Detalle evento

El nombre del proyecto : PixKat

Promotor : Pez Limbo ( Eduardo Hernando Vilarrodona)

Telefono

699 36 33 36

Contacto

Eduardo Hernando Vilarrodona

E-mail

pezlimbocreaciones@gmail.com

Que valores promueve

Bereziki, arte eszenikoekiko sentsibilizazioa, desberdintasun soziala, identitate pertsonala zein generokoa, atxikimendua, harremanak, indarkeria etb. Antzezlan bakoitza gai desberdinak jorratzen ditu.

A qué nivel de educación o edad se apunta:

Bigarren Hezkuntzako edo Oinarrizko Lanbide Heziketarako zein mailatara edo zein adinetara dago zuzendua: 12-16 urteko tartekoentzat.

Cuántos estudiantes pueden participar en un evento:

Ohikoa da jardunaldi batean 160 ikaslek parte hartzea. Jardunaldi batean 4 pase egingo ditugu eta pase bakoitzean 40 ikaslek parte har dezakete. Gure gomendioa da pase bakoitza ikasgelako talde bakar batentzat izatea. Ziklo bakoitzeko lau ikastalde baino gehiago dituzten institutuen kasuan, bi gauza egin daitezke: bi jardunaldi eskatu edo bi klase elkartu pase bererako.

Precio por cada evento:

Guztira 1000€ BEZ-a barne.

Prezioa 4 antzerki emanaldi eta ondorengo hitzaldiak barne hartzen dituen jardunaldi bat egiteko da.

Descripción de la actividad:

Proposamena bi ekintzaz osatzen da, lehendabizi irakaslearekin adostutako gure sei proposamen arteko antzezlan bat antzeztuko da. Bigarren, eztabaida bat zabalduko da antzezleen eta ikasleen artean, irakasleekin lehendik landutako gaiei buruz batez ere.

55 minutuko saio bakoitzean, ikasleek testu literario baten aplikazio praktiko bat biziko dute, hurbilekoa, dibertigarria eta hunkigarria. Bizipen honi esker, ikasleek arte eszenikoekin lotutako esperientzia on bat izango dute.

Ikastetxeko ordutegian, literatura-ordua aprobetxatuz, ikasleak, irakasleak eta antzezleak biltzen ditugu ikastetxeko gela batean. Gela hau, gure taldekideek aurretik egokituko dute antzezlanaren beharrei erreparatuz. Oso garrantzitsua da guretzat ikasleriaren gertutasuna eta ondorioz ikasleen murgilketa, beraz antzezleak eta ikasleak zentimetrotako distantzia izatea nahi dugu hau gertatu dadin. Akzioa ikasleek sartu eta zuzenean hasten da, murgilpen hau bultzatuz.

Antzezpenaren ondoren, taldeko koordinatzaile batek gidatutako eztabaida bat egingo dugu, non antzezleen eta ikasleen arteko elkarrizketa bultzatuko da. Bertan, beraien zalantza eta kezkei erantzungo diete, eztabaida proiektuaren helburuetara bideratuko da eta irakaslearekin aurrez adostutako gaiei buruz ere. Irakasleekin egindako prestaketa hau koaderno pedagogikoaren bidez egingo da.

Koaderno pedagogikoa: https://drive.google.com/file/d/1M-_sQ6OynBmlb-R1GudADoJ6w2oGNDFi/view

Saio bakoitzaren amaieran, esperientzia beraien kultura eragin-zentroan errepikatzeko aukeraz hitz egingo zaie. Horretarako, programazioaren arduradunarekin harremanetan jarriko gara saioa baino lehen, bere eskaintza eta kontaktuak pilatzeko gero ikasleei informazioa zabaltzeko. Gazteen eta kultura-espazioen arteko konexio publikoa normalizatu dadin.

Jardueraren prezioan egun batean egin ditzakegun saio guztiak (4 saio gehienez) pilatzen dira. Saio bakoitzean gela edo 40 pertsonen taldeak sartzen dira.

Proiektuaren ardatza ikasleen gaitasun artistikoa eta eskura daukaten aukera artistikoaren ezagutza gerturatzea izan arren, eskainitako antzerki-piezen barruan hainbat kontzeptu eta balio lantzen dira. Horien barruan, desberdintasun soziala, identitate pertsonala zein generokoa, atxikimendua, suizidioa eta indarkeria.
Bestalde, eztabaidan zehar, espazio irekia sortzen da, ohiko botere-ingurunerik gabea, harreman horizontala sustatzen duena, eta ez hierarkikoa. Pentsamendu kritiko eta eztabaida sustatzeko. Balio-judizioak onartzen ez diren lekuetan eta denboraren banaketa ekitatiboan, genero - berdintasunean eta aniztasunean lan egiten denean. Ohikoak ez diren bide profesionalak erakutsiz, baita bizitzeko moduak ere, eskuarki ezarritakoez gain.

Proiektuaren helburu nagusia 12 eta 16 urte bitarteko gazteak praktiko artistikora hurbiltzea da, batez ere arte eszenikoetara.

Condiciones y recursos necesarios para realizar la actividad:

Ikastetxeak jarri beharreko baldintzak:

- Pez Limboko koordinatzailearekin aukeratutako antzezlana - Antzezlana egiteko gela bat eta ikasle kopuruaren araberako aulkiak

- Adostutako egunean gela horretara sarbidea laguntzea  Normalean klaseko lehen ordua erabiltzen dugu lekua prestatzeko eta bigarren orduan paseekin hasten gara)

- Ikasleen talde banaketa

-Behar teknikoei buruz, entxufe bateri sarbidea bakarrik beharko genuke.

Pez Limbok beste elementu eta baliabideak eramango ditu (Bozgoragailuak, fokuak, proiektoreak, jantziak, atrezzoa…), antolakuntza erraztuz.
 

Informe de actividades:

Jardueraren alderdi artistiko-kulturari buruzko txostena
PixKat bitartekaritza eta zabalkuntza proiektu bat da, bertan arte eszenikoak ikasle eta irakasleei hurbiltzea du helburu handiena. Prozesu horretan, hainbat gai eta ikuspuntu desberdinak ikusteko aukera ematen diete ikusleei.

Eskaintzen diren 6 antzezlanak Pez Limboko taldeak aukeratutakoak izango dira beti. Konpainiak hamar urte baino gehiagoko ibilbidea du eta obren aukeraketa kontu handiz egiten da. Faktore artistikoak hartuko dira kontuan, hala nola emanaldien kalitatea eta piezaren testuaren edukia. Gainera aukeratutako konpainiak, ibilbide arrakastatsua izan dute eta hainbat sari jaso dituzte. Proiektua 6 antzezlan desberdin dauzka eta urtero aldatu daitezke, beraz saila da irizpide zehatzez hitz egitea.

Aurreko urteko antzezlanak (Aurtengo proposamenean jarraian agertzen diren piezaren bat beste batengatik aldatu daiteke)

- Homo hamabilis
Galzorian dagoen espezie bat, zure eskailera-buruan, okindegiko ilaran edo lanean aurkitu ahal duzuna.
Itxuraz kaltegabea, zibilizazioaren zimenduei erasotzen dien espezie bat da. Kontuz!
Ikuskizun dibertigarri baten bidez, pertsona baikorrentzako birgizarteratze-zentro batean, Ikusleekiko hurbiltasuna lantzen dugu, ebaluazio-batzorde gisa jartzen baititugu. Eta batzorde horrek aztertutako espezimena gizartera itzultzeko prest dagoen edo gizarteratzeko modu atseginegian jokatzen jarraitzen duen ebaluatu beharko du.
Sortzen ari garen gizarte lehiakorrari eta arautik ateratzearen ondorioei buruzko gogoeta.
Antzezlanaren bideo osoa:  https://vimeo.com/268478132/5fc268f512
Dosierra: https://drive.google.com/file/d/1zsTCm0 UoE_sOA_I2C499-4rJSkwuXxy/view?usp=share_link
Gaiak: Pertsonen arteko tratu ona / Erlazioen hausnarketa / Inguruan ditugun pertsonekiko harremanak / Indarkeria Hizkuntza: Euskara 

- Oilo ama / Mamá gallina
Lekuz kanpo dagoen sendagile baten kontsulta. Toki okerrean dagoen medikua.. Bere semearekin oso lotuta dagoen ama. Laburbilduz: Haurdunaldi luze baten istorio labur bat.
Antzezlanaren bideo osoa: https://vimeo.com/269983299 share=copy
Dossierra: https://drive.google.com/file/d/1BrbWC689XCeo2HqBMTOAOFKB9ud9j1AY/view?usp=share_link
Gaiak: etorkizunarekiko beldurra / belaunaldi desberdinen arteko erlazioa Hizkuntza: Euskara 

- Tripaki salda / ¿Espinazo o callos?
Estualdi baten erdi-erdian emakume batek bere harakin izandakoarengana jotzen du, ezohiko eskari batekin. Egoera labainkorra da, are gehiago “inprobisatutako triskantzaren” lekuko izango diren beste pertsonen presentziaren ondorioz. Antzezlanak umorea du, garraztasuna, samurtasuna eta poesia, ikusleak harrituta utziko duena.
Antzezlanaren bideo osoa: https://vimeo.com/269979678 share=copy
Dossierra: https://drive.google.com/file/d/1 GKNE2P3WWI5mm1Bl5ucppY65Zjpo3hc/view?usp=share_link
Gaiak: muga pertsonalak / Elkarkidetasuna / Krisi ekonomikoaren ondorioak Hizkuntza: Euskara 
- Boxer
Bi pertsona ezkutuko kontu batean nahasten dira, dirua “erraz” irabazteko aproposa edo akabatuta amaitzeko. Ezer gutxi dute, zertzelada batzuk baino ez, txakur mamu bat eta izen faltsuak, baina eskura duten guztia emango dute SHOW on bat eskaintzeko.Bizitza gorria esku beteka kontatuta.
Antzezlanaren bideo osoa: https://vimeo.com/269972580 share=copy
Dossierra: https://drive.google.com/file/d/1ITAMe6l4L1At5GkYKqWpftipNzTcv9s/view?usp=share_link
Gaiak: aurreiritzien ezabaketa / bi pertsona ezberdinen arteko aitorpena eta onarpena / Atxikimendua / Desberdintasun soziala Hizkuntza: Euskara 

- Gizaunka / Sr. Canino

Canino jauna oso pertsonaia berezia da, txakur bihurtu dela aitortu eta bere esperientziaz hitz egiten duen gizona da. Batzuetan jostari eta besteetan sarkastiko, ez du ez zaunkarik ez koskarik egiten, mundua ikusteko bere modu berezia besterik ez du azaltzen.
Antzezlanaren bideo osoa: https://vimeo.com/374515215/c96ea1cd71
Dossierra: https://drive.google.com/file/d/1Eeg_mQ857wZVNV3leW1N9vD3c_Oc3-t/view?usp=sharing
Gaiak: Pertsonen obedientziaren hausnarketak / Obedientziak nora eraman ditzake / identitate pertsonala zein generokoa Hizkuntza: Euskara

Jarduera arlo pedagogikoari buruzko txostena
Jardueraren helburu nagusietako bat belaunaldi berriak arte eszenikoen bidez heztea da, belaunaldi horiek arte eszenikoa programatzen diren hurbil dituzten tokietako batera hurbilduz. Antzezlanak irauten duen bitartean, hainbat gai jorratuko dira, baina horien tratamendua ez da izango antzezpenaren ardatz nagusia. Pertsonaia gutxirekin bere arreta bereganatzea lortzen duenez, interesa piztu eta kontakizunean sartzen dira. Horren ondorioz, horren edukiak, normalean gizarte-karga handiena duenak, horri buruzko gogoeta eragin diezaieke ondorengo eztabaidan. Bigarren zatia, solasaldian, garrantzitsua iruditu zaien edozein gai lantzeko aukera ematean, ideiak azaltzeko askatasuna lantzen dugu, eta, aldi berean, pentsamendu kritikoa indartzen dugu, elkarrizketa ikasleen arteko eztabaida batera bideratzen baitugu.

Bereziki azpimarratuko da antzerkia adierazpen-modu gisa ulertzen has daitezen eta gorputzaren eta hitzaren adierazpen-tresna gisa ikus dezaten. Hori nabarmena da antzezpenean aktoreek publikoarekiko duten hurbiltasunagatik, ikusleak aktorekiko zentimetrotako distantzia baitdute.

Aipatzekoak dira, halaber, literaturaren elementuak modu ludiko eta praktikoan ikustea, arte eszenikoekin esperientzia positiboa izatea eragiten dutela. Gainera antzerkigintza espresio modu bezala ikustea gorputzaren eta hitzaren erabilerari esker, esperientzia aberasten du. Horrela, gertuen duten espazio eszenikoari buruzko informazioa hurbiltzea eta aukera akademikoetara hurbiltzea errazten da. Bestalde, interesgarria da pertsonaren eta pertsonaiaren arteko aldea ikustea, sare sozialekin eta horien erabilerarekin lotuz.
Txostena: https://drive.google.com/file/d/1V7ytJaXWlX3kPzeD9BCMjj7j8JNiLPfS/view?usp=sharing

Trayectoria profesional del autor de la propuesta

Pez Limbo Arte Eszenikoen konpainia bat da. Bere ekoizpena sorkuntza propioan oinarritzen du, arte eszenikoen arloko sortzaileekin eta beste konpainia batzuekin mestizajean. Antzezlanak umorea, azidotasuna eta poesia nahasten dituzte, betiere errealitatearekiko begirada kritiko batetik abiatuta. 2011n sortu zen, eta 18 ikuskizun sortu ditu orain arte, bai aretoan antzeztekoak, bai ohikoak ez diren espazioetan antzeztekoak, 1000 emanaldi baino gehiagorekin. Kezka berezia jartzen du ikusleekiko hurbiltasuna aurkitzeko eszena-emanaldietarako espazio alternatiboak bilatzeko eta arte eszenikoen ate beste ingurune batzuen arteko bitartekaritza-proiektuak egiteko. Nabarmentzekoak dira 150gr. Jaialdia hiri-ingurunean, PIXKAT publiko gaztearekin eta AntzkOH! Landa-eremuetan, gauzatzen dituen proiektuak. Egunerokotasunaren baitan ustekabeko egoerak sortzen ditu, gune alternatiboetan. Dibertigarriak eta sinesgaitzak diren egoerak eragiten ditu Pez Limbo-k, beti ere gizartea arte eszenikoetara gerturatzeko asmoz.

Orain arteko esperientzia PIXKAT egitasmoarekin
2016ko abenduan proiektu honen lehenengo froga egin genuen Aguraingo Aniturri institutuan.
Ordutik hona, prototipo ezberdinak egin ditugu, bilatzen ditugun helburuak lortzeko hoberen funtzionatzen duen formatua aurkitu arte. Orain arte ikasitakoa, funtzionatzen dituzten gauzak hauek dira. Eztabaidan paternalismotik urruntzea eta gertutasuna lantzea. Arteen arloan dituzten aukerak zabaltzea balorazioak egin gabe. Ikastetxean bertan egitea ingurune seguru bat ematen die, jarduera artistikoez hitz egiteko eta ikaskideen aurrean balioan jartzeko.

Azkenik, antzezlan ez extra-pedagogikoak: Antzerkiaz gozatzearen plazerra arazo sozial batean bereziki (bullyng-a, genero-indarkeria, klima-aldaketa) kokatu gabe. Balioa artegintzan dago, literatura-testuan, interpretazioan , eszenaratzean. Bistan denez, obra interesgarri batek interesatzen zaien gai bat landuko du, baina ez modu pedagogiko batean.
Pasaden urteetako memoriak: https://drive.google.com/drive/folders/1Mt1n7fXltt89_xwwHK32 7_qoplyqiQp?usp=sharing
Asistentzia datuak: https://drive.google.com/file/d/1tlPVZ34VFHA RnKAeJeKS6ZMpdDiU_s_/view?usp=sharing