TREBA Gazteak: Ahalduntze-eskola

 

18-30 urte bitarteko Gipuzkoako gazteei beren ahalduntze-prozesuan lagunduko dien prestakuntza-eskaintza da hau, lana/bizitza binomioan bigarrena ardatz duena. TREBA gazteak programaren asmoa da beren emantzipazioko, garapeneko eta hazkunde pertsonal eta kolektiboko prozesuak sortu eta  finkatzea.

Gazteekin batera focus group metodologiaren bitartez diseinatutako prestakuntza da, 50 gazte baino gehiagoren iritzia kontuan hartu delarik. Gainera, programan parte hartzen duten udalek ere inkesta zabaldu dute beren herrietako gazteen artean. Horren guztiaren emaitza gazteentzat interesgarriak eta beharrezkoak diren gai ezberdinei buruzko pilula laburrak dira.

Gazteek beraiek aitortzen dutenez, bizitzan moldatzeko oinarrizko gaitasunetan gabezia edo hutsune nabarmenak dituzte, eta gaitasun horiek funtsezkoak dira bizitzako etapa honek bereizgarri dituen aldaketei aurre egiteko eta erabakiak hartzeko.

  Gazteria teknikaria bazara eta zure udalean ikastaro bat antolatu nahi baduzu, idatzi xximenez@gipuzkoa.eus helbidera.

   Gaztea bazara eta ikastaro bat eskatu nahi baduzu, idatzi Whatsapp-ez 620 278 070 zenbakira.

Zaintza, sexkuntza, gaitasun kritikoa eta zeharkako beste hainbat gai lantzen dira ikastaro hauetan.

GAIAK

Etxeko ekonomia  Sexualitatea  Osasun mentala  Ekologia
  Adimen emozionala  Feminismoa  Edertasun-kanonak  Antzerki komunitarioa
  Argazkilaritza terapeutikoa  Suizidioa  Menpekotasun psikologikoa

 

 Agenda

Non Ikastaroa Data Ordua Hizkuntza Egoera Izen-ematea
Elgoibar: Aita Agirre Kulturgunea (Areto Nagusian) Suizidioaren auzia Azaroak 17 17:30-19:30 Euskaraz Eginda Izena eman!
Zegama: Andueza Parketxean Zeure burua maitatzen ikasi Azaroak 18 17:00-20:00 Euskaraz Eginda Izena eman!
Ordizia: D´Elikatuz Suizidioaren auzia Abenduak 1 18:00-20:00 Euskaraz  Epea irekita Izena eman!
Ikasgela birtuala Gazteak eta ekologia: kolapsoa? Abendutik aurrera Nahieran Euskaraz  Egiteko

 

2022-2023 ikasturteko agenda osoa

 

 Hitzaldi eta tailerrak