Atzealdea

AMERIKETAKO BIDAIA

Egitasmoa: AMERIKETAKO BIDAIA

Eragilea : TANTTAKA

Telefonoa
943429494
Kontaktua
Ane Antoñanzas

Lantzen dituen arlo artistikoak:

Antzerkia

Zein eskola-ikasgairekin duen harremana:

Zein balio sustatzen ditu
Ikuskizunak inmigrazioa, aurreritzi razialak, arrazakeria eta solidaritatea bezalako gaiak lantzen ditu. Eta bestalde, jorratzen den istorioa dela eta, gazteei munduaren zabaltasuna eta aniztasuna erakutsi, eta herrialde eta hizkuntza ezberdinak ezagutzeko gogoa piztea luke helburu proposamen honek.
Zein ikas mailari edo adinari zuzentzen zaio:
12 urtetatik gora
Zenbat ikaslek parte har dezakete ekitaldi baten:
Ekitaldi bakoitzaren prezioa:
2.930,00€ + BEZ
Jardueraren deskribapena:

Ameriketako bidaia honetan, bi aktore gazte, bi nerabeek biziko duten istorio batean murgilduko dira adin guztientzat pentsatuta dagoen ikuskizun batean, munduaren zabaltasuna eta herrialde eta hizkuntza ezberdinak ezagutzeko gogoa pizteko. Ameriketan pasatako ikasturte bat kontatuko digute, ingelesa eta bizitzaz ikastera egingo duten bidaia, gizakiok norberaren ezagueran egiten dugun bidai horietako bat. Erritmo biziko ikuskizuna, pertsonai aldaketa bizkorrak, euskeraz eta ingelesez, kantua eta musika zuzenean izango dituena.

Bi nerabe euskaldun, Jone eta Maria, Estatu Batuetara etorri dira ikasturte osorako. Oso desberdinak dira, eta ez dira konpontzen. Jonek “amerikarren bizimodua”-ri buruzko iritzi ona dauka. Mariak yankiekiko aurreritzi asko ditu. Aideportuan daudelarik, Jone-ri bere ekipaia eta dokumentazioa lapurtuko diote. Poliziak latino inmigrante ilegaltzat jo eta atxilotuko dute. Hizkuntza arazoak eta aurreritzi razialak direla eta, egoera kafkiano bat jasango du. Astebete dramatiko bat pasa ostean, Mexikoko mugara deportatua izan baino lehenago askatuko dute. Jonek hainbeste miresten zuen Amerika horren alde iluna ezagutuko du. Maria, aldiz, adiskidetuko da orain arte gutxiesten zuen gizarte horrekin, jende solidarioa ezagutuko baitu.

Jonek eta Mariak kurtso osoa pasako dute Estatu Batuetan. Gaur da etxera bueltatzeko eguna. Hasierako aireportu berean elkartu dira. Orain urte bete elkarri destainaz begiratzen zieten arren, orain badakite betirako adiskideak izango direla.

Jarduera gauzatzeko behar diren baldintzak eta baliabideak:

Lan honek kultur etxe edo antzoki txiki batek dituen baliabideak eskatzen ditu, espazioz 6x5 m-ko eszenatokia.

Jarduerari buruzko txostena:

JARDUERAREN ARTE ETA KULTURA ALDERDIEI BURUZKO TXOSTENA

Garrantzitsua iruditu zaigu bi aktore gaztekin lan hau osatzea, orain 22 urte beteko dituzten bi aktorekin. Beraientzat ere gertukoa egiten zaien istorio batean murgildu daitezen.

Adin guztietako ikuskizun bat jorratu nahi izan dugu; garrantzitsua iruditzen zaigulako gazteei munduaren zabaltasuna eta gaztetan herrialde desberdinak eta hizkuntza ezberdinak ezagutzeko gogoa piztea.

Erritmo biziko planteamendua jorratu dugu. Bi aktoreek rol desberdinak lantzen dituzte, eszena ugari, adin eta sexu desberdineko pertsonaiak bereganatuz. Eta tonuz aldatuz. Horretarako proiekzioek joku eta pixu dexente izango dutelarik, toki ugari deskribateko; demagun airoportua, Ameriketako familiaren etxea, autobusa, polizien komisaldegia, kalea... halaber istorioan garrantzitsuak diren hainbat pertsonai aurretik beste aktore batzuekin grabatutako proiekzioen bidez ikusiko ditugu.

Eta musikak ere pisu handia du. Komunikatzeko era erakargarria iruditzen zaigulako. Bi aktoreek kantatu eta musika zuzenean egiten dute.

Bai lantzen diren gaiengatik baita formarengatik ere, obrak duen interes artistiko eta kulturala azpimagarria dela deritzogu.

 

JARDUERAREN ARLO PEDAGOGIKOARI BURUZKO TXOSTENA

Aurreko puntuetan aipatu bezala, antzezlan honetan inmigrazioa, aurreritzi razialak, arrazakeria eta solidaritatea lantzen dira, gaur egun zoritxarrez pil-pilean dauden gaiak. Hortaz, obraren interes pedagogikoa ukaezina da gaur egungo gazteriarentzako eta ostean egin daitezkeen bai solasaldietan, bai bestelako lanetan garatu ahal diren balioak zabaltzen ditu.

Hau, antzezlan zehatz honek lantzen dituen gaiei dagokionez, baina azpimarratu beharra dago antzerkia publiko gazteari hurbiltzeko beharra eta honek dakarren onura.

Proposamenaren egilearen ibilbide profesionala
Dosierrean