkariek mugikortasun jasangarriari buruzko ikuspegien berri eman dute. MUBIL Lab Experience topaketan mundu guztiko adituak elkartu dira, eta Gipuzkoa mugikortasunaren arloko berrikuntzaren Europako erdigune bihurtu da

Elkar EKIN Lanean programak 6 milioi euroko aurrekontua du eta kolektibo zaurgarrientzat enplegu duinak lortzea sustatzen duten politika publikoak bultzatzen ditu, bi helbururekin: gizarteratzea eta laneratzea sustatzea, eta lurraldearen lehiakortasuna indartzea

Herritarrek larunbat honetan MUBIL Centerren abangoardiako laborategiak ezagutzeko aukera izango dute; Europan bakarra den azpiegitura honek dagoeneko IRIZAR, McLaren eta IVECO bezalako markekin egiten du lan, eta mugikortasun jasangarriaren zein industria-berrikuntzaren erreferente gisa finkatu da.

MUBIL Centerrek 8 enpresa eta 2 kudeatzaile teknologiko hartuko ditu. Guztira 80 profesional arituko dira lanean in situ mugikortasun adimendun eta jasangarri baterako irtenbide berritzaileak garatzen. Inaugurazioak hasiera emango dio jarduera estrategikoen agenda trinko bati. Jarduera horiek diseinatu dira negozio aukera berriak sortzeko eta enplegu sorrera sustatzeko giltzarri eta etorkizun handikoa den sektore batean.

Gipuzkoako hamabi enpresek nazioarteko hazkunde-aukera berriak aztertuko dituzte ekainaren amaieran egingo den sektore anitzeko misio estrategiko honen esparruan. Programak automobilgintza eta aeronautika sektoreetako bezeroekin, lankideekin eta klusterrekin bilera estrategikoak izateko aukera eskainiko die partehartzaileei

Hamar urte bete dira enpresa bioteknologikoa Gipuzkoako Parke Teknologikoan ezarri zenetik, eta urte hauetan Europako lider bihurtu da jatorri genetikoko gaixotasunak, hala nola minbizia edo gaixotasun arraroak, tratatzeko saiakuntza klinikoetarako bektore lentibiralen ekoizpenean. Jauregik eta Anduezak Eusko Jaurlaritzaren eta Gipuzkoako Foru Aldundiaren babesa adierazi nahi izan diote etorkizuneko industria-sektore bati, bioteknologiari. Izatez, Gipuzkoako lurralde historikoa eta, zehazki, Donostia bihurtu ditu medikuntza pertsonalizatura eta doitasuneko medikuntzara bideratutako osasunaren bioteknologian espezializatutako nazioarteko erreferentzia-polo.

Dtools, Frios Oiz, Ibiltek, Kuari, Harakai, Erlo Group, Ogi Eder eta Calderería CPK enpresek BETEK proiektu pilotuan parte hartu dute, beren berrikuntza teknologikoko prozesuak optimizatzeko eta lehiakortasuna sendotzeko helburuarekin.

· 31 milioi eurotik gorako aurrekontua eta 39 programa dituen laguntza katalogo zabala. · Programa honekin, Gipuzkoako sare ekonomikoa sendotu nahi da ekintzailetza, berrikuntza, digitalizazioa, lehiakortasuna, hazkundea, talentua, pertsonak eta jasangarritasuna bezalako arlo gakoetan.

· Biozientziak Gipuzkoa Fundazioak, Deeptek Gipuzkoa Fundazioa izena hartuko du, eta bere jarduera-eremua mugako teknologia aurreratuetara zabalduko du, besteak beste, adimen artifizialera eta algoritmia aurreratura, teknologia kuantikoetara, material berrietara, bioteknologiara edo blockchain teknologietara.

· Izendatze ekitaldian diputatu berriaren ibilbide sendoa eta Gipuzkoako garapenarekiko duen konpromisoa nabarmendu ditu Eider Mendozak, bere esperientziak lurraldeko proiektu estrategikoak bultzatzeko funtsezko lana egingo duela ziurtatuz.

· Anduezak Ane Insaustiren lekukoa hartuko du, azken honek kargua utzi ostean, bere jatorrizko sektorera itzuli eta atzerrian proiektu profesional berria hasi asmoz. · Diputatu nagusiak eskerrak eman dizkio Insaustiri Gipuzkoaren alde egindako lan eskergagatik; aldi berean, Anduezak enpresekin eta lurraldeko ehun ekonomikoarekin lankidetza estuan pilatu duen ibilbidea nabarmendu du.

· 2018az geroztik, Aldundiak 3 milioi euro baino gehiago eman ditu zibersegurtasunaren arloan laguntzeko.

• Eider Mendoza diputatu nagusia CAF, ULMA, GH, Salto Systems eta Garriguesekin bildu da, Ameriketako Estatu Batuetan kokatutako enpresek bizi duten egoera berriari buruz duten ikuspegia bertatik bertara ezagutzeko.

· IBM Quantum System Two-k 156 cúbit dituen IBM Quantum Heron prozesadorea izango du, erabilgarritasun-eskalara iristeko diseinatua. Espero da IBM Quantum System Two-ren instalazioa IBM-Euskadi Quantum Computational Center-en 2025. urtearen amaieran bukatzea. · Imanol Pradales Lehendakariak eta Eider Mendoza Gipuzkoako diputatu nagusiak egin dute iragarpena, Jay Gambetta IBM Quantumeko lehendakariordearekin batera, IBM Thomas J Watson Research Centerrera egindako bisitan, New Yorken.

• Gune honek ateak zabaltzean, 9.700 metro karratuko azaleran, punta-puntako testatze azpiegitura teknologikoa eskainiko die alorreko enpresa, erakunde eta berrikuntza eta ezagutza guneei. • Guztira 65 profesionalez osaturiko bederatzi enpresek, MUBIL Center-era eramango dituzte beraien bulegoak datozen asteetan.

Gipuzkoako Foru Aldundiak Itziar-Deba industrialderako sarbidea hobetzeko egin dituen lanek eragin zuzena izan dute inguruko enpresen lehiakortasunean, egindako kontsultaren arabera.

Europa mailan berezia izango den ekimena aurkeztu du Gipuzkoako Foru Aldundiak, ibilgailu autonomo eta jasangarri baten bidez landa inguruneko biztanleen mugikortasuna hobetzea ahalbidetuko duena. · Proiektu pilotuaren lehen fase honetan, aztertuko dira Abaltzisketa eta Amezketa arteko errepide tartea, nahiz Zerain eta Segura artekoa.

· Eider Mendoza diputatu nagusiak eta Mauri Arregui Bazkundeko lehendakariak Europako ekonomiaren geldialdiaren testuinguruan "kanpoko merkatu berrietara irekitzen lagundu beharra" azpimarratu dute. · Bi erakundeek jakinarazi dute Arrasaten lankidetza-hitzarmena berritu dutela, Ternuako instalazioetara egindako bisitaldi batean. Enpresa baten hazkundean nazioartekotzeak duen "rol motorraren" adibide argitzat jo dute.