Baliabideak

EAS Euskararen Adierazle Sistema

Euskararen Adierazle Sistemaren (EAS) helburu nagusia da euskararen egoeraren eta bilakaeraren berri jaso eta ezagutzera ematea. Gizartearen alor desberdinetan euskararen garapena zehaztasunez azalduko duen adierazle egitura bat sortzea da xedea. Interreg Poctefa

Proiektua Euskal Herri osoko erakunde publikoek daramate aurrera (Eusko Jaurlaritza, Nafarroako Gobernuaren Euskarabidea, Euskararen Erakunde Publikoa, Araba, Bizkaia eta Gipuzkoako Foru Aldundiak) eta FEDER Funtsaren (Erregio Grapenerako Europar Fondoa) bidez kofinantzatuta dago. Soziolinguistika Klusterrak aholkularitza teknikoaren ardura betetzen du, Eusko Jaurlaritzarekin duen hitzarmenaren bidez.

Euskararen datuak Gipuzkoako mapan

Atlas honetan, euskarari buruzko datuak Gipuzkoako mapan bilatu eta kokatzeko aukera duzu. Udalez udal, eskualdez eskualde, 1981-2011 bitarteko datuak daude, adierazle hauen arabera:

  • Hizkuntza gaitasuna.
  • Lehen hizkuntza.
  • Etxeko hizkuntza.
  • Kale erabilera.

Mapan ikus daitezkeen datuak Datu soziolinguistikoak izeneko ataleko txostenetan jasota daude.

Atlas honen prestakuntza lana Gaindegiak egina da, Gipuzkoako Foru Aldundiarentzat.

Gipuzkoako datu soziolinguistikoak

Herriz herri, eskualdez eskualde, 1986-2011 bitarte

-ren irudia Gipuzkoako datu soziolinguistikoak

Datu soziolinguistiko oinarrizkoak eskaintzen ditugu webgune honetan, Gipuzkoako eskualdez eskualde eta herriz herri, 1986-2011 bitartekoak.

Eskualde eta herri bakoitzeko, datu sail finko batzuk ematen dira: biztanleria, hiztunak, hezkuntza eredu linguistikoak, euskararen gaineko gaitasunak, biztanleen lehen hizkuntza, eta etxeko hizkuntza.

Datuen bilketa eta prestaketa lanak Soziolinguistika Klusterrak egin ditu, Gipuzkoako Foru Aldundiarentzat, datuen iturri publikoak baliatuta, batik bat EUSTAT eta Eusko Jaurlaritzaren Hezkuntza Saila. Beraz, datuok libreki erabil daitezke.

Datuen dokumentuak eskualdeen araberako karpetatan daude antolatuta; dokumentu bana dute udalerri eta eskualde bakoitzak; gehi beste bat, Gipuzkoa osorako.

Karpetak:

Dokumentuak: