Albisteak

Kopuru hori errenta aitorpen guztien %19.37 da. Poliki bada ere, errenta aitorpena euskaraz aurkezten duten herritarren kopurua gorantz doa. Horrez gain, Ogasunarekin harremana euskaraz izatea eskatu duten herritarrak 95.036 dira.

• “Bere musikaren eta ahotsaren bitartez, iturri anitzetatik edanez, euskal kantagintza eta hizkuntza muga berrietara zabaldu du Ruperrek”, aitortu du Gipuzkoako diputatu nagusiak, Eider Mendozak, sari emate ekitaldian • Euskalgintzako eta euskal kulturgintzako ordezkaritza zabala elkartu da gaur Tabakalerako prisma aretoan, musikari oñatiarraren ekarpena txalotu asmoz

Lau hamarkadaz euskarazko sorkuntzaren eta kulturaren alde egindako lana eta ekarpen joria aitortuko diote, irailaren 12an Hendaian egingo den ekitaldian.

Gobernantzako foru diputatu Irune Berasaluzek ‘Euskara, zuzenbidea eta justizia: egungo egoera, arazoak eta erronkak’ Uda Ikastaroaren irekieran hartu du parte.

Gidabaimenak euskaraz ateratzeko materiala autoeskolen esku dago jadanik eta materiala paperean eta online eskura daiteke. Gaur egun ziklomotor eta kotxeetarako gidabaimenak dira euskaraz atera daitezkeenak baina, luze gabe, kamioi eta autobusenak ere atera ahal izango dira.

Alderdi politikoetako ordezkari guztiek adierazi dute, neurri batean edo bestean, bat egiten dutela planean jasotako helburuekin. Halaber, departamentu mailako kudeaketa planen lehenengo urratsak maiatzean egingo direla adierazi dute GFAko ordezkariek.

EHUren udako ikastaroen barruan eskainiko da ekainaren 20 eta 21ean. Euskararen oinarri eta garapen juridikoak aztertuko dira eta bereziki jorratuko da euskararen egoera kontratazio eta enplegu publikoan.

Bost dirulaguntza lerro izango dira eta aldaketak daude iazko deialdiarekiko. Izan ere, desagertu egin da Aldunian normalizazio praktikak egiteko beka eta bitan banatu da Informazio eta komunikazio teknologiak erabiliaz edukiak euskaraz sortu eta hedatzeko proiektuen dirulaguntza deialdia.

Diputatuen Kontseiluak onartu du plana eta euskararen erabileran jauzia eman ahal izateko tresna izango da. Hainbat erronkari erantzuteko baliagarria izatea da helburua, besteak beste, sortze hizkuntzan aurrerapausoak emateko, lidergoa bultzatzeko, hizkuntzen kudeaketa zehar lerro modura txertatzeko eta kontratazioan eragiteko.

Hautetsien Foroaren baitan jaso dute formazio saioa eta hizkuntza lidergortza eraldatzailea eta kudeaketarako eredugarritasuna landu dituzte. Gipuzkoako hautetsiei zegoen zuzendua saioa eta etorkizunera begirako gakoetan sakondu dute.

Aldundiko Ogasun eta Finantza Departamentuarekin harremanak euskaraz izan ditzakete herritarrek eta eskaera hori egiteko une egokia izan daiteke errenta eta ondarea aitortzeko kanpaina. 2023an 92.173 herritarrek egina zuten hizkuntza hautu hori eta helburua 100.000 herritarretara iristea da.

"Nola erakarri etorri berriak euskarara? Eta, euskaldunok, nola hurbildu etorri berrietara?" izenburupean egingo dira topaketak, Lasarteko Manuel Lekuona Kultur Etxean. Irekita dago dagoeneko izena emateko epea eta hala egongo da apirilaren 30era arte.

‘LH Duala Euskaraz’ egitasmoaren aitortza ekitaldia hartu du gaur Urnietako Salestarrak Magale Lanbide Heziketako ikastetxeak; ikasle, irakasle, lantoki, erakunde eta eskoletako ordezkariek praktika onak partekatu dituzte bertan

Multinazionalen hizkuntza politika egokirako gakoen gaineko lanagatik irabazi du lehenengo saria. Bigarrena Gari Goikoetxeak jaso du eta hirugarrena Jone Miren Hernandezek eta Marta Luxanek.

Aurrerapenei adi egon da euskalduna historian zehar. Mendez mendeko ibilian arrastoa utzi dugu aurrerapenak eta euskara uztartuz, euskaldunon aurrerapenari eta euskararen biziraupenari eragiteko.

Diputatu nagusia Kilometroak jaialdiko ordezkariekin batzartu da Foru Aldundian, eta ikastolen ibilbidea balio horien adibide dela adierazi du

Gaur goizean egin dute Eider Mendoza buru duen exekutiboaren karguhartze ekitaldia eta Diputatuen Kontseilu berria lehen aldiz elkartu da.

Eskola orduz kanpoko jardueretan jarri dute fokoa aurtengo Udaltopen. Garrantzitsua da gazteek eskolaz kanpo ere euskarazko ekosistema batean murgiltzeko aukera izatea eta bide hori da jorratu dutena. Aurtengo edizioaren izenburua "Bat, bi, hiru... Eskolaz kanpokoa euskaratik eta euskaraz" izan da.