“Voltaia” 2014an sortu zen Zumaian. Urte horretan argitaratu zuten 1. diskoa. Hasieratik kontzertu ugari eskaini zituzten eta hainbat tokitan aurkeztu zuten.

2015eko udaran lehendabiziko bira amaitu osten “Medusa” 2. diskoa kaleratu zuten. 80 kontzertu inguru eskaini zituzten lan honekin. Jon Duran baterijoleak taldea utzi eta bere tokia Pablo Sanchezek bete zuen.

Hasieratik 70eko hamarkadako rock doinuen eta stoner rock-aren eragina erakutsi dute Zumaiako taldearen kantuek.

2018ko Otsailak 16an, “Erortzen” disko berria argitaratu dute. Zestoako GAZTAIN ESTUDIOAK/ESTUDIOS-en grabatu dute eta Eñaut Gaztañaga Sagarzazu (Grises) arduratu da ekoizpenaz.

Taldea, Unai Eizagirre (Baxua eta ahotsa), Pablo Sanchez (Bateria) eta Ion Brakamonte (Gitarra)-k osatzen dute.