Gipuzkoako kulturaren tokia.

Gipuzkoa ingurune kulturaniztunean dago: dantza, zinema, literatura, pintura... kultura. Kultura Zuzendaritzaren egitekoa da kulturaren arloko esperientzia horiek guztiak sustatu eta zabaltzea, bai eta kultura ondarea, museoak eta artxiboak babestea eta sustatzea ere.

Web honen bidez, kulturaren arloko esperientzia guztiak webera eramaten dira, eta bertan sortzen, banatzen eta kontsumitzen da kultura halaber. Lurraldeko kultur sormenaren eta aberastasunaren isla da.

Foru aldundiaren zentroak

 
 

XVIII. mendeko monumentu multzoa da Agorregi, ura ustiatzeko moduen (burdindegiak eta errotak) adierazle bikaina. Pagoeta parkean dago, Aiako udal barrutian (Gipuzkoan). Gune hau aldatu gabe gorde da denborarekin, eta barnean gordetzen du ehunka urteko tradizio baten bihotza, euskal kultura ezin hobeto agertzen duena.

Laurgain Auzoa Barreiatua, 13, 20809 Aia
Webgunea bisitatu  

Gipuzkoako Artxibo Orokorra (GAO) Tolosan dago, eta Gipuzkoako lurralde historikoko gobernu erakundeen artxibo historikoa da: hain zuzen ere, Batzar Nagusiena eta Foru Aldundiarena. Artxibo honetan XV. mendetik XX. mendera bitarteko dokumentuak gordetzen eta zabaltzen dira, eta bi multzo handi bereizten dira dokumentuen aldetik: batetik, XV. eta XVI. mendeetan sorturiko erakundeen dokumentuak ditugu (Batzar Nagusienak eta Aldundienak, Gipuzkoako Korregimenduarenak eta Tolosako Notari Barrutiko Protokoloenak); eta, bestetik, banakoen eta erakundeen dokumentuak ditugu, tartean bilduma edo atal faktizio batzuk barne (Indalecio Ojanguren -argazkitegia-, Gaztañaduy Etxea -dohaintza partikularra-, udaletako Kaparetasun agiriak…).

San Frantzisko ibiltokia 2, 20400 Tolosa
Webgunea bisitatu  

Gipuzkoako Probintziako Artxibo Historikoa (GPAH) Oñatin dago, eta bitarteko artxibo historikoa da Gipuzkoan Estatuko administrazio periferikoak sortzen duen dokumentazioarentzat. Artxibo honen kudeaketa Eusko Jaurlaritzak Gipuzkoako Foru Aldundiari pasatu zion 2018 ekainean. Artxibo honetara ekarri da Gipuzkoako Protokoloen Artxibo Historikoa (antzinako Oñatiko Unibertsitatea), duela 75 urte baino gehiagotik Gipuzkoako Foru Aldundiak kudeatzen duena; beraz, bertan notarioen dokumentazioa eta erregistroetako dokumentazioa ere gordetzen eta hedatzen da.

Ibarra Zelai,4, 20560 Oñati
Webgunea bisitatu  

XVII. mendeko baserri batean baserria nolakoa zen erakusten duen museoa da Igartubeiti Baserri Museoa. Gipuzkoako Foru Aldundiak 1992an erosi zuen Igartubeiti baserria, desagertu ez zedin. Zaharberritzea konplexua izan zen, eta eredugarri gisa kalifikatu zuten. Horren ondorioz, XVII. mende hasieran zuen irudi historikoa berreskuratu du baserriak. Interpretazio Zentroan, euskal baserrien mila urte baino gehiagoko historia ekartzen dugu gogora. Igartubeitiko familiaren eta bizilagunen ahotsak entzunda, antzematen dugu nola joan ziren handitzen eta garatzen antzinako baserriak; nola bizi ziren eta nola lan egiten zuten bertako biztanleek; nolako harremanak zituzten beraien artean; zer sinesten zuten; zer ekoizten zuten; nola elikatzen ziren; nola dibertitzen ziren eta zerekin sufritzen zuten.

Ezkio bidea s/n, 20709 Ezkio-Itsaso
Webgunea bisitatu  

Gipuzkoako Dantzagunea Gipuzkoako Foru Aldundiaren zerbitzua da, eta helburu du dantzako ikaskuntza eta sormen prozesuak bideratzea. Lan ildo nagusi hauek ditu: babesa ematea koreografiaren sormenari eta ikerketari; prestakuntza espezializatua; dantza zabaltzeko modu berriak bilatzea eta sormen prozesuen dokumentazioa jaso eta artxibatzea. Errenterian du egoitza, baina lurraldeko dantza komunitate guztiari ematen dio zerbitzua; beraz, dantza praktikatzeko prestaturiko tokiak eskaintzen ditu, beste zerbitzu batzuekin batera (adibidez, informazioa eta aholkularitza).

Edificio Niessen - Pelotari kalea, s/n, 20100 Errenteria
Webgunea bisitatu  

Tabakaleran egoitza duen nazioarteko zentroa da, eta zinemaren iraganaren, orainaren eta etorkizunaren inguruko pentsamendua, ikerketa, esperimentazioa eta berrikuntza pedagogikoa lantzen ditu. Gipuzkoako Foru Aldundiak sortua eta finantzatua, EQZE 2017an sortu zen, izaera sutsu eta berritzailearekin. Ikuspegi integrala duten zinemagileen sorrera sustatzeko helburua du; zinemagile horiek errealitate zinematografiko berriak (lan arlokoak, kontzeptualak, sormenekoak, profesionalak) sortzeko gaitasuna izango dute.

Tabakalera - Andre zigarrogileak plaza, 1, 20012 Donostia - San Sebastián
Webgunea bisitatu  

Gipuzkoako Foru Aldundiko Ondare Bildumen Zentroa da Gordailua. Haren helburu nagusia da lurraldeko kultura ondarea zaintzea, babestea eta balioa ematea. Gordailua elkargune bat da, eta hainbat titulartasunetako funtsak gordetzen ditu. Bilduma bateratua osatzen du, eta kudeaketa partekatua du. Milaka ondasun etnografiko, artistiko eta arkeologiko gordetzen ditu. Bere funts propioen ikerketak egiten ditu eta kultura ondareari buruzko azterketak sustatzen ditu.

Auzolan Kalea, 4, 20303 Irun
Webgunea bisitatu  

K bulegoa informazio eta laguntza gunea da. Gipuzkoako kultura sektorean lan egiten duten pertsona, talde eta erakundeei bideratua da, bai amateurrei bai profesionalei. Bulegoaren helburua da proiektuen sorreran eta garapenean azaleratzen diren beharrei erantzuna ematea, proiektu horien jasangarritasuna eta sektorearen profesionalizatzea sustatzeko.

Reyes Católicos, 16, 20006 Donostia - San Sebastián
Webgunea bisitatu  

1993an inauguratua, Kultura, Turismo, Gazteria eta Kirol Departamentuko Kulturako Zuzendaritza Nagusiak kudeatzen du. Espazio honeta liburutegi bat, erakusteka guneak eta Ganbara eta Areto aretoak daude non nazioarteko zein Gipuzkoako artisten lana ezagutzera emiten den.

Urdaneta kalea 9, 20006 Donostia - San Sebastian
Webgunea bisitatu  

Zumalakarregi Museoa Gipuzkoako Foru Aldundiaren zerbitzu publikoa da, eta Ormaiztegin dago. Museoaren helburua da XIX. mendeko Euskal Herria ezagutaraztea, bai herritarrei, oro har, bai adituei; izan ere, mende horretan aldaketa handiak gertatu ziren gizartean, kulturan, ekonomian eta politikan, eta mundu garaikideari hasiera eman zitzaion.

Muxika Egurastokia 6, 20216 Ormaiztegi
Webgunea bisitatu  

Untzi Museoa Donostiako Portuan dagoen zentro irekia da. Jendearekiko gertutasuna du, eta modu aktiboan egiten du lan pertsonen eta itsasoaren arteko harremana ezagutarazteko, behin-behineko erakusketen eta kultur dinamizazioko programen bidez. Era berean, Untzi Museoaren helburuetako bat da kanpoko harreman sare bat eraikitzea. Sare horri esker, Euskal Herriko itsas historia eta kulturarekin loturiko ekimenen erreferentea da.

Kaiko pasealekua, 24, 20003 Donostia - San Sebastian
Webgunea bisitatu  

Parte hartutako zentroak

 
 

Eresbil-Musikaren Euskal Artxiboaren helburua da Musika Ondarea ikertu, bildu, zaindu eta zabaltzea, bereziki euskal konpositoreen ekoizpena. Fundazio honen partaide dira Eusko Jaurlaritza, Gipuzkoako Foru Aldundia eta Errenteriako Udala. Eginkizun horiek garatzeko, artxibo eraikina dago Errenterian, jendeari irekita.

Alfonso XI, 2, 20100 Rentería
Webgunea bisitatu  

Gipuzkoako Museoak sarean dagoen  Gipuzkoako Museoen ataria da. Bertan topa dezakezu Gipuzkoako edozein museo bisitatzeko beharrezkoa informazioa. Baita ere ,bertan jasoko dira behin behineko erakusketen eta museoekin lotutako berri guztiak.

 
Webgunea bisitatu  

Cristóbal Balenciaga Museoa 2011ko ekainaren 7an inauguratu zuten Getarian, eta moda-sortzaile bati oso-osorik eskainitako munduko lehen museo handia da. Haren helburua hauxe da: Cristóbal Balenciagak sorkuntza artistikoan oro har eta, bereziki, modaren eta goi-mailako joskintzaren munduan egindako lana ezagutaraztea eta nabarmentzea.

Aldamar Parkea, 6, 20808 Getaria
Webgunea bisitatu  

Kongresuen Jauregia eta Auditorioa da, interes handiko ekintzak eta kalitate goreneko kultura jarduerak egiteko helburua duena. Horrela, tresna bat da zerbitzu hauek betetzeko: Donostiaren eta Gipuzkoaren aberastasuna eta irudia indartzea, pertsonak erakartzen dituen jarduera sortuz; horrela, pertsona horiek balio erantsia emango diote testuinguru ekonomikoari eta ezagutzaren testuinguruari.

Zurríola Hiribidea, 1, 20002 Donostia - San Sebastián
Webgunea bisitatu  

Lazkaoko Beneditarren Fundazioa 2011ko udaberrian sortu zen, Lazkaoko Beneditarren, Gipuzkoako Foru Aldundiaren eta Lazkaoko Udalaren eskutik. Juan José Agirre fraide beneditarrak zuzentzen du fundazioa, eta bi helburu nagusi ditu: azken lau hamarkadetan Agirrek euskal gaien inguruan bildutako dokumentu funtsen ardura hartzea eta funts berriak jaso eta gizartearen esku jartzeko lanarekin jarraitzea. Horretarako artxibo zentro modernoa du Lazkaon, jendeari irekita dagoena.

Elosegi Kalea, 27, 20210 Lazkao
Webgunea bisitatu  

Ekaingo (Uneskok Gizateriaren  Ondare izendatua) kobazuloaren  Magdalen Aldiko margoen faklsimila (erreplika zehatza) da Ekainberri. Museo ekipamendu ezberdina eta orijinala da eta bertan sentiaraziko dizute haitzulo batean somatzen den sentsazioa Homo sapiens-aren inguruko animaliek irudikatzeko abilezia miresten duzun bitartean. Hori dena osatzeko zenbait jarduera bizitzeko aukera izango duzu (ehiza, sua, margotzea) Paleolito Garaian bezala.

Portale kalea 1, 20740 Zestoa
Webgunea bisitatu  

90 urtez Donostiako tabako fabrika izan ostean, 2015ean zabaldu zituen ateak Kultura Garaikideko Nazioarteko Zentro gisa eraberriturik. Sorkuntza sustatu eta hedatzea du helburu, eta horretara bideratzen ditu zerbitzu eta jarduerak. Kultur proiektu bat izateaz gain, erakundez eta ekimen pribatuz osatutako kultur ekosistema bat ere bada Tabakalera, baita jendearen gozamenerako zabalik dagoen plaza publikoa ere.

Plaza de las cigarreras, 1, 20012 Donostia
Webgunea bisitatu