Atzealdea

Olatuak Plus

Olatuak Plus

Olatuak Plus kultura proiektuak sustatzeko programa bat da, eta, Kultura Zuzendaritzaren laguntza-deialdietan hautatuta izan ondoren, zuzendaritza horren programazio-ildoekin lotura berezia dutenak dira.

 

Esnatu naiz

"Esnatu Naiz" LGTBIQ+ kolektiboaren eskubideak aldarrikatzen dituen kabareta da. Andoni Mutiloak sortutako lan fresko, dinamiko eta positibo honek Gipuzkoako landaguneko trans pertsona baten bizipenen berri ematen digu, eta, bide batez, gai horri buruzko hausnarketa egitera gonbidatzen gaitu. 

Gaiak. Kabareta, LGTBIQ+, inklusioa, berdintasuna, dantza, antzerkia.

Egilea: Andoni Mutiloa

Data: 2021.05.28

 

Paperezko Babeslekua

"Paperezko Babeslekua" publikoaren pentsamendu kritikoa babestu nahi duen podcast literario bat da. Kapitulu bakoitzak gai desberdin bat planteatzen du, literatura-testuak beste diziplina batzuekin lotuta erabiliz, gaiaren dimentsio soziala eta historikoa jorratuz, gogoeta eta pentsamendua suspertzea bilatuz. 

Gaiak: Liburutegia, gizartea, literatura, hitza.

Egileak: Slawka Grabowska eta Amaia García

Proiektuaren linka: www.elrefugiodepapel.com

Data: 2021.03.22

Gogoratzen naizenetik marrazten dut

“Gogoratzen naizenetik marrazten dut”, Katarzyna Lebiedzistriska idazle poloniar gaztearen argitalpen-proiektua da, 2017tik Donostian bizi dena. Kalitate gorenak eta gure lurraldean ilustrazioan aritzen diren euskal sortzaile askok erakarrita, emakume horiei guztiei eta haien lanari ikusgarritasuna emateko argitalpen-proiektu bat aurkeztu zuen 2020an, hain anitza teknikei eta gaiei dagokienez, eta askotan, hain ezezaguna.

Gaiak: Sorkuntza, ilustrazioa, emakume sortzaileak, marrazkia.

Egilea: Katarzyna Lebiedzistriska

Data: 2021.04.16

 

Zirriborroak eta gero

Zirriborroak eta gero kontakizun laburren bilduma bat da, mota askotako alternatiben etorkizun utopiko bat irudikatzen duena (alternatiba ekologikoak, ekonomikoak, sozialak, kulturalak, hezkuntzakoak, etab.). Lurralde batean dauden alternatiba horien inbentariotik abiatuta, idazle bati horietako bat edo hainbat aukeratzeko gonbita egiten zaio, etorkizunean proiektatuko den fabula bat irudikatzeko. Jarraian, Gipuzkoan dauden alternatiben inbentarioa aktibatu ondoren, Harkaitz Canoren eta Uxue Alberdiren alegiak jasotzen dira, bai idatzizko bertsioan, bai podcast formatuan. Halaber, Uxue Alberdiren kontakizunetik sortutako irrati-nobela ere izango da ikusgai, proiektuko lantaldeak estreinakoz esperimentatzen duen formatua. Proiektuaren helburua aldaketarako zirriborro bilduma bat osatzea da, ekintza erreal eta imajinatuen gida bat. Hemen Gipuzkoari eskainitako bildumaren lehen argitalpenak jasotzen dira.

Gaiak: utopiak, etorkizuna, fabulak, alternatibak, Gipuzkoa.

Egileak: Azala, sormen espazioa.

Proiektuaren linka: borradoresdelfuturo.net

Data: 2021.06.17