OHARRA: Coronavirusaren ondorioz, Beat-eroak programan aurreikusita genituen ekintzak atzeratuko dira. Barkatu eragozpenak

 

Beat-eroak

Gipuzkoako gaztelekuetan rap musika eta euskara lantzeko proiektu pilotua

 

#BeatEroak

Egitasmo honen helburu nagusia da gazteekin gai desberdinak lantzea, rap doinuen erritmoan, haien artean euskararen erabilera sustatzeko.

Horretarako tailerrak antolatu dira Telmo Trenor musikariarekin. Hauek grabatu egingo dira eta hartutako irudiekin bideoklip bat osatuko da.

2020 edizioan proiektu pilotua garatuko da hiru gaztelekutan eta, ateratzen diren emaitzetan oinarrituta, etorkizunean Beat-eroak gazteleku gehiagotara zabaltzea izango da gure erronka.

Helburuak

Esan bezala, egitasmoaren helburu nagusia da, rap musikaren bidez, gazteen artean euskara sustatzea eta, bide batez:

- Gazteekin, euskaraz eta rap doinuen erritmoan, gai desberdinak lantzea.

- Gazteek hizkuntza modu naturalean eta dibertituz erabiltzea, euskararen erabilera sustatuz.

Programaren hartzaileak

12 eta 16 urte bitarteko gazteentzako ekimena da.

 

Agenda

Gaztelekua Beat-Marker-Rap tailerra Ordutegia
Hernani Atzeratuta 16:30-19:30
Legazpi Atzeratuta 17:00-20:00
Zumarraga-Urretxu Atzeratuta 16:30-19:30

Parte hartzen duten gaztelekuak

 Hernani

Ariztizabal kalea, 5

Telefonoa: 943333212

gaztelekua@hernani.eus

Legazpi

Latxartegi kalea, 3 - Kultur etxea

Telefonoa: 943737171

gazteria@legazpi.eus

 Zumarraga-Urretxu

Jauregi kalea, 6 - Urretxu

Telefonoa: 943038827

gaztebidean@gmail.com

Proiektuaren  ezaugarriak

 

  • ​Ekimena Telmo Trenor musikariarekin eta Iametza komunikazio-enpresarekin batera garatuko da. Telmo Trenor rap munduan aritutako Donostiako beat-maker ezagunetariko bat da. 
     
  • Proiektu pilotua Hernani, Legazpi eta Zumarraga-Urretxuko gaztelekuetan garatuko da 2020an.
     
  • Gazteleku bakoitzak 10 laguneko taldea osatuko du. 
     
  • Zuzenean rap-tailerrari ekin aurretik, nerabeekin gaiaren alderdi batzuk ukituko dira ikuspegi pedagogiko batetik, bide batez beste zehar-lerro batzuk ere landuz: inklusioa, aniztasuna, berdintasuna...

Rapa eta hizkuntza

  • Hip hop kulturaren oinarrietako bat: Rapa 1960ko hamarkadaren  bukaeran  Bronxeko (New York, AEB) komunitate afroamerikar eta hispanoamerikarrek garatutako musika-estilo bat da, Hip Hop kulturaren oinarrietako bat, Breakdance edo graffiti-arekin batera.
     
  • Eraldaketa sozialerako tresna bat da, artearen eta hizkuntzaren bidez eraldaketa-prozesuak bultzatu daitezkeen neurrian.
     
  • Egiten duenarentzat terapia izan daiteke eta jasotzen duenarentzat kontzientziaziorako eta ahalduntzerako bitarteko bat.
     
  • Gazteekin lotua:  bere estetikari, musikari eta abarri esker, Rap musikak belaunaldi gazteenak erakartzen ditu.