Carmen oihal-eskulangintza

Mari Sole Cocoti Tausten (Zaragoza) jaio zen, eta 2010eko urtean Mutrikura (Gipuzkoa) aldatu zen bizitzera. Han Carmen Esnaola ezagutu zuen, Lasturko Goikola baserrikoa, eta baita artilearen prozesua ere, hura garbitzea, kardatzea, tindatzea eta haria egitea alegia. Mia¹ ere ezagutu zuen, Arruanen finkatutako ehule finlandiarra, eta horrela aukera izan zuen gerri-ehundegi batez ehuntzeko.

(¹) Antzinako Lanbideak XII

Carmen ber Mutrikuko tailerrean lanean. (Argazkia: Yulen Zabaleta)

Lau pedaleko ehundegi bat ere eskuratu zion. Esperientzia hori Tristen (Huesca) egindako oinarrizko ikastaro batez osatu zuen. Horrela, Maria Noel “Monse”ren zuzendaritzapean, ehundegia hobeto maneiatzen ikasi zuen.

Mutrikun lokal bat alokatu ondoren, 2011n beharrezko tresna guztiez hornitu zuen (gorua, ehundegia, irazkidegia, kardatzeko makina, ardatza, bastidoreak, etab.).

Kolorearekin eta loturekin esperimentatu, eta lortzen ditudan produktu nagusiak, besteak beste, honakoak dira:

• Bufandak
• Gortinak
• Mahai-zapiak, zenbait neurritan
• Alfonbrak
• Pashminak
• Latxa ardiaren, merinoaren eta alpakaren artileez goruan egindako hariak.
• Beste jantzi batzuk

(Argazkia: Yulen Zabaleta)

Behar dituen gauzak Bartzelonako biltegi batean erosten ditu.

Egiaztatu ahal izan dugun moduan, oihal-eskulangileak bere lantegian ematen ditu arratsaldeak, eta bisitariak hartu eta egiten dituen produktuen prozesua eta aplikazioa azaltzen die.

"Carmen"ek kezka agertzen du, halaber, oihal-eskulangintzaren parte bat behintzat produkzio industrializatuak ordezkatzen duela ikusita.

(Argazkia: Yulen Zabaleta)

Mari Sole eskulangintzaren eredu bat da, ahaleginaren eta konstantziaren bidez kalitate eta prezio egokiko produktuak lortzera irits daitekeela erakusten baitigu.

Duela gutxi oihal-eskulangintzako eskolak ematen hasi da, bere lantegian bertan.