Gazteak Auzolanean gazteentzako beka-multzoen programa espezifikoa da. Gazteria Zuzendaritzak kudeatzen dituen beka hauen helburua da ingurunea inplikatzen duten talde-egitasmoei laguntzea, interes publikoa duten eraldaketa sozialeko prozesuak bultzatzeko.
Gutxienez 3 pertsonak, 18 eta 30 urte arteko gazteek, osaturiko taldeek parte har dezakete. Horiek proiektu bat gauzatzea proposatu beharko dute, baina ez dira elkarte edo enpresa gisa eraturik izango eta, hortaz, ez dute nortasun juridikorik izango.
Gehienezko zenbatekoa 5.000 eurokoa izango da, eta gutxienekoa 1.500 eurokoa. Diru laguntza hauen kopuru osoa 25.000 eurokoa da.
Hamabost minutuko zortzi ataleko websaila da, eta sexu-eraso bat jasan duen lagun baten istorioa du ardatz. Ikuspegi gazte eta feminista batetik sortutako lana da, gazteek gazteentzat sortua.
Pertsona-talde batek proiektu bati bere aisialdian eta eskuzabaltasunez ekiten dionean, erronka ugariri aurre egin behar die, eta gutxitan dago horretarako prestatuta.
Gazteen osasun mentalaz sentsibilizatzeko eta gaiari ikusgarritasuna emateko, Tolosan topaketa bat egingo da. Horrekin, osasun mentalaren kontzeptuaren normalizazioa lortu nahi da.
KALEAtik “Session” deritzon formatua, beste hainbat lekutan eraginkortasun handiz funtzionatu izan duena, Gipuzkoara ekarri nahi da antzeko arrakastaz.
Arte elektronikoak eta queer estetikak uztartuko dituen topagunearen antolaketa: Euskal Herriko zein nazioarteko hainbat adierazpen artistiko eta kultural elkarrekin hizketan jartzeko baliatuko da.
