Komunikazioa familian. Guraso eta seme-alaben arteko harremanak eta komunikazioa hobetzen (BERRIA)

Helburuak:

• Komunikazio enpatikoa eta asertibitatea zer diren eta zertarako balio duten ulertu.
• Haurrek entzun dezaten, nola hitz egiten ikasi eta haurrek hitz egin edo sentitzen dutena partekatu dezaten entzuteko moduaren kalitatea areagotu.
• Hitzezkoa ez den komunikazioaren kontzientzia hartu.
• Emozioak eta beharrak identifikatzeko trebatu.
• Konexioa sortu eta irabazle-irabazle irtenbideak eraikitzen ikasi.
• Norberaren boteretik zentratuta hitz egiten ikastea, bestearen gainetik jarri gabe eta kokildu gabe.
• Baliabide praktikoak ezagutu eta egunerokoan sortzen diren egoerak landu.

Landuko diren edukiak eta gaitasunak: 

• Asertibitatea, enpatia eta konexioa komunikazioan.
• Kalitatezko entzumenaren garrantzia: nola entzun nola hitz egin haurrek entzun dezaten.
• Ahozkoa ez den komunikazioa: gorputz-adierazpena, ahotsa, eta hitzik gabe islatzen duguna.
• Harreman horizontalak bermatzeko eta botere-jolasak ekiditeko kontzientzia.
• Emozio eta beharren identifikazio eta adierazpena.
• Komunikazioa familia-bilera edo asanbladetan.
• Irabazle-irabazle egoerak lortzeko erramintak.
• Baliabide praktikoak egunerokoan sortzen diren egoerak kudeatzeko: oheratzeak, jasotzeko uneak, mugak, liskarrak…

Metodologia:

Hitzaldia.

• Hau guztia lantzeko metodologia dinamikoa erabiliko da (teoriko-praktikoa).
• Teorian oinarrituta, egunerokoan bizitzen diren egoerak landuko dira, esperientziarekin konektatzeko eta lanketa sakonagoa egin ahal izateko.

Tailerra.

• Hau guztia lantzeko metodologia dinamikoa erabiliko da (teoriko-praktikoa). Haurrekin / nerabeekin hezkuntza emozionala landu nahi bada, helduok egin behar dugu lanketa hori lehenbizi, emozioak gure inkontzientean bizi baitira; eta, beraz, ezin ditugu horiek landu ikasketa teoriko batekin bakarrik.
• Teorian oinarritutako kasu praktikoak landuko dira, emozioak lantzeko emozionatu egin behar delako.

 Trebatzaileak hitzaldia edo tailerra garatzeko behar duen materiala:

• Proiektorea edo telebista, Internet, hdmi kablea eta, ahal bada, papelografoa edo arbela.