Kultura Eskola

Egitasmoaren izena : GURE PLASTIKO PREZIATUA - Hondakin plastikoekin sortzailetza eta diseinu tailerra

Eragilea : Mazedonia Diseinu Elkartea

Telefonoa

652761326

Kontaktua

Iker Babace Piñeiro

E-posta

mazedonia.elkartea@gmail.com

Zein balio sustatzen ditu

sormena, lankidetza, garapen jasangarria (ekonomia zirkularra) eta ingurumenaren zaintza (ekologia), inklusioa, eta genero berdintasuna.

Zein ikas mailari edo adinari zuzentzen zaio:

Bigarren Hezkuntzako edo Oinarrizko Lanbide Heziketarako edozein maila eta adinetara dago zuzendua: DBH 1, DBH 2, DBH 3, DBH 4

Zenbat ikaslek parte har dezakete ekitaldi baten:

Gela bat izango litzateke, 28 ikasle gehienez.

Ekitaldi bakoitzaren prezioa:

GUZTIRA (BEZ Gabe): 980€

Jardueraren deskribapena:

GURE PLASTIKO PREZIATUA sormenarekin lotutako lantegi artistiko, tekniko eta esperimentalen proiektua da, birziklatutako plastikoarekin eta partaidetza kolektiboko sorkuntza prozesuak jarraituz, komunitatean eragina izango duen arte-diseinu-kultura ondarea sortzean datza, jasangarritasuna ardatz.

Birziklatutako plastikoarekin objektuak diseinatuko dira lantegi hontan. Mazedonia Diseinu Elkarteko kideek dinamizatuko dute sorkuntza prozesua, lehenago aipatutako baloreak aintzakotzat izanda.

Proiektuaren helburu nagusia plastiko hondakinen kudeaketa arazoa azaleratzea da eta era teoriko-praktikoan gazteei gerturatzea. Batetik, plastiko pilaketak ingurumenean duen eraginaz hausnartu nahi da, partaideei ekintza jasangarriak iragotzi eta sentsibilizatu. Bestetik, erronka hauei aurre egiteko, kutsadura murrizteko, diseinua eta sormen artistikoa tresna gisa erabiltzen ikastea datza, ikasleek euren sormen eta eraldaketa ahaleginetan sinetsi dezaten, urrats txiki hauek duten garrantzia jakinarazi. Mazedonia Diseinu Elkartea Europa mailako Precious Plastic proiektuaren enbaxadorea da Donostia. Ekimenaren inguruan gehiago jakin nahi izanez gero ikusi: https://preciousplastic.com/

Lantegiaren iraupena 2 egunekoa da, egun bakoitzean 3 orduko saio bat irakatsiko da. Hizkuntzak: Saioak euskaraz izango dira, ingelesez egiteko aukerarekin.

Kokalekuari dagokionez, lehenengo saioa eskolan bertan egingo da. Ahal izanez gero informatika gela edota teknologia lantegia iragozten dira kokaleku apropos bezala. 

Bigarren saioa Donostiako Medialab hiritar sortzaileen laborategian, Tabakalera Kultura Zentruan. Salbuespenak salbuespen, bigarren saioa Eskolan bertan egin nahi izanez gero, aurretik Mazedoniarekin hitzartu behar da. Saio bakoitzean landuko diren edukiak (eduki didaktikoak):

Lehenengo saioa (Ezagutza - Sormena - Diseinua): plastikoa birziklatzeko sistema alternatiboak azalduko dira, honen inguruko ezagutzak (sailkapen sistemak, krisi klimatikoa) eta abar. Ondoren Ikasleek Diseinu Prozesua burutuko dute, birziklatutako plastikoarekin sortu nahi dituzten artelan eta produktuak gauzatzeko
tresnak-metodologiak irakatsiko zaizkie (brainstorming, design thinking). Adibidez, taldeka eskolarako erabilgarriak diren baliabideak sortu ditzakete: kirol materiala (ping-pong palak, kolunpioak…), bestelako oroigarriak… Ekimenaren aurretik zentruko ikasleek plastikozko hondakinak bildu ditzakete, ondorengo analisi eta eraldaketarako. Kokalekua: Eskolako teknologia edo informatika gela. Saioaren antolakuntza:

• Proiektuaren aurkezpena (15 min)
• Hondakin plastikoen sailkapena (30 min)
• Diseinu ikerketa (45 min)
• Prototipaketa praktika (45 min)
• Ordenagailu bidezko diseinu praktika ( 45 minutu)

Bigarren saioa (Birziklapena - Eraldaketa - Fabrikazioa): Medialab lantegian dauden Precious Plastic birziklapen makinak erabiliz besteak beste (birringailua, labea, estrusorea), ikasleek aurreko saioan pentsatutako diseinuak gauzatuko dira. Jardueren adibideak: plastiko hondakinak birrindu, plastiko birziklatutako xafla koloretsuak egin, laser bidezko ebaketa makinarekin moztu eta objektu finalaren muntaia. Kokalekua: Tabakalerako Medialab espazioan. Saioaren antolakuntza: 

• Hondakin plastikoak birrindu makinarekin (30 min)
• Plastiko birziklapen prozesuan labea eta estrusorea erabili (1 ordu 30 min)
• Laser bidezko mozketa makina erabili (30 min)
• Objektuen muntaketa eta probak (15 min)
• Diseinu proiektuen aurkezpena eta hausnarketa (15 min

Jarduera gauzatzeko behar diren baldintzak eta baliabideak:

Baldintzak:
Gutxienez hilabete eta erdiko aurrerapenarekin datak adostea (salbuespenak salbuespen). Mazedonia Diseinu Elkarteak irizpide hau kontuan izatea eskertzen du, jardueraren atal bat eremu publikoan burutzen bait da.

Eskolak beharrezkoak dituen baliabideak:
Bigarren saioko garraioa: Eskolak koordinatuko du Medialab - Tabakalera lantegira joan etorria.
 

Jarduerari buruzko txostena:

Hauek dira ekimenak bermatu nahi dituen alderdi artistiko-kulturalak:

• Esperimentazioa da tailerraren ardatza, hondakinen paradigma haustea, aukera berritzaileak imaginatzea. Norbanakoan dagoen izpiritu sortzailea piztu eta ideiak partekatzen ikasi, elkarrekin amets egin, ideia berritzaileei aukerak ematen ikasi, beti jasangarritasunaren erreferentzia markoan.
• Diseinu edo sormen prozesua: produktuaren diseinu prozesua bere osotasunean landuko da (design-thinking), sortzailetza tekniketatik abiatuz ideien bateratze eta prototipatzera.
• Metodologia profesionalak ikastetxera gerturatuko dira, ezagutza teknikoak liberalizatuz.
• Gaur egungo kontsumo kultura eta ohituren inguruko analisia, kritika eta gogoeta. Zientzialari batzuen aburu, gizakia Antropozenoa izeneko aroan sartu da; Iraganeko mendeekin alderatuz, gaur egungo pertsonek ingurumenean eragiteko duten ahalmena nabarmen handitu da, onerako eta txarrerako. Adibidez, iadanik gure elikatze-katean plastiko kantitateak aurkitu daitezke.
• Sortzailetza kultura jasangarrian erreferentziazko eta izen oneko kasuak ezagutaraziko dira, komunitatekoak eta internazionalak: Dave Hackkens, Agustín Arroyo (Flowalistik)... Ekimen kultural kolektiboak, arte guneak, eta beste hainbeste adibide ekarriko dira klasera. Herriaren ondare artistikotik edango da.

Jardueraren arlo pedagogikoari buruzko txostena.

• Eginez ikasi: jarduera praktiko eta proaktiboa. Bizipenen bitartez pentsatu, egin eta sentsibilizatzen dira ikasleak. Hau da, ikasleek beraien eskuekin lehen pertsonan plastikoa birziklatzen dutenean, ezagutza esperientziatik barneratzen dute.
• Diseinu prozesua jarraituko dugu, guztion ideiak eta parte-hartzeak kontuan edukitzeko dinamikak landuko dira; taldelana sustatzea dugu helburu.
• STEAM hezkuntza: ezagutza zientifiko-tekniko eta artistikoak elkarreraginean jartzen ditugu proiektuen garapenean. Adimen mota anitzak garatuko dira.
• Lotura Kurrikularra: Teknologia, Ikus-Arteak, Natur Zientziak, Plastika.
• Iraganean, makinaria industrialeko lantegietan gizon eta emakumeen arteko desoreka nabarmena egon da. Lantegiak gizonen lan guneak izan dira. Mazedonia Diseinu Elkarteak eskulan eta material eraldaketa prozesuei atxikitako genero oztopoak hautsi nahi ditu eta aurrera daramatzan prozesu industrial, artistiko eta kulturaletan aniztasuna izatea ezinbesteko balorea da.
   

Proposamenaren egilearen ibilbide profesionala

Iker Babace, Ainhoa Garmendia eta Gorka Sánchez diseinatzaile industrialek sortutako Elkartea da Mazedonia. Nafarroako Unibertsitateko Ingeniarien Eskola den Tecnunen ikasle elkarlana abiaburu, lurraldean zein urrunean abentura profesional ezberdinak bizi ostean, proiektu eraldatzaile honen alorrean elkarturik, hiru lagunek eratzen dute sortu berria den Mazedonia Elkartea. Elkartearen helburuen artean, diseinugilearen papera produktu garapenetik haratago eramatea da nagusietako bat, diseinatzaile-sortzaile, ikertzaile eta bitartekari izateraino. Diseinua herritarren zerbitzurako tresna eragilea da, bere ardura eta ondorio ekologiko, kultural eta sozialekin. Mazedoniak diseinuari buruz duen ikuspuntua holistikoa da, diseinua agente eraldatzaile bezala ulertuz gero, gizartean eta ingurumenean ekarpenak eta irtenbideak eskaini ditzake. Gehiago jakin nahi izanez gero: https://mazedoniadesign.com/

Elkarteko kideak:

• Iker Babace: Diseinu Industrialeko Ingeniaria, sortzailea, Intxaurrondoko Egingela STEAM Eskolako irakasle arduraduna, nazioarteko diseinu estudioetan ibilitakoa (Ciszak Dalmas, Aergo). 
• Ainhoa Garmendia: Diseinu Industrialeko Ingeniaria, Europako hainbat punta-puntako diseinu estudioetan ibilitakoa (Patricia Urquiola, Ciszak Dalmas, Studio Jencquel…) eta artista-egoitza esperientzietan oparoa, Tecnun Unibertsitateko irakaslea, Material eta sortzailetza tekniketan aditua.
• Gorka Sanchez: Diseinu Industrialeko Ingeniaria, 3D Modelista (programentan aditua), irakaskuntzan izandako esperientziak diseinu digitalarekin harremandutakoak dira. Lantegiko teknikaria (Shapeways, HP).